من الـصـوب الـثـآنـي بنفـس البيـت

بعد الـغـدىآ قـعـدت مـعـآهـ بالـصـآلـه تشرب لـهـآ جـآآي وتشقــر حــب ومطولـه ع التلفزيون ودآشـه جو
ونـ,ـوآف طاقهـآ سوالف ع الجوال مع فـهـد وكل شوي طالب منهـآ تقصصر ... لآنه مب قـآآدر يسمعه شيقووول من قوة الـأزعـآآج
تقصر شوي ... وترجع تطول من يديد ... جنـهـآآ تـ‘ـعـآند
حآآول بـ فـهـد عشـآن يتقـآبلون المغرب بس هو رفض .. بحجـة أنـه يبي يقضي هاليوم مع زوجته ... خـآآصـه أنه الـجـو اليوم يسـآعـد وبقوهـ على الـأجوآء الرومنسيـه ..
ومفكر يغتنم الفرصـه ويطلعـون الـبــحر !
تطنز عليـه نـوآآف شوووووي ومصخررررهـ تمصخررر ,, وبعدهـآآ سكــر ! .. بعد ما صرررفـه فـهــد ...
حذف الجوآل بحظنه وهو يزززفر بالخفيف ويقول بصوت واطي قدرت تلقطه نوره : ياحليله !
نوره نقزت وهي مازالت عينهـآ ع التلفزيون : منـووو اللي ياحليله !
نـوآف وهو يتسند قال برواق : وأنتي شلج خص .. ! .. " تـنـهـد بالخفيف بعدها قـآل " آآففف ... ملل !
نوره قصرت ع التلفزيون وألتفتت عليـه : الـجـوو فللللللله اليوم يمكن ينـزل مطـــر ,, شـرآآيــــك نطلع نـتمشـى ,, صدقني بيروح الملل وسنيـنـه بعد !!!!
نـوآف : يـلـآ زيـن ! .. أبي أطلع مع وااحد من ربعي مب معـآآج ...." يسند راسه بأسترخـآء ع الكرسي ويغمض عينه وهو يقول " من زيييـن سوآآلفج !
نوره : ليش أن شالله !! شفيني أنـآآ علشـآن ماتطلع مـعـآآي ... ؟؟ مالت على حظي رفيجآتي أخوانهم يطلعونهم ويمشونهـآ ألا أنـآ ربي باليني بواحد مثلك ..
نواف بسخريه ونبرة أستهزاء : عـآد الله والرفيجآآـت اللي تعرفينهـم ,,, كلهم وحدهـ .. ! وماعندها آخو من الأسـآس !! واللي يرحم والديج لا بغيتي تجذبيـن جذبي عدل ,,
نوره : جب زيــن ,, أصـلـآ عندي ربع غير وضوووح بس مب كلوز معـآهـم ..
نوآف يزفر بضجر متجاهل كـلـآم أخته : بـآقي وآآيـد على نـهـآيـة الشـهـر ..
نوره بطنازه : ليش ! تنطر الرآآتب ؟؟
نواف يضحك بدون نفس : هيهيهييه ,, حد يمسكني بطييح من طوولي من كثر الضــحـك !
نوره : لا صج ليش!!
نوآف : وآحد من الربـع مسـآفر ,, بشهر عسسل ... وآظنه بيرجع آخر الشـهـر ,, آآآآآآآآآآآآآآآآآففففف ! بـآقي وايد ,,,, والله ملل بدونـه .. لو أنه موجووود جـآآن دقيت علييـه وطلعت أتمشى معـآهـ بدل فهوود اللي لآهي مع مرته ,, ومب معطيني وي ,,,
نوره شقت الحلج وقالت : آوه ! طلع عندك ربع متزوجيـن ..!! شتنطر أخ نـوآف ...
نوآف : آنطر فرقـآآآآآآج ,, علشـآن يفضى لي البيـت ... من صجتج !
نوره تلتفت عليه بجسمها كامل بحمآس : لا صج صج نوفي .. شرايك تتزوج .... خـآطري جذي أنفخ عمري جدآآم البـنـآآت وأقول لهم أنه عرس أخوي بعد كم شـهـر ,, وأكشششخ بعرسك وأأرقص رقصصصصصصص .... وبعد شهر بالكثير شهريـن أصير عمــه ,, يـآآآآي ...
نواف بغرآبه : شنو بعد شهر شهريـن تصيريـ،ـن عمه !! شقالولج قطآآوه أحنا !!!! ,, وبعديـن ليش ماتتزوجيـن أنتي علشآن أوزع حلو ع الفريج كله أحتفـآلـاً بفرقـآآج ,, وعـآآد ياليته مايكون قطري ,, خليجي أو عربي ولو أجنبي مااااعندي أعترآآض ,,, بس يطلعج من الدوحه بكبرهـآآ وأأأفتتتتتتتتتتتتتتتك !
نوره بدلع : مو من قلبك ,,
نواف برجى يتصنعه : واللي يرحم والديج طولي ع التلفزيون ,, وزطي وأنتي ساكته ...
نوره آزفرت وصدت لتلفزيون ,, طولت عليـه شوي وقـعـدت تجوف

