بيت أم نواف

كـآنـت واقفـه بالمـطبـخ وبيـدهـآ ورقـه فيـهـآ طريقـة التحضيـر والمكونـآت .. واقفـه جدام الجـدر اللي للحيـن ماحطته فوق الفرن ,,,وتقـرى بـتـمعـن
اليوم الـغـدى عليـهـآ وهي اللي بتطبخ ,,,, والله يعينهم جان مايتسممون !
دخلت عليـهـآ أمهـآ وأنصعقـت : أنتي للحيـن ماطبخـتـي !!
نوره تأشر لـهـآ بالملاس : آآشش ! أأششش ,,, خليني أربط أفكـآري
آم نواف تقترب منـهـآ : آي أفكـآر وأي بطيخ !! ,, السـآعه 12 ,, والغـدى للحيـن ماسويتي منه ولا شي ,,,
نوره تلتفت على آمـهـآ : والله هذي مشكلتكم .. دامكم أعتمدتوا علي تحملوا النتايج !
أم نواف : بعد شوي أبوج وأخوانج بيوصلون ,, شبيتغدون أن شالله ؟.. هووى !!!!
نوره : ماعليج بخـلللص قبل لا يوصلون .. باقي وايد ع الـ 2 !
أم نواف : بنـشــوف !!! ,, أنـآ بروح أكمل شغلي بالحديقـه ,, خليني أرجع وأجوفج مجابله هالورقـه والجدر ماحطيتيـه ع الـنـآر ,,,,!
نوره هزت راسها بأيجـآب ,, وأول ماطلعت أمـهـآ حطت الورقـه على جنــب وآبـتـدت تنفذ الخطـوآت ,,, وهي تقول : يلا بسم الله ..
.
.

بمـكـآن ثـآنـي بـعـيـد وآيــد عن هالمـكـآن ,, وبعيد عن حدود الدوحه بعد !
كان الجـو هـنـآك عكس اللي بقطر ,,
الـدنيـآ لـيـل ,, والـجـو بـآآآرررد ,, والمـكـآن حولـه هـآدي ....

,
,
كـآن واقـف بالبـلـكـونـه وبيـده كوب نـسـكـآفيـه دآآفــي .. يرتشف منه رشفـه بسيطـه ,, ويرجع يتأمل الـمـنـآظـر الـلي تسـر الـنـآظر ,,
بس مب قـآدر يستمتـع فيــهـآ ,,,,, وكل ماحاول فشـــل !!
شـهـور مرت وهو بالـغـربــه
شهور وآخبـآرهـ منقطعه عنهم ,, وآخبارهم منقطعه عـنـه ,,
اللي صـآآر لــه قـبــل ,, والـعـمـى اللي كان فيـه .... كـآآآن آكبــر عقــآآآب من الله عـز وجـــل .. على أفـعـآلـه ,,,
رغم أنـه سوى اللي سواهـ عـشـآن بس يـآخذهـآ وتصير لــه ,,
بس الـظـآهـر نـسـى ,, آو تنـآسـى أنـه الطريج اللي أسلكه حـرآم
ومهما كانت نيـتـه ,, وحتى لو كـآنـت طيبــه ..... كـآن المفروض أنـه مايلتفت لـشي محرم ,,
الله مب كـآتـب لـهم أنـهم يجتمعون !
وآكيد لـه حكمه بهلـ شي ...
كان المفروض يلتفت لبيته ومرته وعيـآلـه ..
بــدل سعيـه ورى سـرآآب ,,!!!!,, سـرآآب عمرهـ مابيصير حقيقـه
و,,,وضحى ,, كانت هالـ سـرآآآآآب فحياته ,,
كان يركض وراهـا على آمل أنـه يطـآلـهـآ ,,, لحد ماأكتشف أنــه مستحيل يطالـهـآ أو حتى يوصل لــها ..!
بينما هـيـآ ,, اللي كانت دوم مجابلته وتحاول تلفت أنتبـآهـه بأي طريقـه ,,
كـآنــت الحقيقـه ,, والواقـع اللي عـآش عمرهـ يشــرد مـنــه ...!!
كـآنـــت تــحــبــــه
وبـآع حبـهـآ بلحظـة جنون ,,
لحظـة أقل مايقـآل عنـهـآ أنـهـآ شيطـآنيــه !!!!
دمـــر آهلـه وهـيـآآ ووضحى وحتى عيـآالـه .... بسبب نزوه !
عياله اللي لما يكبرون ,, أكيد يبون يعرفون سبب أنفصـآل أمهم وأبوهم ..
والسبب ,, آبـداً مايشــرررف ,,
أطلق زفـيـــر حـآآد وعـآآلي طلع من أعمــآآآق أعمـآقـه وقـآل بعد مانزل عيـنـه بكوبـه : ضيعتهم ,, وضيعـت نفسك ياراشد !!

