مساء الخير

شلونكم شخباركم ؟

وحشتوني انا ارتاح في هذا المنتدى بس انا عندي مشكله من العام للحين شهر ثلاثه باكمل سنه

انا كتبت قصتي اهني قبل ونسيت تقريبا بس ساعات وانا في الحمام وانا اتسبح أتذكر واتالم حدي

ولما المس تلفوني واجوف ان شباب يكلموني احقرهم مارد في برنامج انستا مسج أخاف يصير نفس التانجو وان يعتدي علي احد انا حذفت التانجو من حياتي من العام وقمت وغيرت رقمي ومازعته وايد وعندي تلفونين

وانا ذكرت لكم سالفه الأردني اللي قعد ينتظرني عند الجامعه واعتدى علي في شقه امي وابوي مايدرون بس وحده من ربعي تعرف واختفت طلقها خطيبها انا صح ماجفت دم وي الأردني لما لمسني بس ميته خوف من الله عشت فتره ماتنذكر منهاره وتعبانه وتعلمت درس قاسي من الشي مع ان كنت وحده زينه اقرا قران واصلي صلاه الليل واخاف وماعندي مسنجر

واليوم شريت منتج طلع اردني قعدت اتالم اكثر في السوبر ماركت وسكت وبسرعه مشيت بس كل انا في خوف لما اقابل شاب او رجال ان ياخاف احد بعتدي علي او شي

وانا محتاجه وظيفه اليوم قبل باجر عمري 24 الى متى باكمل شهرين قاعده في البيت بلا دراسه باخذ دوره في معهد وبعدين باشتغل

انا مجهزه اوراقي وكل شي

بس انتظر ابوي يوديني انا طلعت من الجامعه لانها صعبه وغاليه

رحت معهد نجحت في مادتين b وماده f مع الأسف وطلعت سويت رساله تظلم بس قالو ان ماقبلوني ان ارجع ادرس وان لازم انتظر الى شهر سبعه عاد انا درست جامعتين خاصه

وان شاء الله احصل وظيفه انا اشتغل شغله مندوبه وي وحده من منطقه بعيده

يعني مندوبه وانا في البيت انشر لها منتجات انستغرام وسناب جات

وانا تبت ان اكلم شباب وكل ابتعد عنهم

وغيرت لوكي وصبغت شعري بس ان بيتنا ماعجبهم قمت وغيرت اللون الى بني غامق

ورجعت اسوي نفس المعهد ان اصلي ركعتين بعد كل صلاه

واحس حياتي في المعهد احسن من الجامعه الثانيه

وابوي مب مقصر علي في شي

بس ان اهو تقاعد عورني قلبي ان قام يتسلف

وان ماعنده بيزات تمنيت ان لو انا اشتغل

وبس اشتغل راح يفتك من مصاريفي

ساعدوني شسوي ابي انسى اللي صار لي