هـدوء قـآتل بالصـآلـه مخيم عليـه صوت التلفزيون لحد مانطق نواف بعد فتره بسيطه وهو يطلع جواله : خل أدق عليـه ..
ألتفتت عليه : من ,,
نواف وهو يحط الجوال عند أذنه : المـعـرس ,,
نوره بفضول : ويـن مسـآفريـن ,,
نواف : أظـن آيطـآليـآ !! .... لا لا ,, أستغفر الله ,, سويسرا !!
نوره تتنهد : عقبـآآلي يـآآررررررب ,,
عطـآهآآ نواف نظره مافهمت معـنـآهـآ ,, ماتدري ليش أنحرجت وتفشلتتت من قلبب وخآفت شوي رغم أنهـآ ماكآنت نظرة توعد !!

سكت وهو يسمع الرنيـن المتواآصـل لحد مايـأس سند راسـه لورى وهو يرجع شعر لورى : تكفى زآآيد رد !

مالقطت ألا أسم ( زآيد )
ماأخترق طبلة أذنهـآ ألا أسمـه ..
وآبـتـدت التحليلـآت المتتاليـه براسـهـآ !
يعني زآآيد ... !!!!
زايد ماغيره ................. !
تزوووج !
.
.
.

سويسرا

بـعـد رحلـه رومنسيـه باليخت ..أو المفروض تكون رومنسيـه .. مروا فيها على منآظر أروع من الروعه تسر الـنـظـر وتشرح الصدر والقلب ,, وكلوا في وحده من المطـآعـم الموجوده باليخت ..
بـجـو رومنسي هـآدي ,, يداعب مسامعهم صوت الـبـحــر ..
أنزلوا من اليخـت أثنينهم مستانسيـن ,, الفرق بينهم آنه آمنه بايـن على ويـهـآ بسبب أبتسـآمهـآ اللي مافـآرقـتـهـآ طول الوقت ..
بينمـآ زآيد مب بايـن علييـه ,, واللي يطل بويـهـآ يحسـه جنه متعود على هالرحله .. مب جنه أول مرهـ فحياته يركب يخت !!
بس اللي يفهمه عدل ويقـدر يقرى ملامحه عدل بيـعـرف أنـه رغم محاولته أنـه مايشغل تفكيرهـ بأي شي ثـآني غير أنتقـآمه ,, الا أنـه فـ هلـ رحله الخفيفه ... حس براحه غريبـه هـآجمت صدرهـ ..
راحه أستعمرته من خصل شعره اللي يلاطفهـآ النسيم ويحركهـآ برقـه ,, ليـن أصـآبع ريولـه ...
راحه .. نسـته لفتره معدودهـ ... فـآيز وطوآيفه ....
آبـتـدوا يمشون على ريولهم ويتأملون المكـآن حولهم .. لحد مادخلوا وسط حشد من الـنـآس المتراصـه جنب بعضـهـآ
مد يده بدون مايعطي آمنه آي نظرهـ ومسكهـآ من يدهـآ علـشـآن لا تضيع وسط هالـنـآس ويقضي الـأيـآم الـبـآقيـه يدورهـآ ,,
أعترت الفرحه قلب آمنه اللي بالبدايـه أنصدمت من حركته ,, ماتوقعته بيمسكهـآ ...
بس بعدهـآ حست بشعور الحب تجاهه يكبر ....
دامه مسكهـآ ,, يعني خاف عليـهـآ تضيع وسط هالـنـآآس ,,
ودامه خاف .. معنـآته أنه مهتم فيـهـآ !! ويهمه وجودهـآ قربـه ...
يعني يحبـهـآ !
مثل ماتحبـه ,, ويمكن آكثــر ..

