كنت اقلب في الانترنت ولقيت موضوع مفاده هو كيف تحضر صديقك او حبيبك معك بالمنام وتسلمه رساله ويستلمها ويقراها والموضوع كله علم نفس ويدرس في بعض المدارس الاوربيه ولم يكن له علاقه بالسحر او الشعوذه في البدايه لم يستهويني الموضوع لكن بعد شهر كنت اسولف مع احد الاصدقاء وطرا الموضوع في حديثي وقال انا جربته وفعلا احضرته وسلمته رساله ,وبالفعل استلمها وقراها كما اردت استهوتني الفكره ورجعت ابحث عنها فاللنت وبعد جهد وجهيد وعشرات المحاولات حضر واليكم مادار من حديث والموضوع والقصيده حصري لمنتديات مسك الغلا
البارحه حظي تبسم سويعات=في طارفة حلم خطرلي وجاني
فزيت من نومي وفالعين عبرآت=عبره على ذكرى تركها زماني
قمت اتذكر فيه وانشد له ابيات=وابعثر اورقي وهوجس مكاني
واتذكر اسنيني وحلمي بعد مات=وغدر القريب اللي بسهمه رماني
البارحه joe joe ونا نومي سبات=العين شافتها وسعدي لفاني
وارتحت من همي وشفت المسرات=وتبسمت خضر الغصون اللياني
جتني تشيل الورد وعقود شمعات=ومعها ابتسامه في ثغرها تباني
قلت ارحبي ياللي على موعدي جات=جتني ولاقدرت توخر ثواني
الشوق يدفعها ونا منه مابات=والكل منا من فراقه يعاني
واقبل علي الريم في خمس خطوات=سمعت قلبي عدها مع لساني
وقبلتها ع الخد واشر بغمزات=وشالت عبايتها وجلست وزاني
وقالت ترى جيت انشدك وابغي اثبات=عن حاجة عندك وقلبك نساني
الشعره اللي بعد ماقلت لي هات=نزعتها مع مزها بالثماني
وش صار فيها بعد غيبي سنوات=وان كان تغليها وفيها حناني
قلت انها اللي باقيه من زمن فات=خبيتها سد الضلوع المحاني
ولفيتها مع وردنا عشر لفات=واجيلهم كله عشانك وشاني
وابكي على فرقاك مره ومرات=مثل اليتيم اللي على الديد عاني
واضمها بالجوف واشعر بلوعات=تقتل شراييني وتقتل كياني
وانتي تركتيني لبعد المسافات=وياليت وقتي طاعني ماعصاني
وصحيت من نومي بضيم وحسافات=من حلمي اللي في منامي غشاني
وقلبتها من بعد سعدي مناحات=عليك ياضبي بنومي سباني