عم الصمت ع المكـــآن ,,

لحد مادش عليهم غـآنم وهو يقول لأخته : عااافسسس عليج البيـت وآخرتهـآ أنتي هني ؟؟
نوره تلتفت عليه : نـــعـــم ! شتبي ؟
غانم : شعندج ماترديـن على وضحــى !!! تنقعت برى
نوره فتحت عيـنـهـآ على وسـعـهـآ : وضوح برررى !؟؟ من متى ؟
غـآنم : شدراني توهــآآ راانه الجرررس ...
نوره : قول لـهـآآ اللحيـن جـآيـة بس بلبس عبايتـي !!
غانم وهو يترك لهم المكان : زييين ,,

نطت سلوى : شنو تلبسيـن عبايتج !! ويـن بطسيييـن ,,؟
نوره بفرحه : وضوح توهـآ مطلعه سياره لـهـآآ ,,, وجايـه تبي ترويـنـي آيـآهـآ وتاخذ فيني لفـه
سلوى أرتخت ملامحها : كملــــــــــــــت ! ,, خوووش خوووووووش ,, ومطلعه سياره بعد ....
نوره عقدت ملامحها : عن هالتلميحـآآآت الشيـنــه ,,,
سلوى : والله مالمحت ولا شي ,, هي بدون شي وخربانه ,,, بعد سيـآآرهـ شبتسوي !!!!! ,,, الله يستر عليـنـآآآآآآ
نوره بأنفـعـآل : عييب تتكلميـن بهلـ طريقـه من وراهـآآ ,,
سلوى : هبله أنتي هبله ,, بتطلعيـن معاهـآ بروحكم .... الله العالم ويـن بتدور فييييج !!!!
نوره : شنو طالعه مع واحد من الشبـآب أنـآآ !! رفيجتي هذي !!
سلوى : آآمحققق رفيجه والله ,,, صراحه صج صج ماعرفتي تخـتـآآريـن ... مخليـه بـنـآت القبايل ومرافجه وحده اللهم لا شماته ..!!!!
نوره : والله وضحى تسوى بنات القبايل اللي تقوليـن عنهم ,, ومو من حقج تحكميـن على وحدهـ ماتعرفيييـنـهـآآآ زييييـن !
سلوى بجديـه وأنفعال خفيف : مايحتاي أعرفـهـآآ زيـن عشان أحكم عليـهـآآ ,, لو هي خايفه على عمرهـآ من كلام الـنـآآس جان ماطلعت للعـآلم بمنظرهـآ الخالي من الأدب هذا !
نوره : أي خالي من الأدب !!! متفصخه هي ؟؟؟؟؟
سلوى : والله لبسـهـآآ بحد ذاته تفصصصصخ ,, حتى لو لابسـه عبايـــه ,,, العبايه سـتــر مو عرض أزيـآآء وأأجسـآآآآم !!!! زيـ،ـن جسمج حلو أحتفظي فيـه لنفسسسج مو تعرضيـنـه للعالم
نوره عقدت ملامحهـآ : شـهـلـ كلااام !!؟؟؟؟؟؟؟؟؟؟؟
سلوى : والله هذا الصج اللي منتي راضيـه تشوفيـنـه ,, بـآجر لا جالج شي من ورى رفجتهـآ قعدي قولي ياليتني وياليتني ....!
نوره بتنرفز : أنتي لآزم كل مايجي طاري وضحى تقلبيـن الموضوع زعل وهواش ,,, شحلاتنـآآ مسـآآع ...
سلوى : لآني خايفه علييج منـهـآآ ,,,, هذي صـآآيــعـــه أذا تبيـن الصرااااحه ...
نوره بحده : سلوووووووووووووووووى ! ماأسمح لج ترررررررى !!

سلوى : أأيييـه صاييييـعــه ,, وكلمة الحق ماتزززعـــل .... عيل وحدهـ أترصص نفسـهـآآ وترسم جسمهـآ رسم بلـ عبايـه ,, وثلت أربـآآع شـعـرهـآ مطلعته أذا مب كلـه ,, وريحة عطرهـآآآ تسبقــهــآآآآآ جنـهـآ غرشـة عطر تمشي !!,,, وصوت كعبـهـآآ يصصصم الأذووووون وطالعه دااخله محد يقول لـهـآ ويـن رايحه ويـن يايـه ,,, شتسميـنـهـآ بنت أصوووول ونـآآآآآآآس !!!!! والله الظاهـر كل الكلام اللي سمعته عنـهـآآ صصصج ,, الله العالم كم وااحد شابكه ..
نوره قامت وقفت وقالت بأنفـعـآآل : لاااااااااا عـآآد لحد هني وخلااااااااااااااااص !! مو من حقج تحكميـن عليـهـآ بهلـ طريقـه ,, ووضحى أذا تبيـن الصصصصج أشرررررررف من الشرف نفسـه
وأذا أنتي بتحكميـن على منظرهـآآ ,, تعـآآلي معـآآي وجوفيـهـآآ بعيـنـــج ... الظـآآهــرررررر أنتي ماترافجيـن ألا المـنـآآظر ,,
سلوى : لا أجي معاج ولا غيرهـ ,, أنـ....
نوره مسكتهـآ من معصمهـآ وسحبتهـآ وهي طالعه من الحديقه : آآمشي بس أأمشششي !! ,,,