مـرت عليـهـ بلحظـآآت ,, سنيـن من عمرهـ عـآشـهـآ وسط أهلــه ونـآسـهـ
لحظآت عـآشـهـآ مع هـيـآ ,, و وضحى ,, و أهلـه ,, و عيـآلــه .......!
عياله اللي كانوا طول الوقت جدامه ,, لكـنـه نـآدراً مايكلف روحه ويقعد مـعـآهـم ,,
واللحيـن بس ...
حس بقيمتهم .. وقيمـة أمهم !!
كــآنـت لهم معزهـ ,, ومعزهـ كبيرهـ بعد بقلبــه .. ماأنتبه لهـآ ألا تــووهـ ,,
ماأنتبـه لـهـآ ألا بـعـد مـآفـآآت الـفــووت !!! ومـآعـآآد يـنـفـع الصـــوت !!
,
,

بـطـيـآره

صـآر لـهم سـآعـه من ركبـوها ,, وسـاعه وزايد عيـنـه مافـآرقـت هالمجلـه اللي بيـده ... متأكده ومليون مرهـ بعد أنــه قـرى كل الصفحـآت اللي داخل ,, حتى الغلاف ماخلاهـ بحالـه ....
كانت متملله ,, وهو شكله مب ناوي يزيح هالملل بأي شكل من الأشكــآل ,,
وهي ودهـآ تبـآدر وتسولف بس هالبـآرد اللي قـآعـد أحـذآهـآ مايسـآعد أبــد ,,,
تـنـهـدت وتسـنـدت ع الكرسي ,, لفـت راسـهـآ لصوب الدريشـة وغمضـت ... على أنـهـآ بتـآخذ لـهـآ غفوه ليـن يوصلون .. وماحسـت بعمرهـآ ألا وهي نـآيمـه ...

بينما زايد اللي ماكان أصلا يـقـرى اللهم يفتح على أي صفحه يتم يطالعهـآ لفتره على أنـه قـآعد يقـرى ,, ويـنـتقـل لصفحه اللي بـعـدهـآ ,,,
بـآالـه ماكـآن معـآهـ ,, بـآالـه مازال بالـدوحه ,, عـنـد أهل الدوحه ,,
مرآآت يفــكــر بـآمـه وشلون راح يمرون هالأيـآم وهو بـعـيد عنـهـآ ,, وبـعـدهـآ يرد ويقول " يدي فيـه البركه ,, ماراح يقصصر ! "
ومـرآت يرجع لـفـآيـز وأنتـقـآمـه ,,,, وتبـدأ سلسلة من الأفكـآر تدور براســه للمرهـ الألـف
وتخطيطـآت لـهـآ أول مالـهـآ تـآالي ..

