ماضي الماضي شيخ بندر التجار
رزه وذوق .. شخصيه .. ومهابه

القاف . ووزن الشعر لمثلكم كار
اطلب ترى طلبات شخصك مجابه

اسمك يبقى . . في قلوبنا تذكار
يا قطب القصيد . . وذيب الذيابه

انت والقارظ .. جبتو .. لي الزار
يا ويل قلبي .. منكم . ويا عذابه

واحد يدق مزمار وواحد على طار
وما تدرون .. عن قلبي . ومصابه

غديت .. بعد المعزه . غريب الدار
يا الله طلبتك .. يا سريع . الاجابه

واقف على بابك .. والدمع مدرار
واقف .. ارتجي .. تمطر . سحابه

ما خاب الرجا فيك يا عالم الاسرار
يا واحد .. احد .. ما خاب الرجا به