طلعت معـآهـآ لحد باب الحوش ,, فتحت الباب شوي وطلـت لقـت وضحى قـآعـده بالسيـآرهـ ..ومنزلـه راسـهـا لحظـنـهـآآ ,, وأول مالمحت الباب أنفتح ألتفـتت ,,
أشرت لـهـآ عشان تنـزل ,,, وبعد أستغراب خفيف نزلت من سيارتهـآ وجـآت صوبـهـآ ,,,,
وسعت فتحت الباب ,, وسمحت لـهـآ تدش ,,
وأول ماحطت ريـلـهـآ داخل البيـت ألا نوره تقول بغضب لسلوى : هـآآ !! اللحيـن شرايج فيـهـآآآ ؟؟؟...
سلوى أنحرررررررررجت وأنخطف لونـهـآآ مو بس علشـآآآن أنــهـ وضحى متغيرهـ جذريـاً ,, ألا علشـآآن هالحركه السخييفه اللي تسويـهـآآ نوره
وضحى بستغراب : رايـهـآ بشـنـووو ؟؟؟
نوره بأعصاب فالته لسلوى : أقول لـهـآآآ راييييج بشـنــوووو ؟؟!! أقول ولـه هونتي ؟ ....,, قبل لا تحكميـن على نـآآس ماتعرفيـنهم لمجرررد مظـآهـر .... أعرفيهم عــــــــدل !! ,,
وضحى ببتسامه مرسوم عليها علامة تعجب كبيره قالت : بنات شسالفـه ؟؟... شصـآآيــر
سلوى : مو صـآآيــر شي ,,, عن أذنكم ...
جات بتروح بس وضحى مسكتهـآ من معصمهـآ : سلوووى ,,!! شفيييج ؟؟؟
سلوى سحبت يدهـآ من وضحى وقالت : مافيني شي ..!!! خلاصصص ...

تحركت وراحت لدااخل البيــت
بينما وضحى واقفه مستغربـه طالعـة نوره تبي تفسير قالت بقلة صبر : كل ماجبت لهـآ طاريج ,,, قعـدت تصف لي حجي وكلام رفيجتج فيـهـآآ ورفيجتج فيـهـآآ !!!! .. صراحه تبط الجبد !!
وضحى أنصدمت : أتكلم عني !!
نوره : وآآآآآآآييد ! ,, طفرتني صراحه لوعة جبببدي .... طبعهـآآ هذا خاايس وملزوومه تغيرهـ .. مو من حقـهـآآ تحكم على ناس ماتعرفهم ...... ماتهمهـآ ألا المـظـآهـر .. صدقيني بعد ماتجوفج اللحيـن .. بدش داخل وبتقعد تقول وضوح زيـنـه ... وخوش بــنـــــت وأحسـن النـآآس ,,,
وضحى بتسائل : شقـآالـت بالضبط !!؟؟؟
نوره : قالت اللي قالته ... مب لآزم تعرفيييـن ,,, المهم أني علمتهـآ حدودهـآآآ .. عشـآآن تعررررف هي عن منو قـآعدهـ أتكلم ..
وضحى ردت عادت سؤالها : شـقـآآآآلــت !!
نوره صدت عـنـهـآآ وماردت ..
وضحى تطالعهـآ وترد تعيد سؤالها للمرهـ الثالثه : نورهـ ! ,, سلوى شقالت عني
نوره بزلـة لسـآن وعصبيه : قـآآلــت أنج صـآآيـعــه زييييـن !
وضحى أرتخت ملامحهـآ من قوة الكلمـة .. ردت عادتهـآ الكلمـة بصوت واطي : صايـعـه !!!
نوره : سلوووى وحدهـ سطحيييـه تهمهـآ المـظـآآهــرررر بسسس ,, والكلام اللي قالته جايبته من راسهـآآآ !!!!
وضحى بغرور أكتسـى ملامحـهـآ : ويـنـهـآآ سلوى !!
نوره تطالعهـآ : ليشششش !! ,,,
وضحى : أبي أكلمــهـآآ !!!!
,
,
,
بـســويـسـرا

دخـلـوا الجنـآح اللي خذوهـ وحطـوا أغراضـهـم بالـغـرفـه .. كـآنوا هلكـآنيـن من الرحلـه خاصـه زآيد اللي مثل ماتدرون مب نـآآآيــم من آآمس ... كــآن بالغصـب يفتح عيـونـه ,, وظهـرهـ معورهـ من القـعـدهـ ساعات متواصـلـه ... توجهه للغرفـه ... علشـآن يبـدل ويـنـآم
بينما آمنه اللي حتى ماقدرت تاخذ غفوهـ بالطيـآره من بعد مافتحت عيـنـهـآ على لمسـة يد زايد .. اللي ماتدري شكـآن يسوي ! ..
من حطت ريلهـآ على أراضي سويسرا والـنـودهـ طايرهـ من راسـهـآ,, وتحس روحهـآ مصحصحـه من قلب ... قـعـدت تتفحص المكـآن ,, وتـدور فييـه .... كان الأثـآث روعه ..
والمكـآن راقـــي ..!
أبـتـسـمت بخفه " شكلـه زايد مخطط حق هالشـهـر عــدل ..! ,, فديتـ قلبببـه .. "
توجهـت صوب البلكونــه فتـحتـهـآ وطلـعــت .. كان الجـو بـآآآآآآآآآآآآآآآآآرد لدرجـة حسـت بالبـرودهـ دشـت بعضـآمـهـآ ,, حظـنــت روحـهـآ شوي تحاول تدفي عمرهـآآ ,,,, وهي تقترب من حافت البلكونـه .... كـآنـت المـنــآظر أقل مايقال عنـهـآ " سبـــحـــــآن الله " ,,, الـدنيـآ اللحيـن ليــل ,, وسويسرا طالعـه وآآآآآآآآآو !!
تمت واقفـه ماتدري لمـتــى بالضـبــط ... وهي تتأمل المكـآن حــولـها ... وتحاول تتخيل الأمـآكـن اللي ممكن يقضونـهـآ هـنـي ... وكميـة السـعـآدة اللي راح تحس فيـهـآ قرب زآآيـــــد ..
رجعت للمرهـ المليون تحمد ربـهـآ على قلب زايد اللي أخيراً صـآر لـهـآآ ,,
تدري أنـه مايعبـــر ,, ولا يبيـن هالشي
بس شي داخلـهـآآ يأكد لـهـآ أن زايد يحبهـآ كثر ماتحبــه ...
بس مشكلته ..... مايعرف يـعـبــر ,, أو مايبي يعبر !!!!!
آمنه بصوت هـآمس : يلا ,, معليييـه ! شفيني مستعيله ... مردهـ راح يقول لي ولو كلمة حلوهـ ,, سواء اللحيـن أو بعـديــن ,,,,
.
.
داخل بالغرفـه