" بسييطــه ,,يافـآيز ,, بسييطـه !! ,, هالسفـرهـ بعدتني عـنــك مسـآفـآت وآميـآآآل ,, وماراح تكون تحت عيني مثل كل مرهـ ,,, بس يلا ,, راح أعتبر هالسفرهـ... سفره نقـآهه ,, أرتب فيـهـآ أفكـآري بعيد عن أي شي يربطني فيك سواء من قريب أو من بـعـيد ,,,, ولمـآ أرجع .. راح أبـدأ الشـغـل الصــح ..!!!.... ودي أخليك تصيح دم عـلـى نــوآف .. بما أنـه الأقرب لي اللحيييــن ..!!!!
بس مشكلتي مب قـآدر أضــررهـ ,, مادري ليش ماأصيرر بحقـآرتك وأأأضــررررهـ بدم بـآآررد مثل ماضريتني بأعصـآآب مثلجه ! ,, تدري يـآفـآيز ,,,, ودي أخلي نـوآف يقلب مــدمــن !!!
بس عـلشـآآن تجوف اللي تسويـه بهلـ نـآآآس والعالم يصير بولدك !! وآكبر عيـآلك ,,,, وسـآعـآت أقول لا ,,!! الأحسـن أني أفضحك جداامه وأقول لـه عن كل اللي سويته فينـآ.... بس ساعتـهـآ بكون ثور وغبي ! ,,,,, لآنـه أكيد ماراح يصــدق .. وماعندي دليل يثبت كلامي !!! ... وآحيـآن أقول لا ,, خل نواف على جنب وركز بفـآيز وبس .... ودي أمر فوقك بـسيـآره تفتت أعضـآمك بس ماتذبحك ...!!!! وسـآعــتـهـآ أبدأ الأنتقـآآم العدل فيييك !؟؟.... آآآآآآآآآآآآآآآآه يـآفـآآيز ,, ودي أسوي فيك هوآآييييييييييل ,,,,, ! مستعد أروح فيـهـآ ورى قضبـآن الحديــد ,,, بس لما أتذكر أمي اللي عايشه على الله ثم علي ... أقول لا ,,!! بكون بذكائك ,,, وبشربك من الكـآس اللي شربـة منــه ,, بس بطريقتي الخاصصصـه !! ,,, بطريقـتي يافـآآيز ! "

سكر المجـلـه وتسكر معاهـآ بـآب أفـكـآرهـ ,,,
ألتفت على آمنـه ,, لقـآهـآ نـآيــمــه ....
سرح فيـهـآ ,, لدقـآيق ... وهو يجــوف كتلـه من الـبـرائه أحذآهـ
تنـهـد بالخفيف وهو يقول بقلبـه " ماأسـتـآهـلــج يـآآمنـه ! "
كـآنــت خصله من خصل شـعـرهـآ طالـعـه ,, مد يدهـ بخفـه ودخل هالخصـلـه المتمردهـ ببطئ تحت الشيـلـه ,,, ومن لمسـهـآ فزت على طول وطالعته بستغــرآب وحيـآ !
زايد تنحنح ورجع فتح المجله ودفن عيـنـه فيـهـآ وقال بجديه يتصنعـهـآ : عـدلي شيلتج !
.
.
.

على أراضي الدوحه

كـآنـوا قـآعـديـن بغرفـة الطـعـآم كلـن نفسـه بخشمه .. ومب طايق روحه ... السـآعـه صـآرت 3 ألا ثلث والـغـدى للحيـن ماوصــل
غـآنم بزهق : والله ماعندكم سـآلفـه لما خليتوا هالبليده تسوي الغــدى ,,!! يعني مالقيتوا ألا الـغـدى ! ,, زيـن ليش مو الـعـشــآآ
بو نواف بصوت عـآلي : يــآآنــــوووووووره ! .. ماصـآرت حاله ذي !!!
دخلـت عليهم وهي شايلـه الصينيـه : زييييييييييييييـن زيييـن وه ! ياكثر حنتكم ,,, كااني خلصـت ...
نقز نواف : بذمتتتتتتتتتج !! مخليـه العييشششش وجايه تنـآآقــزيييـن بالعصـآييييييرر !!!! نبي نـآآآكلللل !
نوره وهي تحط صينيـة العصاير ع الطاولـه : زيييييييييييييييييييييييييييـن ! ,, أمي قاعدهـ تنجب العيش .. اللحيـن بتجييبـه ,, شدعوه كل هذا جووووع ..... ؟
غانم : والله لا صرتي تكرفيـن بهلـ حررررر ساعتهـآ بتحسيييـن !!!
نوره ماردت عليـه حطت الصينيـه وطلعت تجيب باقي الــغــدى ! أو اللي مفروض يكون غـدى

