يالرؤية اللي حددوك بثلاين .............. ما شفت ي اسمي بين سامة وحامة
والا يمرك بين روس الملايين ....................... والا مع التجار بديرة أوبامة
كل ن حصل له رخصة تطرب العين ........... ورخصة زواجي إبلعتها النعامة
جناح طاير وايضا خف البعارين ................ هنيتها تنحاش وتمغط إعظامه
وانا اعظامي ما تشيل المساكين .................اللي مثل حالي وغادي اهلامة
يا دولتي متى علينا تحنين ....................... ومتى يتربى في وطنا سلامة
يا دولتي متى تزين القوانين ..................... ومتى يتحقق للمواطن كرامة
((كيف السعودي لاجي بين لاجين ........ بين الزعتري وبين الازرق مقامه))
لو كنت من داعش وبين المساجين ..................... تيسرت امورنا والاقامة
وتسددت اديوننا والديايين .................... وبنيت لي قصر ن عليه الفخامة
رحنا ضحية شعب مخلص اموالين .... ورحنا طعوم اجحاش لجيل الرخامة
يا خادم البيتين ويا خادم الدين ............. وانت الذهب اللي عزيز ن غرامه
يا سيدي ياللي تسوس السلاطين .................. تسوسهم تقودهم والجهامة
عسى السعد في طلتك يوم الاثنين .............. فيها فرح مثلي وفيها علامة
تستثني اللي من بنات العريبين ................ من فيزة الهندي وذيك الطغامة
بنات وايل من حنيفة واصيلين .............. ما ههم من اللي يدفعون الغرامة
ما جبتها من الهند ولا دولة الصين ................. اعيال عم ويلبسون العمامة
ولا هي ضنا فلاح بين البساتين .............. ما له جدى يا غير يحرق إخمامه
اللي يعطر لحيته بالدخاخين .................. وستر الهنوف اللي تسمت برامة
ووخيها اللي يرجي فيزة وقرشين ............... فاسد ويدرس الفساد بنظامه
يا كثرهن في ديرتي يا مل البين ................ جابوهن اللي يتبعون الحمامة
وحنا الياجبنا بنات العزيزين .......................... عيوا علينا معتلين الفهامة
بنت ن اهلها بالمراجل قديمين ..................... رمز الفعول الطيبة والزعامة
حامينها من حمص إلين الصنمين ................ يا ويل والله من يطير حمامه
يشدون لفعل كليب وايل وذربين ................. تشهد لهم عدوانهم بالشهامة
ياما اركبوا بظهورهن دوم عجلين .......... في لحظة كل ن يخضب إحسامه
دم النشاما عطرهم والعديمين ................... يوم الردي ما قيل ثور عسامه
وتشهد لهم الترك بالموت جسرين ......... بضرب يقص الراس ويجدع الهامة
هذي ربيعة الفرس تلهم الدين ............... بقول النبي ما هي سوالف إدرامة
وصلاة ربي عد ناس ن ملبين .................... على شفيع الخلق يوم القيامة

القارظ العنزي