بــدل وأنســدح وتلحف عــدل وهو خلاص يبي يـنـآآم مبنجر من قلب ... وأول ماأرخى عيونه وغمضـهـآآ ,,, حس عمرهـ راح لـعـآلم ثـآآنــي
ومآهـي ألا دقايق ,, وغــط بـنـوم عمييييييييييييييق !

دخـلـت الغرفـه لقـتـه نـآيــم ,, أو يمكن على وشك يـنـآم ,,
فصخـت عـبـآيتـهـآ وعلقـتـهـآ ,,,
جـآلـت بـنـظرهـا على الغرفـه ,, اللي ماكانت تقــل عــن المكان برى ,,, أتجـهـت بفضول للحمام " الله يعزكم " تجوفــه ...
فتحـتـه وهم كــآن راقي ومرتــــب ,,, سكرت البـآب ,,
وألتفـتت صوب زايد اللي غـآط بـنـوم عميق ,, راحت لصوب الثاني الفاضي من السرير وقـعـدت على الطرف ,,
تحس مافيـهـآ نوم ,,
وزآيد وعليا شكله تعبـآآن موووت ,, ومب حلوهـ تقوم تقعدهـ علشان ياخذ فيـهـآ لفـه بالمكــآن
تذكرت القصـه اللي جايبتهـآ معاهـآ علشان لا تمللـت تقضي وقتهـآ فيـهـآ ,,
راحت لصوب شـنطهم اللي للحيـن مافتحوهـآ وخذت شنطتهـآ ,, طلـعـت القصـه ,, وحطتهـآ على جنـب ....
جالـهـآ نـشـآط مب طبيعي لما جافت الشـنـط ,, فراحت تصفصفهم داااخل الكــبـت وترتبـهـم ,, وثـيـآآب زآآآيــد تتوصـى فيـهـم من الزيـن ,,
وكل قطعه تشمهـآ ع السريع خوفهـآ يقوم زايد ويلمحهـآ ,, ويطيح ويـهـآآ ,,,,,,,

ماخذت وقت طويل وهي ترتب الثيـآب بالكبـت ,,
ولما خلصـت ورتبت المكان حولـهـآ ,, خذت القصـه وطلعت لصـآلـه ,, قـعـدت ع الكرسي المرييح ,, وفتحت أول صفحه بهلـ قصـه وآبـتـدت تقـرى عـشـآآن يمر الوقـت ويقوم زآآيـــد يمشيـهـآ ,,
.
.
.
بالدوحه