نواف وهو يتسند بقلة صبر : لااااااااا ! ماصارت حاله ذي ,, شكلي بطلب لي من برى ولا مذلة هالنوره ..
سمع أبوهـ يستغفر وهو عـآقد ملامحه ,,
ثواني ودخلت آم نواف وبيدهـآ الوجبه الرئيسيـه : شبلاكم خضيتوا قلب البـنــت ,,, مابقـى شي ماطيحته من الربكـه .. أصبروا عليها شوي ,, أول مرهـ تطبببخ ....
بو نواف بجديه : حنان مرهـ ثانيـه لا تخليـنـهـآ تسوي الـغــدى ,,, متـنـآآآآ يوووووع !!!! ودهـآ تبدع وتتفنن خل تحط حيلهـآ بالعشــآآآ ,, مافيني أنطر كل يوم لهلـ حزهـ علشان لقمه ؟؟
غانم : أي والله أبوي صـآآج ,,, لا تجيس الغدى مرهـ ثانييييييـــه ترى قسماً بالله تطفررررررررررررر !
نواف : ماأقول ألا الله يعيـن اللي بياخذهـآ ,, ياهو بيعـآنـي !
حطـت آم نواف الـعيش وهي تقول : يلا سموا بسم الله .. وخلوا عنكم هالـحنـه
غانم بطنـآزه : مشالله !! هذي مسويـه عيش أبيييض وماخذهـ كل هالوقـت ؟؟؟.. عيل لو تسوي مجبووووووووس ؟؟؟ شكلـنـآ ماراح نتغدى ألا اليوم الثاني !
أم نواف تطقه بالخفيف على جتفه : مو توك فااااج حلجك وتصـآآرخ تبي تاكل ,, هذاهو الأكل وصلل ... آكل وأنت سـآآكت ..

دخلت نوره وهي شايله الصالونه وأتجهت لهم حطتـهـآ ع الطاولـه وقالت : أنـآآ ماأخررتني ألا الصـآلونه ... مرتيـن معتفسه علي ,, وماضبطت الا بالمرهـ الثـآلثــه .... , أكلوا وعطوني رايكم .. تكفون قولي مب حلو علشـآآن ماأدخل المطببخ مرهـ ثـآنـيــه ,,,, فطست حرررررررر !!!

محد رد عليـهـآ ,, ولا على سؤالـهـآ

أم نواف بغشمره لبنتـهـآ : لا تحلميـن يردون علييييج ..!!
نوره تلوي بوزهـآ وتقول : هني هني !! فيه العافيـه يـآآررررب ...
,
,

بـيـت وضـحـى

كـآنــت توهـآ قـآيمـه من الـنـوم .. جـآفـت السـآعـه ومسحت على ويـهـآ بخمــول .. حست روحـهـآ نـآمت وايد ..
آزآحت اللحـآف عـنـهـآ وأتجهـت للحمـآم غسـلـت ويـهـآ وتوضــت ... طلعت صلت فرضـهـآ وهي تحاول تكون خااشـعـه قد ماتقدر ...
حسـت بـحـد دخل الغرفـه لكـنـهـآ آكييـــد ماقطعت صلاتـهـآ ,,, سمعت صوت باب الغرفـه تســـكــر ...
وحاولت مايتشتت تركيزهـآ وخشوعـهـآ وركزت بصلاتـهـآ وبــس

وبـعـد ماخلصـت .. ألتفتت وراهـآ مالقـت حــد ..
الظـآهـر اللي دخلـت .. طلعت أول ماشافتهـآ تصلي ... ماأهتمت ..
فصخت الأيلال وحطته فوق السياده على طرف الكرسي ... أتجـهـت للمـنـظـره وهي تجوف شكـلـهـآ ..
أبـتسـمـت بالخفيف وراحت لصوب سريرهـآ قـعـدت على طرفـه ومسكت جوالـهـآ ,, أتصلت على جوال نورهـ ... رن وآآآييييد بس ماحصلت رد ..
وضحى : شدعوهـ عـآآد !! لهدرجة معصبـه ؟؟
رجعت أتصلت من يديد وهم طول بالرنيييـن وماحصلت الرد ..
لما يأسـت أتصـلـت على تلفون البيـت .. آكيد بيرد غـآنم .... ولو طلبت منه يروح يـنـآدي نورهـ ماراح يرد لـهـآ طلب ..