تموا يمشون لحد ماأبتدت هالزحمه الغير طبيعيـه تخف تدريجياً ,, وأول ماصـآر المكـآن آمن !!! .. ترك يدهـآ ....
وكملوا مشي لحد ماوصلوا لمحلـآت شكثـر .... ومن نظرة آمنه المتفحصه للمحلآت من بعيد عرف أنـهـآ تبي تروح تتشرى بس مستحيـه ,,
أقترح عليهـآ : شـرايج نروح نتشرى !
آمنه رحبت بالفكره : آوكيـه ,, ليش لا !!
سمع جوابـهـآ ومشى معآهـآ لصوب المحـلـآت وأبـتـدوا يدخلونهم واحد واحد ,,, لفتره بسيطه تحسف أنه أقترح هالفكرهـ ,, أو أنه ريله جابته لهـآ مكـآن ...
لآنهـآ أبتـدت تدخل محل وتطلع من محل ... وهو ماغير شايل الـأكيـآس ويمشي معـآهـآ ,, والمحل اللي يحسها تطول فيـه .. يشـتـري لـعـمرهـ شغلـآت خفيفـه ...
لـحد مـآغـآبـت الشمس وهم توهم مخلصيـن ,, على كثر المحـلـآت اللي دخلتهـآ آمنه ,, ألا أنهم ماأشتروا وآآيييد ...!

كـآنوا بياخذون لهم سيـآرة تآكسي ترجعهم الفندق
بس لسوء حظهم ,, أنه الـسـآيق مايفهم أنجليزي ! خربط عليـه بكـلـآم ماأأفهم منه زآيد ولا حرف ,,, وحاول يتفـآهم معـآه بس مافي آمـل ..
تركوهـ علـشـآن ياخذون واحد ثـآنـي ,, وبعد دقايق مش طول وقف لهم تـآكسي أول شي سواهـ زايد كلمه بالأنجليزي وزفر بأرتياح لما طلع يفهم ,,
ركبوا مـعـآهـ ,, وقـآل لـه يوديهم فندق " ........" .. جافه شق الحلج وقال له آوكيـه ...
طول الطريج والسـآيق يسولف مع زآيد ,, سألـه كم سؤال عن جنسيته وهلـ هو جآي سياحه ولـه عمل ,,, وغيرهـآ من هالنوع من الـآسئله
وزآيد يجآوب برحآبة صــدر ,,,
بالرغم من طول الطريج ,, ألا أنـهم أستمتعوا بالـمـنــآظر اللي تحيطهم ,,, الـدنيـآ حولهم خضــرهـ ,, وتشررررررح النفس ..
وسويسرا رغم أنه الليل خيم عليـهـآ ,, ألا أنـهـآ مازالت في قمة روعتهـآ ,,

بـعـد مسـآفـة الطريج توقف التآكسي جدآم الـفـندق ,,
طالع زايد الفندق وعقد ملامحه بستغراب وقـآل لـه أنـه مب هالفـنـدق ,,

( الحوار بالأنجليزي بس راح أكتبه لكم باللغه العربيه ^__^ )

رد عليـه الـسـآيق : كلا ,,! أنه هو ..!! فندق " ........." أليس كذلك !؟؟
زايد ألتفت عليه بعد ماأرتخت ملامحه : لا ! ,, لم أقل فندق " ........" بل فندق "....." !!!!
السايق بأحراج خفيف : أوه ! يبدو أنني لم أسمعك جيداً .. أسف
زايد حاول يرخي أعصابه قد مايقدر لآنه يبط الجبد صراحه قال له : أذا ! . . ماذا الأن ؟؟
السايق بعد ماحك راسه بأحراج خفيف : أعذرني سيدي ولكني لآ أعرف مكان فندق " ...... " ( بأقتراح هبل ) يمكنكم قضاء الليله هنا أذ أحببتهم .. أن هذا الفندق رائع وأغلب السياح الخليجين يقطنون هنا .. قد تجد أحدى أبناء شعبك وتكون معهم صداقآت
زايد الود وده هاللحظه يصكه ذاك البكس اللي يلف ويها ستميت ألف لفه ... طلع البوك وهو يسأل بطريقه مبينه أنه معصب : كم هو حسآبك !
بنفس الأحراج الخفيف : ( ..... ) فرنك ,,
زايد طلع المبلغ اللي قالـه ومده لـه وأول ماخذآه نزل وهو يوجه الكلام لآمنه : نزلي ,,,
نزلوا ونزل معاهم السايق وهو يقول : آوه ! أرجوك سيدي لا تغضب .. لم أتعمد فعل ذلك حقاً
زايد : حصل خيير حصل خير !!
مافهم السايق شقال زايد لآنه تكلم بالعربي قال بتسائل : مـآذا !؟؟
زايد بصبر يحاول أنه ماينفذ : لا بـأس !
السايق بشك بسيط : حقاً ,, !؟؟؟
زايد هز راسه بالخفيف : حقاً
السايق أبتسم براحه وهو يقول : أذا ,, ألى اللقاء ..
زايد بصوت واطي : الى اللقاء