بعد ماسمعت كلام حسسـهـآآ أنـهـآ صـغــيـــره ... ماعـآد لـهـآ وي ترفع عيـنـهـآ بعيـن وضـحـى !!
كـآنـت وضحى تتكلم بقوهـ وغرور أكتسـى بعض كلمـآتـهـآ ,, وقـآالـت لـهـآ بما معـنـآهـ أنـهـا لو كـآنت أغلطت بأسلوب لبسهـآ قبل
كانت تقدر تجي وتنصحـهـآآ !! وتحاول تفـهمهـآ أنه هالشي غلللط ,,, بدل ماتقـعـد تحش فيـهـآ من ورآآهـآ بهلـ صوره .....
بيـنـت لـهـآ أنه كلمة " صايعه " اللي قالتها أكثر شي جرحـهـآآ ,,,,, وأنــها طول هالفتره ماكانت تحمل لـهـآ بقلبهـآ ألا معزهـ ,, وعادتهـآ مثل نورهـ !!!!
وبكلامهـآ هذا ,, أهتزت هالمعزهـ بقلبـهـآآ ,,,,,
حاولت تبرر سلوى موقفـهـآآ وقالت لـهـآ أنـهـآآ حالهـآ حال باقي الـنـآآس ,,, مب الكل ملزووم يتعرف عليها من قريب عشـآن يحكم !
في نـآآس بـعـآد عنها ومن أول نظرهـ بيحكمووون ,,, والمفروض أنهـآ هي من نفسـهـآ تعرف أنه اللي كانت تسويـه غلللط
مو تنطر حد يجي ويـقول لـهـآآ !
ردت عليها وضحى بكل ثقـه : بس أنتي مب من هالـنـآس البـعـآد !! ,, وتقدريـن تنصحيني فهلـ مرآآت اللي كنت أتصادف فيها معاج !!!! ... المهم .. ماأبي أطولـهـآ وهي قصيرهـ ,, أذا أنتي مب مستلطفتني ع الأقل لا تتكلميـن علي من ورآآآي ..... ومنتي مجبورهـ ترافجيني عشان نورهـ رفيجتي !! ... بس ع الأقل أحترميني مثل ماأنـآ محترمتج !,,
سلوى ماردت كانت متكتفه وصـآده لصوب الثـآنـي متفشله من هالموقف المحرج اللي أنحطـت فيــه ,, ودهـآ الأرض تنشق وتبلعهـآ ....
وضحى بعد سكوت قصير مررت يدها على ويـهـآ بالخفيف وقالت لنوره : بتطلعيـن ,, ولـه خلاص هونتي !
نوره اللي كانت واقفه على جنب قالت : بلا بطلـع ..
وضحى تلتفت على سلوى : أظن أحسـن تجيـن معـآنـآ دام البيـت بيفضى لما تطلع نوره ,, ولا تخافيـن ... مب متعطرهـ وعبايتي مثل ماانتي شايفـه مب مرصصـه ... يعني ماراح ألفت الأنـظـآر !
وأضـــر سمعـتـــــج ..!! ( قالتهـآ بنبرة أستهزاء خفيفه )
سلوى : لا ماأبي أطلـع ,, بقـعـد هـنـي ...
نوره : بتقعديـن مع من أن شالله ؟؟! ,, أمي وأمج توهم طارديـنـآ عشان يبون يسولفون .... وريموهـ يـآهـل ! بتجابليـن من أن شالله ؟؟؟.. غنوم ونواف !
سلوى توهـآ بتتكلم وبتعترض ألا وضحى تقول : أذا منحرجه مني علشان اللي قلتيـه ... فلا تشيليـن هم .. بسوي روحي ماسمعت رغم أنه الكلمه قويـه بحقي وااايييــــد ...وأظـنـج لو كنتي مكاني وقلت عليج هالكلمـة ماراح تسكتيــن ,,,,.. ع العموم الله يسـآآمــحج على اللي قلتيـه من ورآآآي .....
نوره لسلوى : يلا أمشي خل أخذ عبايتي ,,
سلوى بصوت واطي : زييـن ,, بقول لأمي أول ....

تركت لهم الصاله وألتفتت نوره على وضحى : تـراهـآ طيبـه ,, بس عيبـهـآ تحكم على ناس ماتعرفهم ..
وضحى : حـصـل خيــر ... أذا هي مب مستلطفتني ماراح أفرض نفسي عليـهـآآ ,, خليـهـآ على راحتـهـآ ...
نوره تقترب منـهـآ : لا تشيليـن بخـآطــرج بليــز ,,
وضحى تتنهد بالخفيف : قلت لج حصل خير
نوره : يعني شايله بخاطرج ,,!
وضحى : اللي قالته مو شووووي ,, وأنـآ طوفتـهـآ لـهـآ علشـآنـهـآ بس تصير لج ... وعلشاني فيوم عـزيتـهـآ وعديتهـآ مثـلـج .. وبالأخير ........" سكتت "
نوره وهي تبوسـهـآ على خدهـآ وتحظـنـهـآ : قلبج كبير وراااح تـسـآمـحيـنـهـآ ,,,, أأعرررفج ....
وضحى تحظن نوره بالخفيف : شكلي ماراح أأحصل رفيجـه مثــلـــج ,,
نوره أبتسمت بالخفيف : فـــديــتـــج ,, ( تبتعد عنها شوي ) ,, عقب اللي صـآآر يمكن تصيريـن أنتي وسلوى ربـع ,,
وضحى بصراحه : ماأظـن راح أقدر أرافجـهـآآ عقب اللي صـآآآآآر !
نوره : على راحتج ,,, بروح ألبس عبايتـي وبرجع لج ...
وضحى : آوكي أنطررج ...