رن شوي وردت عليـهـآ نوره : ألـووو !
وضحى : زيـن رديتي ويـآ فيسسج !؟؟؟
نوره بستغراب : مــن ..؟؟؟؟؟؟ ( جـآفـت الرقم وقالت ) .. وضييييح !! شعندج داااقه على تلفون البيـت ؟؟؟
وضحى : لآنه حضرتج ماترديـن على جوالج .. قلت أكيد حاقرتني
نوره تذكرت : آيـه صصح أنـآآ زعلانه عليييييج ,,
وضحى : تراااج عبيطه ..
نوره بأنفعال : لا صصصج والله .. أنتي لو ....
قاطعتهـآآ وضحى : أدري أدري شبتقوليـن ... بس والله راحت علي نووومــه .. عبالج أنـآ فاضيـه مثلج ..
نوره : عن المـعـآآيـــرر ..
وضحى : ماعايرتج ... بس أبرر موقفي
نوره : يأم موقف أنتي ...
وضحى : زيــن أمررج اللحيييــن ..؟
نوره تتسند وتحط ريل على ريل : ممممم !! أفكـــــــر
وضحى : ترى مايليق عليج التغلي ... بمرج وخلج جااهزهـ .. ماراح أنزل
نوره : آآيييـه اللحيـن عندج سيـآرهـ وحالتج حالــه ... آكيد ماراح تنزليييـن ..!
وضحى : شدخخخخخخخخخخخخخخخخل !
نوره : المهم المهم ,, سكري بروح أسبح لو تشميـن ريحتي يغمى عليييييج ..
وضحى ضحكت من التعبير : وي شلــه !! لا يكون أعتزلتي السبووح !؟؟؟
نوره : هيهيهيهيهيهيه مايضحك ... ( تطالع أظافرهـآ بغرور ) ,, مسويـه الـغـدى اليوم ..
وضحى : آووووووه ! ,, شعندنـآآ
نوره : لا جفتج أقولج السـآآلفــه .. شقى شقى وأنـآآ أوووخيتتتتتج .....
وضحى وهي تضحك بالخفيف : هههههههههـ,, شكلـهـآ سالفه طويلـه
نوره : آووووه!! معرررررررررررركه أقولج بالمطبببخ حررب حرررب .... يلا بـآآآي.. ذبحووني نواف وغنووم تنغغغغزززز على ريحتي ..( تضحك بالخفيف ) حكررتهههههههم بالريحه هههههه
وضحى : هههههههههههـ ومستانسـه بعد .. هههههـ ,,
نوره : ههههههههـ,, بـآآي بـآآآآآي ... بروح أسببببح ,,
وضحى : ههه آآووكيييـه ,, بـآآي ..
.
.
سكـرت من رفيجتـهـآ وقـآمت ركض فوق ... دخلت غرفـتـهـآ وفتحت الكبـت تطلع لـهـآ ثيـآآب لآنـه هي نفسـهـآ أنحكررت من ريحتـهـآآ ,,
رن جوالـهـآ وراحت لـه .. جـآفتـه وأرتسمت أبتسامه عريضـه على محياهـآ ...ردت وهي تقول بحماس : هلاااااااااااااااااا وغلااااااااااااااا !
سلوى : أأهليييييييييييييـن ..
نوره : وييييييييييـنــــج يالقااااااااااااطعه !
سلوى : موجودهـ ,,, بس لو نـآآس مهتمه جاان دقـت !!!
نوره : وي فديتج ... أنـآآ دايماً اسئل أمي عنننج لما تكلم أأمــج ....
سلوى : آآي وااضضح .. المهم ,, قولي حق أمج ,, آمي تقول لـهـآ أحـنـآ فالطرييج
نوره بصدمه : نـــــــــــعـــــــــــــــم !
سلوى : شلللي نعم ؟؟... آحنا فالطريييج .. جدامنـآ كم شـآرع ونوصل
نوره : ووووووووي يعلللللللل أبليسسسج الماحي ,, محدددد قـآآلي !!
سلوى بستغراب : من صجج !؟؟؟
نوره : والله العظييييم ,, بـآآآي بـآآآآآآآآآآآآي بدش أسببح بسرعه ..
سلوى : المهم لا تنسيـن تقولين لخالتي ... فتحوا الباب العود من اللحيـن ,,, عشان مانتنقع !
نوره بسرعه : زييييـن بـآآآي