أبتعد عنهم وركب سيارته أشر لهم بمعنى بآي ,, أبتسم له زايد مجامله وأول ماأبتعد قال بقلة صبر : أقول لـه فندق " ....." .. جايبني هني ,,, شهلـ تخرريف اللي هو فيييـه !!! دامه ماسمع عــدل جان قـآآآآآآل ! آآآآآآآآآآفف أستغفر الله العظيييم ,,
آمنه بتبرير بسيط : حرام عليك زايد ,, ماجفت شكله ... ريـآآل كبييير الشيب مغطي شعرهـ وويها غرقـآآن بالتجآعييد .... تلاقي سمعه خفيف
زايد بغضب عـآرم فجرهـ بويهـآ : وأنـآآ شذنبي !!!
أنتفضت من صرخته الغير متوقعه !!!! ,, وطالعته بتعجب ...
زايد وهو يطالع جدامه : خل ندور تآكسي ثـآآني ,, يوديـنـآ الفندق !!! شكلنـآآ محـنـآآ واصليـن ألا الفيييييرر !
ماردت ولا علقت على كلامه ,,,, ماتدري شبلاهـ مزاجه تغير بسرعه !! من شوي كان هـآآدي واللحيـن متنرفز ومعصب وحالته حاله ..
هو صحيح الموقف يزعج شوي ,, بس مب لهدرجه ....!!

تعبوا من الوقفـه والنطرهـ ,, على آمل أنه تمر سياره تاكسي تاخذهم ... بس مافي آمل
الظـآهـر لآزم يبتعدون شوي عن الفندق علشآن يلاقون تآكسي ... وزايد ماله خلق يتحرك شــبــر ,,
ألتفت وراهـ ع الفندق وزفر بضييق : آمرنـآآ لله ! .. آمشي
مشى عنهـآ ولحقته وهي منبطه جبدهـآ منه ومتضايقه بعد وحازه بخاطرهـآ صرخته عليهـآ وأسلوبـه الزفت معاهـآ ,,,
حجز لـهم غرفـه لشخصيـن ,, حق يوم وآحد ... ودفع فلوسهـآ .. خذوا المفـتـآآح وأتجهوا لغرفتهم ....
ومثل ماقـآل السايق .. هالفندق مليـآن خليجيـن تقولون مستعمريـنه !!!
ونظرآت بعضهم قمه بالوقـآحه ... كـآن ممكن حزتهـآ يمسك واحد فيهم ويطب ببطنه .. بسبب نظرآته الجريئه لآمنه ...
لكنه ماسك عمرهـ ,, مسك يد آمنه وقربهـآ منه بقوهـ ,, بعد ماصكه بنظره نـآآريـه خلته يستحي على دمه ويصد ...
( يعل عيونك الدووووووووووووود اللي ينهشهـآ ياشيييييييييييخ ! )
بينما آمنه عقدت ملامحها بقوه من قوة قبضه على معصمهـآ قالت بصوت واطي : زآيد شفييييك ! عورتني ...
ماعبرهـآ ولا رد عليـهـآ تم يمشي فيـهـآ لحد الغرفـة اللي حجزوهـآ ,, وأول ماصاروا واقفيـن عـند بـآب الغرفـه دخل المفتآح فيهـ وفتحهـآ دخل ودخلت ورآهـ وهي قربت توصل التوب من الضيقه ,,
سكرت الباب وراهـآ وهي تقول بتسائل : كل هذآ علشـآن السـآيق غلط بالفندق ؟؟
زايد طالعهـآ بنظره تعبر عن الغضب اللي يحاول يسيطر عليه : آمنه رجاءاً ,, ماأبي أتكلم بأي شي اللحيـن ... خليني سـآآكت !!!
آمنه بتسائل : أنت شفيك بالضبط ! من الصبح وأنت متنرفز ومعصب بدون سبب ؟؟.. أنـآ مضايقتك بشي ؟!!
زايد : مافيني شي !!

