يا زمن عطني على صبري وسام === ما اظن انسان مثلي قد صبر
كم صـبـرت اعــوام تتبعها أعوام === كم تحـملت الـمـراره والقهر
كم سـهـرت الليل عـيـنـي ما تنام === كم لاجلهم كم أرخصت العمر
عقب طيـبي ذاك أرمـوني بسهام === جازوا احساني بطعنات الغدر
مـاتـفـيـد أبــداً حـسـافـه ولا كلام === طالما المعروف فيهم ما ثمر
أبـعـدوا عـنـي وتبـادوا بالخصام === واتركوني بين ليعات وسهر
الـحـزن ينصـب وسط قلبي خيام === والقهر يوقد من الخيبه جمر
ع الـمحـبـه قلت يا دنـيـا السلام === دام صار الحب يـنبـاع بسعر