سكرت بسرعه وركض راحت للكبــت سحبت أقرب ثيـآب ودخلت الحمام بنفس السرعه زيـن ماتزحلقت دااخل ..
,
,
,
بـعـد فتره مب قصيره حيل ولا طويلـه .. طلعت وهي منتعشششـه ...
جيكت على لبسـهـآ ,, ماعجبـهـآآ .. راحت طلعت لـهـآ لبس ثـآنـي ع السريــع ...
سحبت لـهـآ بـنـطـلـون جيـنـز ,, وبلوزهـ جيشيـه نـآعمـه
فتحت شـعـرهـآ وأبـتــدت تمشطـه بأهتـمــآم سمعت ضربـآت متتاليـه ع البـآب ,, صرخت بدفاشتها المعتاده : مــــــــــــــن !
غانم : أنـآ غـآنم ,,, خالتي وقبيلتهـآ وصلوا ..
نوره بأرتباك : أأحللللللللف !
غانم : والله ,, طلعي سلمي عليهم ,,
نوره : زيـن زيـن ,, قول لهم اللحيـن جـآيـه ..

ماسمعت ردهـ شكله راح
نزلت قذلتهـآ ,, ومسكت شـعـرهـآ من ورى ولفـتـه ذيل حصـآن .. بربطـه جيشيـه مناسبه البلوزهـ ..
عدلت قذلتهـآ ,, وطلعت غرشـة الـعـطر تسبحــت فيـهـآ ولما تأكدت أنـه شكلـهـآ أوكيـه وتمـآم ,,
فتحت باب غرفتهـآ وطلعت بسرعه ... نزلت من ع الدري وهي تشم ريحـة البـخور ماليـه البيــت ...
وصلت الصاله اللي مليـآنه أصوات متمازجه ,, ودخلـت بخفـه : السلاااااااااااااام ع النـآآس الحلوهـ ,, سوري تأخرت .... بس كنت أتزقرت لكممم ...
خالتها أم هـنـآدي : أقول تعـآلي سلمي ,, طول عمرج مطيوورهـ جذي
نوره أنحرجت شوي بس قالت وهي تسلم عليها : ههههـ ,, شسوي بعد بنت أختج حيويـه ..
راحت صوب سلوى وسلمت عليـهـآ وقالت بتسائل : ألا هـنـوودهـ ويـنـهـآآ!! ماجات معاكم ؟؟؟
آم هنادي : لا ماجات لا هي ولا أبراهيييم .... مافي ألا سلوى جافتني بطلع جان تتعلق فيني ألا تجي معاي
سلوى لأمها : يييييمههه !! لا تبيـنـين لهم أني ميته ع الجييييـه ... برستيجي بيخترب ..
أم نواف : خفي عليـنـآآ ياأم برستيييج هههـ ..
أم هنادي : أقول نوير أخذي سليووو وروحوا ,, عندنـآ سوالف كبـآآر ...
نوره : يا هلـ سوالف اللي ماتخلللصصصص !!! .. بسكم بسكم حششش .. ( تلتفت على سلوى ) أمشي نطلع الحديقـه .. ( تطالع آمهـآ ببتسامه عريضه ) خل نجوف شغل آآمي ..