ترك لهـآ الصـآلـه ودخل الغرفـه على طول .. أستغرب شوي لما جاف سريريـن ,,!
شكلـه نسى يقول لهم آنهم معـآريس !!
أو يمكن سألـوه أذا يبي سرير أو أثنيـن وهو جآوبهـم ع السريــع ... بدون تركيز والسبـه آنهـآ كان فقمة غضبـه وعيـنـه على هالكم خليجي اللي مايستحون ولا يخيلون
زايد بقلبـه " آآحسسسن بعد ! زيـن جآت منهم " ..

حذف روحه ع السرير وأنسدح وهو يطـآلـع السقف بتنرفز مايدري شـ سببـه ! توهـ من شوي مرتـآآح وأعصـآبـه رايقه وبسبب هالغلطه اللي أكيد ماكـآنـت مقصودهـ من السـآيق
عصب وطلعت شيـآطييـنــه ,,
غمض عيونه بعد مازفررر بقووهـ ,, وأبتدى يستغفر بقلبـه شوي ,,,
متأكد أنه آمـنـه زعـلـآنه اللحيـن وآكيد شايلـه بخـآطرهـ ,,!! بس شيسوي غصباً عنه مو منه ,,
ودامهـآ حبته ملزوومه تستحمل أطبـآآعـه ,,!
.
.
بينمـآ بالصـآلـه أول مارد عليـهـآ وعطـآهـآ ظهرهـ وهو دااش الغرفـه ,, حسست بشعور ممتزج مابيـن حزن وقهر وألم
قـعـدت على طرف الكرسي ومامنعت روحهـآ من الصيـآآح غطت ويهـآ وغرقـت بيـن دموعهـآ بأنيـن خفيف
حرام اللي قـآعد يسويـه فيـهـآ !!!!
حتى بهدوءهـ مب قـآدرهـ تعرف لو كـآن يحبهـآ ولـه لا ,,
سـآعـآت تقول آيـه يحبهـآ وميت فيـهـآ ,, وسـآعـآت تقول لا هو ماخذهـآ مغصووووب !
ولـه في واحد يعامل زوجته بهلـ معـآملـه بشهـر عسلهم !
ولا من أول يوم بـعــد ,,,
زآآدت دموعهـآ لما تذكرت هالشي ,,
أول يوم لهـآ معاهـ وهذي معاملته !! ,, الله يستر من الـأيـآم الجـآيـه ....

,
,
,

قـآعـد ع الكرسي مجـآبلـه ,,, حـآس ودهـ يقوم وينقض عليـه وينهش بلحمه ليـن يوصل لعظآمته ويحذفهـآ للجـلـآب !
بينما هو من الصوب الثـآنـي كآن منزل عيـنـه ع الطاولـه اللي جدآمه وسـآكـت ..
سمعـه يزفر بشده لدرجة أنه تهيئلـه أنه أنفـآسـه أصطدمـت بويـهـآ !!
هدوء قـآتل مخيم على هالمكـآن البـآآئس لحد ماتكلم بصوت واطي بالغصب قـدر يسمعه هو : أرتحت اللحيـن !!!
مارد عليـه ولا جآوبـه اللهم رفع نظره لـه وطالعه بعيـن منقلب لونهـآ للـأحمر من كثر مايصيح كل ماتذكر ماضيـه الـأسود وأفعـالـه البشـعـه ..واللي صـآر لـه من ثـلـآث أيـآم ,, رجعـت غرقـت عيـنـه بالدموع وقـآل بألم قـآتل : خلف مـآآآت يـآفـآيز !!!! مـآت ..
بونواف فلتت أعصابه لكنه مازال يتكلم بنفس درجة الصوت الوآطيـه : ويموت ! شسوي لـه ,,؟؟.. هذا يومه وله عندك أعترآآض ؟؟؟؟
طريقه كلامه جـآته مثل السجـآجيـن بصدرهـ ,,

( ويموت شسوي لـه !! )

