مآ يقدر ابليس يلعب في عقل عذرا .. تقدّر اخوانها وتحب شايبها
اقدم لكم قصيدة رآآآقت لي
للشآعر ..( محمد جارالله السهلي )
اتمنى تعجبكم
.
إطلالة الصبح : وجه الفارع / الشقرى
بالذات لا فرّعت وأرخت ذوايبها
قطعة من الشمس .. جات بليلة غدرى
كن المسا من صباح الغد جايبها !
الصبح ما ينتهي معها .. وبالاحرى
تلقاه من وين ما حطت .. ركايبها
عن الظلام وسواده .. تسمع و تقرى
وما كانت تصدقه لولا .. صحايبها
لاسولفوا بالسهر والليل و المسرى
تشوم عن .. سالفتهم .. و تعايبها
بنت السحاب النقي من حقها تدرى
على .. نقاها / براءتها / سحايبها
وريثة المجد يوم المجد ما يشرى
لا هب طاري الفخر هبت هبايبها
تفز وتشوش كنها .. مهرة صفرى
اليا انتخوا في .. سميتّها .. قرايبها
مرت على قلوبنا وقلوبنا خضرى
ورزت عليها بعد قفت ..نصايبها
تستاهل الشعر والاعجاب والذكرى
ما خيبت نظرتي ولا رجاي بها
تقول للي يبي يلعب بها .. و ازرى
ماقالته من رهى لا اكثر .. حبايبها
ياضعيّف النفس حاول مرة اخرى
وقم علّم الناس حاضرها وغايبها
ما يقدر ابليس يلعبفي عقل : عذرى
تقدّر إخوانها .. و تحب شايبها !!
.
دمتم بحفظ الله