طلعوا سلوى ونـوره للحديقـه اللي كـآنـت نظييفـه كالعـآده ,, بس هالمرهـ المكان مرتب أكثر يمكن لآنه أمهـآ حطت حيلهـآ فيـه اليوم
ألتفتت عليها سلوى وقالت : الجووو حلو اليــوووم ...!
نوره : آآييييـه أيــنن .. مادري شلون غنووم يقووول حرررررر !!!!
سلوى : صراحه الصبح كاان حـآآر ,,, بس اللحيـن أوكيييـه ...
نوره تطالعهـآ : شـخبـآآر الجامعه !!
سلوى تلوي بوزهـآ : خلصت ثانوي وهونـت ,, ماني دااشـه الجامعه ..... بشتغل على طول ..
نوره بصدمه خفيفه : وووي ! ليششش ؟؟؟
سلوى : بس ماأبي ,,, أحس الجامعه يبيلـهـآآ وحدهـ تدرس أول بأول .... مب نفسي ماتتفرغ للدراسـه ألا أخر السـنـه ...
نوره : ووووي سليووو ,, ! ماعندج سـآالفـه والله ,,, شـهـآدتج هي اللي بتنفعج !!! ,, وأذا تبين تشتغليـن ... أشتغلي بعد الجامعه .... يعني اللحيـن أستحملتي 12 سنه مب قادرهـ تستحمليـن 4 سنيـن زيادهـ !!
سلوى تطالعهـآ بنص عيـن : جووف من اللي ينصح !!! ,,
نوره وهي تطالع جدامهـآ : حبيبتي أنـآآآ صج قاعدهـ هالسنه بطاليـه .. بس ع الأقل ع الأقل ماراح أأطنش للجامعه ..... وبـعـديـن ناويـه أخذ دورات أنجليزي ,, قبل الجامعه .. خبررج بتوهق بالتوفــل !
سلوى : ومتى بتاخذيـن هالدورآت أن شالله ؟؟!
نوره : قريب أن شالله ,,,
سلوى : آآيييـه بالعيييد !!!
نوره تدزهـآ : وآآيد طايحه من عييننننج مالت عليج وعلى عينننج
سلوى : لآني أدري بج ,, كل اللي تقوليـنه مجرد كلام ولا أنتي ماخذهـ دورات ولا غيرهـ ,,
نوره توقف وتطالعهـآ : أتـحــدييييـن !
سلوى : آيـه آتحــدآآآج ,,
نوره : ولو أخذ دورآآت شبتعطيني ,,
سلوى : أأحلى بوسسسسسسسسسسـه من أحلى سلوى
نوره : شبي فبوستج ... ناقصه لوعة جبد ,,
سلوى : يحصلج !!؟؟؟؟
نوره : المهم ,, تعالي خلـ نقـعــد ,,,

قـعـدوا وعلى طول جـآفـت نوره سـآعــتـهـآ وهي تقول : تأخرت الدبــه !! شكلـهـآ بتسويـهـآ فيني نفس أمس
سلوى : من هي ؟؟؟
نوره : وضوووح ,, قايله بتمر علي ,,, وللحيـن مابينـت !
سلوى أنفخت من قلبـهـآ : آآآآف آآآف آآف !! يعني شلوووون ؟؟؟؟ كل ماجيتج لآزم هالوضحى تنقز !!
نوره تأشر لها : سليو واللي يعافيج سكري هالموضوع ,, ترى بنتـهـآآوش ع الفـآضــي ,,
سلوى : أنتي ليش ماتسمعيـن كلامي ,, صدقيني محد بيضيعج غيرهـآآآ ....
نوره تغير الموضوع : شعندكم جايـن بدون موعد ...
سلوى لوت بوزهـآ بحرهـ وتسندت وهي تقول : قـآيـليـن لخالتي من الصـبـــح !! ,, عبالي تدرين !!!
نوره : لا والله مادرريييـت ,, ماقالت لي أمي ... الظاهـر أنشغلت ..!!!
سلوى تهز راسها بتفهم ,,