،
ماما ادتني وانا صغيره صحن به اكل للجيران
لانها قالت مين البطله اللي تنفعني << اكثر كلمه ودتنا بداهيه
المهم قمت انا من زود الفشور نسيت ان معهم كلب
ادتني الصحن وحطت عليه سفره وانا بودي لهم الاكل
كنت مركزه ع السفره لاتطير فكانت عيني عليها موب ع الطريق
وانا امشي وقفت ع يميني كلب الجيران
هما نفسهم اللي بودي لهم الاكل
فكنت واقفه بنص الطريق بعيده عن بيتنا وبعيده عن بيتهم بالنصف بالضبط
مع ان بيتهم قريب بس لاني صغيره كانت المسافه كبيره بالنسبه لعيني
المهم بكيت وانا بمكاني
ماني عارفه اعطي الكلب الصحن واحط رجلي
ولا احط رجلي وبيدي الصحن
انزين اذا جريت الكلب يجري وراي
دايم يقولون لنا كذا
كنت اطالع في السماء وابكي مابي اعين له قلبي بيوقف وانا جامده بمكاني
ماما دقت عليهم وقالت ها جت اسيره قالت لها لا
قالت عيني لها كملها طلعت
المهم الكلب الله لايوفقه سادح يعين لي ماسمح لي بفرصه اهرب بس زين ماوقف كنت ذحين فرش التراب يضمني
وجا ولدهم ع طول شال الكلب ويبي يهديني من البكى
واحط له الصحن في الارض ماعاد بوصله بيتهم يدبرون نفسهم
ورجعت لبيتنا ومسكت في ماما بكيت
حتى نمت
اكره الكلاب الله يشلها مستحيل انسى هذه السالفه كل ماشفت كلب ذكرتها