أبتـعـدت عـنـهـآ ودشـت دااخــل
عـنـد الدري لقـت سلوى واقفـه وتصييح بالخفيف
أقتربت مـنـهـآ وأول ماشافتهـآ سلوى قالت بصوت تحاول تكتم فيه غيضها : تراااج سخييفففـه ! أرتحتي اللحييييـــن ,,
نوره : أنتي أستفزيتيني !
سلوى : أستفزيتج تروحيـن تمصخريني جدااام رفيجتج .... لهدرجه مالي قدر أنـآآ !!!! شدراني انـآ أنـهـآ تغيرت ,, حالي حال غيري أنـآآ ,,,, جفت شكلها وحكمــت ,,
نوره : بس أنتي تماديت بالحكم ,, ( توطي صوتها ) ,, أتهمتيـهـآ أنـهـآ تكلم شبـآآب !!!
سلوى : لآنه شكلها كان يوحي بهلـ شي
نوره : بس بعد مو من حقج ,,,!... قبل لا تكلميـن عن وحده ماتعرفيـنـهـآ حطي نفسج بمكانـهـآ وجووفي بترضيـن هالكلام على نفسج ولـه لا
سلوى : أنـآآ مب مثـلـهـآ ,,, ( تزيد بالصيـآح ) قسم بالله أنج سخييفــه ... أنحررررررجت ,,, حسيت روحي صغييررره ,, شلون أطلع معاهـآ اللحيـــن وهي مليون بالميـه كارهتني ,, والود ودهـآ تذبحني
نوره : ماتسويـهـآ وضحى !! ,, ( تقترب منـهـآ وتحظـنـهـآ ) خلآآص ,, بسسج صيـآآح
سلوى بصوت وااطي مليان دمووع : أنحررجــــــــــت والله العظيييم !
,
,
,
طلعت من البيت وركبت السيـآره
سكرت البـآب وتسـنـدت بضـيـق ع الكرسي بعد ماأزفرت
الكلمة اللي قالتها سلوى مب هيـنـه ... ومب قـآدره تنسـآهـآ ,,
كـآنـت تتردد بصورهـ مزعجـه براسـهـآآ
أبداً ماتوقعت ولا حتى خطر ببالها آنـه سلوى تشوفهـآ بهلـ نظـرة ,,
هي صحيح كان لبسـهـآ مب سـآتــر .... بس مب لدرجـة أنـهـآ تكون صـآيــعــه !!
هي بنت ومحترمه بـعـد ,, وكل اللي قراب مـنـهـآ يدرون بهلـ شي !!!!... شمعنى سلوى خذت عنـهـآ هالفكرهـ ,,
علشـآن بس شويـت مـظـآهـر !!!
يمكن تكون أظلمت نفسـهـآآ بطريقـة لبسـهـآ قــبــل
وخلـت كل حد بعيد عنـهـآ ولو شـبــر ,, ياخذ فكره عنـهـآآ بمجرد نظره ,,,, ولا يفكر يقرب صوبـهـآ ولا يتعرف عليـهـآ حتى ..
غمضت عيـنـهـآ ووجـهـت الكلام لعلام الغيوب ,,
وهـي تقول ( يـآآرب ,, آنـت تدري أنــي عمري ماكنت سيئه لهدرجة ,,, ولو كنت غلطت قبل فسامحني ..
مـآلي غيـرك ألجأ لـه لا تضـآيقـت ,, ولا لي أحد أحس بالراحه والأمـآن بالقرب منه غيييررك ........ خفف علي يـآآرب .....)
مـرت ثواني على قعدتـهـآ هنـي تحولت لدقايق ... لحد ماجافـت باب سيارتهـآ ينفتح وتركب نــوره ,, وبعدهـآ ركبت سلوى ,,
آول ماركبوا أبـتـدت نوره تسولف علشان تلطف الـجـو ,, بينما وضحى اللهم أبتسمت وحركت ....
بدون ماتنطق بولا كلمـة ,,
لآنـه ضيقتـهـآ راح تكون وااضحــه .. وواضحـه وايد بعد لو فكرت تفتح حلجهـآ ,,
.
.
.
سويسـرا

كـآنـت الـسـآعـآت تجـر سـآعـآت ,, وزآيد مازال نـآيــم ,, وشكلـه راح يطول بالـنـوم ....
وآمـنـه ,, كل ماضـآق خلـقـهـآ راحت للبلكونـه وقـعـدت تتأمل كل شي حولـهـآ عـشـآن يمر الوقـت أسـرع ,, رغم أنه أبطئ من السلحفـآآهـ !
... مرات يجيـهـأ شور تاخذ بعضهـآ وتنـزل تـحت تستكشف الفـنـدق ,, بس خوفـهـآ زآيــد مايرضــى .. ويمكن يعصب بـعـــد ....
وبنفس الوقت خايفـه لو تنـزل تضيع ولـه شي ... وتبتلشش .. ماتعرف شي بهلـ دولـه ,, ولا عمرهـآ جـآتـهـآآ ...ولا حتر طرى ببالها أنها تجيها
كـآنـت سـفـراتـهـآ مع أبوهـآ لـ لـنـدن بس .. لآنـهـآ على قولتـه ..." الدوله اللي أحتظنته هو وآمهـآ بشهر عسلهم " ,, وله ذكريـآت حلوهـ فيـهـآ ....
من جذي كل مافـضــى ,, أخذ له تذاكر هو وبنته وسـآفـروا لـهـآ .... خلاهـآ تزور نفس الأمـآكن اللي كانت آمـهـآ تحبـهـآآ ,,,,
كـآنـت حـآفظـه كل المحلات القريبـه من الفـنـدق اللي يسكنونه كل ماجوا لـ لـندن ...
وأحيـآن تنـزل بروحـهـآ علشـآن تتشرى ,, أو تتمشى شوي ...
بس ماتبتـعــــد .... حتى الفندق اللي يقعدون فيه هي وأبوهـآ ,, هو نفس الفندق اللي جمعه مع أمـهـآ ,,,,
رغم أنه مع مرور هالسنيـن طرت عليه بعض التغيرات الملحوظـه بس ماغيرت من الذكريـآت الحلوهـ اللي يحملـهـآ سالم بكل ركن من أركـآنه ..
تـنـهـدت ببطئ وهي تـتـمـتـم بصوت واطي : معـقـولـه تكون سويسرا هي الدولـه اللي تحـتظـن حبي لـزايد ,, وآآسوي مثل أبوي وأرجع أزورهـآ من يديد مع عيـآآلي ... وأبوهم !...( تزيد فالتعمق فـ تخيلاتهـآ اللي خذتـهـآ لعالم بعيد ) ... وبنسكـن هالفـنـدق معاهم .. وبنزور نفس الأمـآكن اللي بزورهـآ أن شالله مع زآآييــــد ... وأكيد راح أترك مواقف سواء حلوهـ أو محرجه ... فكل مكان وراح أأحتفظ فيـهـآ عـدل عشـآن أقولـهـآ لـهم ,,,, و ....

