السلام عليكم ورحمة الله وبركاته ..
طبعا من زمان عن مواضيع الطبخ والحركات
اليوم قلت اشد حيلي واوريكم طبق من مطبخي الجديد
طبعا احب اعتذر منكم يمكن الصور ماتكون ذاك الوضوح لان التصوير من جوالي
الكاميرا نسيتها في بيت اهلي
نبدا بسم الله
الطبق هو بنك باستا
المقادير الرئيسية :
مكرونة اي نوع , شوية صلصة , بصل مفروم , طماطم مفروم , فلفل اخضر مفروم , صوص مكرونة احمر اي نوع , صوص مكرونة ابيض اي نوع (تحصلونهم في السوبر ماركت ), البهارات , جبن بارميزان , جبن كرافت , جبن موزريلا (كلهم مبشورين ) ,كريمة خفق , ثوم , زبدة , بقدونس
المقادير الأختيارية :
دبس رمان , دجاج او لحم او تونا او اي بروتين
الطريقة :
اول شي ناخذ ربع الزبدة ونذوبها , ونحمل البصل والثوم مععها لين يذبل
في هالوقت نكون مخلين الموية تغلي ونحط المكرونة مع شوية ملح وزيت
نرجع نضيف الطماطم لين يذبل , ثم نضيف الفلفل الأخضر
بعدها نحط الملح والفلفل الأسود , ودبس الرمان ( اختياري )
ونحط الخلطة هذي بالخلاط
في نفس المقلاه
نحط جبن كرافت والبقدونس والصلصة ونحركهم على بعض
نحط الي في الخلاط , على الصلصة والبقدونس والجبن
نصفي المكرونة ونضيفها على الخليط
نضيف عليها الجبن , والدجاج ( انا الدجاج برجر جاهز قليته وقطعته وضفته)
نضيف صوص الأحمر والأبيض
نضيف قشطة الخفق , جبن برميزان
وتقدم مع سلطة سيزر
وهي عبارة عن خس وخبز محمص وجبن برميزان وصوص سيزر جاهز
وبالصحة والعافية
هذا لكم
واتمنى انها اعجبتكم
تحياتي