عرض مشاركة واحدة
قديم 02-20-17, 01:17 PM   #1
حسين سلطان

الصورة الرمزية حسين سلطان

آخر زيارة »  10-15-23 (07:46 AM)
المكان »  البحرين
الهوايه »  القراءة والكتابة

 الأوسمة و جوائز

افتراضي ابي اعرف تحبيني !!!!؟



أبي اعرف تحبيني !!!!؟
أو انك مثل ماقالوا
جرحتي الود وسنيني
طعنتي الملح والعشرة
نثرتيني بوجه الريح !
ولما اسألوا عني
تجاهلتي ونسيتيني !


حقيقة أنتي تحبيني ؟؟؟
اذا ضاقت بي الدنيا
وملاها البرد أيامي
وعجزت من الوجع أغفى !
تحسي بي وتغطيني ؟
تسابق خطوة أنفاسك
وتركض لي
تدفيني


تعالي
تعالي
تعالي
يالله قوليلي
اذا مرك بهذا الصبح
عطر باقي من ثيابي
ودمع جرح اهدابي
و اذا بليلك تناسيني
ولا اهتميتي بغيابي
ونسيتيها حكاوينا
ولهفتنا بغناوينا
وبكى قلبك على الذكرى
وعاتب قسوة احساسك
ابي ردك : تحياتي


واذا ضاقت بي الدنيا
وتغرب فيني احساسي
وجيت ابكي على بابك
واصرخ حيل محتاجك
ابي اسمع منك عتابك
وادور لك عذر وحلول
لأجل أعرف تحبيني ؟


تعالي
تعالي
تعالي
الحين مريني
لاجل ماتنكسر احلام
وتموت ايام عشناها
بنيناها بروابط حب
لأجل مايقولوا العذال
علاقة عابرة كانت
طبيعي افترقو وهانت


وربي انتي تحبيني
واكيد بترجعين الحين
محال اصلا تخليني
ولو طالت بنا المدة
صعب انسى وتجافيني
والاصعب انك تنسيني
طلبتك لا ترديني
ابي نرجع مثل الاول
نسولف عن بدايتنا
امانة لا تخذليني


بقلمي المتواضع