قطع حبل أفكـآرهـا صوت رجولي هادي جا من وراهـآ : من تكلميـن ؟؟
ألتفتت على زآيـد اللي ماتدري من متى وهو واقف هني وقالت بأحراج بعد ماأنصبغ ويها باللون الأحمر : ماأكلم حد ,,!
زايد بستغراب : توني من شوي سامعج تتكلميـن بصوت وآآطي !!
آمنه ترجع خصلة من خصل شعرها ورى أذونـهـآ وتقول بفشله : كنت أكلم نفسي ..!
بـآنت علامات الأستغراب على وي زآآيد من جوابـهـآ ,, وحسـتـه جنه يقول بقلبـه ( مينونه هذي تكلم نفسها ! ) ..
لكـنـه ماعلق على جوابـهـآ ,,, اللهم مرر يدهـ على شعره بخف وقال : مانمتي ؟
آمنه : لا .. من مسـآعـه وآنـآ قـآعـده ,, من وصلـنـآ !!
زايد هز راسه بتفهم : شكلي طولت بالرقـآآد ,,,
آمنه : نوم العوافي .. حبيبي ...
مابيـن لـهـآ آي شي من العواطف اللي تزاحمت بقلبـه على آخر كلمـة رغم أنـهـآ قالتهـآ بصوت أوطي من الكلمتيـن اللي قبلـهـآ ,, ألا أنـه قدر يسمعـهـآ ...
قال بجديه : قومي بدلي ... بناخذ لفـه بالفـنـدق وحولـه ..
آمنه بغـت تنـآقز من الوناسـه بس الحيـآ مثبت ريلـهـآ بالأرض قالت بطاعه : أن شالله ,,,
زايد : أنـآ باخذ لي شور سريــع ,, وطـآلـع ..

ماأنتظـر جوابـهـآ شال عمرهـ ورجع دخل دااخل ,,, أستغرب لما مالقـى الشـنـط .. دورهم بعيـنـه في أركـآن الغرفــه وماحصلهم ...
جـآت عيـنـه ع الكبـت راح فتـحـه لقـى بعضهم مصففيـن وبعضهم معلقيــن ,, كـآنوا ثيـآبـه وثـيـآبـهـآ ....
ماحب يعلق ع الموضوع ولا حتى يحاول يفكر فيــه ,,
دور لـه بين الثيـآب على شي يلبســه يكون مناسب للجــو البـآآرد هـنـي ,, وبـعـد دقايق لقـى ,,
سكر الكبـت ألا يشوف آمـنـه داشـه الغرفـه ... ماعبرهـآ توجه للحمـآم الله يعزكم
دخــل وسكر الباب وراهـ ببرود يحرق الأعصـآآب ,,
.
.
.
دقـايـق طــــــــوآآل ,, وطلـع من الحمام منـتـعــش ومصحصح من قــلــب ... مالقـآهـآ بالغرفـه ,, والأكيد أنـهـآ طلـعـت لصالـه ..
جيـك على نفسـه بالـمـنـظــره وعـلـى كشـخـتـه ... أخذ جـآكيـتـه اللي يوصل لنص الفخذ ,, ولبســه ,, وسحـب لـه سكـآرف وحطه على رقبتـه بدون مايلفـه حولـهـآ,,,, الجو برى بيكون مثللللج آكيييييد ..... ومب نـآآقص يتـهـزهز من البرد جدام آمـنـه ..
طلـع من الغرفـه لـقـىآ آمـنـه خالصـه وقـآعـده تتصفح كـتـآب بيـدهـآ ,, مايدري شنو هـو بالضبط ... وأول ماجافتـه سكرتهـ وحطته أحذاهـآ ع الكرسي وقامت وقفـت ببتسامتهـآ المعتـآدهـ
جافته يتفحصـهـآ من فوق لتحت ,, فـنـزلت نظرهـآ للأرض ,,
بينما هو من الصوب الثاني كـآن يجيك على أنه لبسـهـآ سـآآتــر ,,,
كــآن عبـــآره عن بـنـطلـون طويـل والظـآهـر أنـهـآ لابسـه تحت شي شتوي مناسب لون البنطلـون ,,, لآنه ماقدر يشوفـه بسبب الجـآكيـت الطويل اللي لابسته ومسكرته ,,
كـآن يوصل لتحت نص سـآقـهـآ بشوي ,,, وأبـداً مب ملفت لنظر ,, وأهم شي مافيـه ألوان فاقعه ,,,, كـآن سـآتـر بكل ماتحمله الكلمه من معـنـى ,, وشيلتهـآ ملفوفـه بطريقه مرتبـه حول راسـهـآ
ومب طالـعـه ولا خصـلـه ,,,
هـز راسـه برضـى وهو يقول : زييـن ! ,, يلا آمـشـي ,,
تحركت خطواتـهـآ وراهـ وفتح الباب وطلع وطلعت وراهـ سكر البـآب ومشـى وهي أحذآآهـ ,,, نـزلوا لتـحـت وأبــتـدوآ مشوار أستكشـآف الفـنـدق اللي قـآعـديـن فييـه
وبـعـد فتــره مب قصيره ,, طلعوا من الفـنـدق للجو اللاسع برى من برودتـه وآبـتـدوآ يدورون ... يجوفون المحلات والمطـآعم وكل شي قريـب من الفـنـدق ,,
مـآيـدرون كم صـآر لهم من تركوا الغرفـه ,, بس الأكيد أنـه مب وقـت قصـيـر ...
كـآنـت آمـنـه تبتسم بوي كل طـفـل صغير يطلع بويـهـآ ,,, وتعلق عليــه وتنـطر راي زآيد .. لكـنـه مايرد ألا بجوآآب مـخـتـصــر ...
دخلوا لهم كم محــل وأشـتـروا لـهــم شويـت ثـيـآآب ,, من اللي أعجبتهم ...
وبـعـدهـآ ,, رآحوا لأقـرب مـطـعـم ,, عـلـشـآن يـتـعـشـون ... بـعـد ماتيبسـت ريلهم من كثر المـشــي ...

