مساء الخيرات والليرات والوردات الحلوات


اليوم يارب حنروح حديقة الردف مرا تجنن هالحديقه كل جمعه تقريبا نروح




صراحه انا مرا انفع اعلاميه جالسه امدح لكم بكل مكان اروحه



بس جد موقعها استراتيجي قبل تروحها اجباري نمر بشارع شهار ولازم نمر مذاق الملكه طبعا مااحتاج امدح لكم فيه وانا مضبطه القهوه كمان نسيت نمر بمحل دي باريس قسم عليهم اكله كدا الكيلو ب90 قسم تجنن وربي مااقاوم انا الحلى




وكمان بالحديقه عشقي قهوة فاندير عندهم القهوه الفرنسيه من دون سكر تجنن وربي مااعرف ودي اعرف مين اخترعها وابوس مخه



صراحه احبها ماعمري جربت اسويها بالبيت بس انا وحده صعب ارضى باي شي اي شي فيه حليب مااشربه بس مااعرف اش السر مع القهوه الفرنسيه اعرف انو فيها حليب واشربها عادي قسم سحر


اصلا من كنت ادرس بالجامعه كان فيه ركن لكل بلد وجيبي اللي تبغي من ثقافة هالبلد كان عندهم حلاوة ماتنباع بالسعوديه ابدا كنت اعشقها نشتري كرتون هيا بطعم القهوه لو لقيت صورتها بوريكم هيا




طبعا انا كنت مسؤوله عن هالقسم وضحت الجانب الحلو بفرنسا لاانو انا وغيري كثير من الناس من ندرس الادب الفرنسي نعرف انو كان كل هاجسهم بالمراه وكيف جردوها من ثيابها الين اشتهرو بافلامهم اللي مافي عاقل يتابعها




عموما ذكريات الجامعه ماتنكتب بسطرين لازم لها جلسه







كل من مر من هنا يصلي ع النبي