~~~~~~~~~~~~~~~~~~~~
~ تدري وش اللي يقتل القلب بسكات ~
~~~~~~~~~~~~~~~~~~~~
يـغـنيك عـن كـثـر الـحكي مجمل ابيات
ومـن يـاخـذ المضـمون يـلقـى الادلــه
تدري وش اللـي يـقتل الـحـب بسكات
لاصرت في بوحك تحـس بـمـذلـــه
وتدري وش اللـي يـكسر الـظهـر حزات
لامن عـطيت احـساس مـاهـو مـحلـه
وتدري مـتـى تـستاهل الطـعن مـرات
لا من خـطيت الدرب وانـتـه تـدلـه
لا تتبع المقـفي علـى كـل حـــالات
بـعض الوجـيه اللي تقـابلـك عـلـه
ولا تسـال الـغالـي عـن الـجـرح لا فات
نـبش الـحكي يـزود الطـيـن بـلــه
طـالع في من حولـك وتاخـذ شـهـادات
مـانلـتـها لـو تـدرس الدهـر كلــه
ناس تجر من سـوود الضيق ونـات
ونـاس تـقـضـيها ونـاسـه وفلـه
هــذاك شـال هموم غـيـره ولا بات
وهـذاك مايدري عن احسـاس خلــه
احـدن يهين اصـلـه عـلى كل زلات
واحـدن ترومه شـيمته مـاتـزلــه
لا تـقول حظي من عنا الوقت قد مـات
قـل مـات حظ اللي عنـاه اسـتحلـه
ولا ضاقـت الدنيا وعلى الكيف ما جـات
اطلق احجاجك ثــم تـوكل عـلى الله
عجبتني حيل ونقلتها لكم
</b></i>