فالمـطـعـم بعد ماطلبوا الـعـشـآ

طلع جوالـه وأتصـل على الدوحـه لأمـه اللي أكيد طولـت وهي تنطر أتصـآآلــه ..
رن شوي وبـعـدهـآ جالـهـ صوت آمه بلهفه : ألو ! زآآيـــد ,,
نـور ويـهـآ بأبتسـآمه لما سمع صوتها : آيـه زآيــد ,,
آم زايد بشوق : يابعد عمري ياوليدي ,,, تووك وااصــل !!!
زايد : لا صـآر لي فتره من وصلت ,, السموحه يمه من التعب نمت ولا أتصلت أطمـنـج ...
آم زايد : مسموح يايمه ,, بس لا عـآآد تعـودهـآ ... خليت بالي يودي ويجيــب ..... هـآ شلون سويسرا !
زايد : حـــلـــووه !
أم زايد : وشلون آمنه ,, أن شالله مستـآنسـه ؟؟
زايد وهو يطالع آمنه اللي عيـنـهـآ بالصحن ومو قـآعده تاكل : الحمدالله ,,
آم زايد : عطني خل أكلمـهـآآ ,,,,
زايد : أن شالله ,,,

مد الجوال لآمنه اللي أرفعت عيـنـهـآ ليـد زآيد وبـعـدهـآ طالعته ,,
قال وهو يرد على سؤال لمحه بعيونها : آمي تبي تطمن عليج ...
مسكت الجوال وردت : ألــوو عمتي ,, أنـآآ بخير الحمدالله ,,, آآيييـه ....( أبتسمت بالخفيف ) ,, لا شـدعوه ,,, آنتي شلونج !! ,,,,,,,, دوم يـآرب ,,,, حبيبتي ...... الحمدالله مرتاحه ..( تحشرج صوتهـآ شوي ) حتى أنتي ,,,, ( آزدادت أبتسامتهـآ ) صج ؟؟.. عطيني أيـآهـ بكلمه ,,,, ( ضحكت بالخفيف من بيـن دموع حابستهـآ ... سكتت شوي وقالت بلهفه كبيره ) ألو يبـه ,, أنـآآ بخير أنـآ بخير ..... آنـت شلوونك ,,,, يبه وحشتني .. أشتقت لك مووووووووووت ,,,,, آدري أنهم كم سـآعـه بس والله والله مكانك مبين ,,, ( ضحكت بالخفيف للمره الثانيه ) ماعندك حد يأذيييك ,, اللحيـن آحتل البييت بروحك .................................................. ............

من أبـتـدت تكلم أبوهـآ وهو لا شعورياً أرهف سمعه لحوارهـآ ,,, رغم أنه يتصنع أنه مركز بالأكــل ....
ضغـط ع القفشـــه بكل قوتـه وهو يسمـعـهـآ تعـبـر عن شوقـهـآ لأبوهـآ ويحس من نبرة صوتهـآ اللي قريب وبتتحول لبكـآء ,, شكثر مب قـآدره تستحمل بعدهـ ولو دقيقـه وحدهـ ,,
عيل هو شيقول !
اللي محروم منـــه 20 ســــــــــــنـــــــــه !
عشريـ،ـن سـنـه كـآآآآمــلـــــه آنــحــــررم مــنـــــه ,,, ومـآشــكـى لــحـــد شكثر مشـتـآآق لـــــه !!
وشكثر هو يحتـآج لـه بكل يوم أكثــر من اللي قبــلــــه ,,,
ولـمـآ طلـع من السـجـن ,, للأسف ماقدر يوصلهم على طول ... تم جم يوم يدور على موقعهم اليديد بعد ماغيروا بيتهم ,, ووصلهم بوقت متأخر ! متأخرررر وآآيــــد ,,,
جـآفـه يوم بس
ولو بنكون دقيقيـن أكثر ,, بنقول أنـه حتى اليوم ماكملــــــــه !
وثـآنـي يوم صبح عليـه الصــبـــــح ,, وعرف أنـه رايييح لولد الـ" ......" فـآيــز ,, وعلى كثر ماحاول يمـنـعـه من الروحه ,, ألا أنـه أصـــر
حاول يقنعه أنـه بيروح معاهـ لـكـنـه ررفضض !!!!
تمنـى أنـه عـآند كلام أبوهـ ولحقـه على بيت فايز حتى لو بالخش ,, بدل مايكون حزتـهـآ بالجامعه يدافـع عن ولد الـحقير فـآآيـــز بمذبحـه قـآآيمــه عليييـه
لو كـآن يدري أنـه يومـهـآ أبوهـ راح يموت بخطه آكيد فـآيز مدبرهــآآ ,,,
جـــآن واللــــــــــــــه ,, والله ... و ,, والله ... ماقرب صوب نواف ولا دآآفــع عـ،ـنـه
لو كـآن يدري يومـهـآ أنــه بيفقد الأنســآن اللي من ألمــحــه حس بحمل كبير أنـزآآآح عن صدرهـ ,,
جـآن مافارقـه ولا لـــــحـــــــــــظــــة
لو أبوهـ سمع كلامــه وماراح بيـت فـآيز ,, جـآن مامات هالموته البشـعــه ,,,,
صحيح هذا يومه ,,, بس ع الأقل كـآن بيموت ببيته وسط أهلـه ونـآآسـه ,,,,

بس بشنو راح تفيدهـ الـ " لـو " اللحيييـن !!
لـو الـ " لـو " ترجع اللي رااااح ... جـآآآن ياما نـآآآس قالوهـآآ ورجعوا غاليـن حبوهم بيـوم ,,,

قـآل بقلبـه بعد ماأنتبه على طريقـه تفكيرهـ اللي أجرفته لبعييييد ( اللهم لا أعـتــرآآآض ,, اللهم لا أعتراض )

صحى من أفكـآرهـ اللي خذته لذكريـآت المفروض أنهـآ ماتجي ببالـه وهو بشهر عسله المزعووم وجدامه عروسته ... على صوت آمنه اللي تنـآديـه ,,
آمنه : زآآيييــد !
طالعـهـآ بنظرة تسائل ,,
قالت له : أبوي يبي يكلمك !
زايد أخذ الجوال مـنـهـآ وكلم خالــه ,,, وهو يــطــرد كل فكره سودهـ قـآعدهـ تحووم حول راسسســه ..
.
.
.
الـيـــوم الـتـآلي


كـآن قـآعـد بمكـتبــه ,, بيــده الـجـريدهـ كالعادهـ يتصفحـهـآ بأهتـمــآم ويقـرى كل خبر يشـــدهـ ...
دخـل عليـه الفـرآش اللي بايـن بوضوح أنـه ريـآل كبير وبيده القهوه اللي طلبـهـآ ,, حطـهـآ ع المكـتـب وبعد ماأشكرهـ بو نواف ,, أستدآر وهو طـآلـع ...
هــدوء مغلف جو المكـتـب .. أذا مب الشركه كلـهـآ ,,
وملامحـه مركزهـ بخبر شــدهـ ,, وعـنـوآن آآكثـر من ملفـت
وكلـهـآ دقـآيق معـدودهـ ,,, وأحتلـت الصدمه كل جزء بويـهـآ ,, بـغـى يفقد القدرهـ على التنفس من هــوووول اللي قــرآآآهـ ...
رجـع قرى الـعـنـوآآن من يديد ,,,
ومرر عيـنـه ع الكلمات اللي حسـهـآ ماعادت وااضــحـــه لــه ,, وقـآمت تدخل ببعضـهـآ من قووة صدمته...
حط الجريده ع المكتب بسرعه ,,
وسحب التلفون ,, دق بسرعه على أول رقم طرى ببــآلـه ,, ونــطــر الجوآآب على آآحررررر من الـجــمر ثوآآنـي ووصلـه صوت رجولي خـآآثـــرر : ألو !
ماكلف عمرهـ وسلم على طول قـآل : ســعــيييد قرييييـت الجريده اليوم !!؟؟
سعيد وهو ثلت أرباعه نايم : مــنو ؟!؟
بو نواف بقلـة صبر : فـآآييييزززز فــآيييييييزززز !! ,,,
سعيد تعدل صوته شوي لما درى أنه بو نواف ع الخط,,رغم أنه مازال كاسيه النوم : هلا هلا عميي !!
بو نواف رجع عـآآد السؤال بتوتر أأكبر : قرييييييييت الجريده !
سعيد : لا ,,! ليشش ؟؟
بو نواف متجاهل سؤاله : بو خــلـــف ويــنـه ؟؟؟
سعيد بعد تفكير : مممممم !! ,,, والله مادري ,, من زمـآآآآن عــنـه ! ,,,,,, من طلع من الشغل معـآنـآآ ولا أعرف شي عـنه ,,
صرخ فيـه بونـوآآآف وهو ماعاد فيـه صبر والتوتر ضرب التوب براسه : بو خلف سللللللللللم نفسسسسسـه يالثـــوووووور !
سعيد أنصعق وفز من مكآآنــه : شــــــــــــنــوووو ؟؟!! شــقــلــت !!
بو نواف بنفس الغضب : قوم طسسسسسس تأكد لي من الخببببرررر ,, أبي اليوووووووم آآعرررررف بو خلللللففف ويـنـــه فييييــه !! سـآآآمـــــــــــــع !
سـعـيد : أن شالله أن شالله عمي ,,
بو نواف بأصرار : اليــووووووووووووم !
سعيد : أليوم ولا يهمك اللحيـن بقوم أتأكد ....
بو نواف : أنطررررررررررك ,,,

رضخ التلفون بويـهـآ ,, وهو يفتح أزررت ثوبـه من عند الرقبـه ,,
مستحيل يكون سوآآهـآآ وسلم نفسسسسســـه
مستحيييييييييييييييييييييل !!!
.
.

نـهـايـة الـبـآرت الـسادس عشـر

ملاحظة مهمه
في شغلـه ماأنتبهت عليها ألا تو ,,
القصـه فيـهـآ شخصيتيـن بأسم سـعـيــد ,,

سعيد : اللي يصير لوضحى
وسعيد : اللي يشتغل عند بو نواف بتجارته للمخدرآت ,,

كل واحد منهم شخصيه مختلفـه عن الثـآنـي تماماً ...
يعني لحد يظن أنهم شخصيه وحدهـ
وتظلمون الجنتل اللي يصير لوضحى ,, بالسفااح الثاني اللي يروج للمخدرآت

وتطمنوا ماراح تختلط عليكم هالشخصيتيـن
لآنه هالسعيديـن ماراح يتلاقون أن شالله ,,

.