مب هـآمه !؟؟؟؟
آكيد ماراح يهمه ..!
خلف لا هو ولدهـ ,, ولا هو واحد من قرايبـه علشـآن يزعل ويصيح دم من الندم !
تـنـهـد بألم أكبر وبرمشه وحدهـ نزلت دمعه حآره على خده ,,
بو نواف لما لمح دمعته غمض عيونه بقلة صبر وقال بسرعه : الله يرحمه .. الله يرحمه !! .." يطالعه " خلاص هو رآآح هالدموع ماراح ترجعـه !
بو خلف بصوت يقطع القلب : آدري ماراح ترجعه ,, بس يمكن تغسل ذنوبي وخطـآيآي .. يمكن تزيـــل هالهم من صدري
بو نواف يسكته : آنزيـن أنزيـن خـلـآآص فهمـنـآآ ,, ( بجديه وعينه بعيـن بو خلف ) جوووف صـآلح ,, أنت سلمت نفسسك ! كيفك أنت حررررررر .... بس والله لو تفتح حلجك بحرررف عـنـي لا تلوم ألا نفسك !,, مب نـآقص أنـآآ لقـآفـة هالشرطه ,, تجي تتنطط لي بكل مكـآآآن ,,,, دليل وماعندك دليل ضدي ,, ومحد راح يقدر يوصل لي من شرطتك هذي ,,, وكلامي هذا كلـه لآني ماأبي شوشرررررررررره ! ,, سـآآمع !! مـآآآآبيييي شوشرهـ ,, ( يأشر على راسـه ) مشتري راحه بالي آنـآآ ! ...سـآمع !
مارد عليـه آكتفىآ بأنه يطالعه بصمت
بونواف بتوتر خفيف ممتزج بعصبيته قال : جوف ,,, أهلك اللحيـن مالهم حد من بعدك !!! تلاقيهم متلتهيـن برى ! ... ( يحط يده على صدره ) راح أتكفل بهم !.. من كل النـوآحي أكل ولبس وفلوس وكل شي ممكن يحتـآجونه ,,,, بـــس ,,, حلجك هـذآآ تسكرررره ,, ماتفتتتتحه كلششش ....... ( سكت لثواني بعدهـآ قال ) ,, هـآآ شقلت !
نزل نظره لتحت وهو يتحسب عليـه بقلبـه
" حسبي الله ونعم الوكيل .. حسبي الله ونعم الوكيل .. "
بو نواف لما جافه نزل عينه قال : حلو !! السكوت علـآمة الرضـىآ مثل مايقولون .... خلاص عيل أتفقنـآآ .. ( يقوم يوقف ويطالعه بجديـه تقـهـر ) راحة أهلك مقابل سكوتك .... وأنـت أخترت ...! ,, عـ،ـن أذنك ,,

شـآل عمرهـ وطلع بعد مافتح لـه الشرطي البـآب ,,
بينما بوخلف قـآل بصوت واطي : آهلي لهم الله يـآفـآيز ,, مب محتـآجيـن لفلووسك الوصخه ..... !
.
.
.

بيـت وضحى

جدآم المنظره كآنت تعدل شـعـرهـآ ,, بتروح لنوره ملجأها الوحيد تستشيرهـآ مع أنهـآ شبه عـآرفه ردهـآ ,,, بس بعد ماتبي تتسرع ,,
سعيد ماتحبه ولا يمكن تحبـه ,, وحتى لو صـآر وخذاآهـآ ماراح تسعدهـ !!!!
مالـه مكـآن بقلبـهـآ المهششم ,,
ماتدري شلون بتقـدر تفهمه هالشي !
ماتدري ليش مب راضي يفهم أو يستوعب حتى ..!
آول ماخلصـت وجيكت على لبسـهـآ ,, لبسـت الـأكسسوآرت وماقدرت تحط مكيـآج ,,, لآنه يمكن يفتح عديم الذوق نوآف ,,!
أكتفت بكريم أدهنت به ويهـآ ,,
ألتفتت لعبايتهـآ لبستهـآ ولفـت شيلتهـآ بحرص ,, خذت جوالـهـآ وسويج السيآره وطلعت من غرفتهـآ .. وكم خطوهـ وهي طالعه من الجـنـآح ..
سكرتهـآ وراهـآ وقفلته ,, وخذت المفتآح معاهـآ

نزلت من الدري ومرت ع الصـآلـه الفـآضيـه كعـآدتهـآ ,,
طلعت منهـآ ,, وبعد خطوآآت عديده ألا هي بسيـآرتهـآ .. سكرت الـبـآب وحركت وهي طالعه من البيـت ..

فالطريج أتصلت على نوره لكنهـآ ماترد ,, أول يرن يرن وبعدهـآ يتسكر بويهـآ ,,,
أستغربت من حركتهـآ ,,,, طرشت لهـآ مسج

" شفيييييج ! ردي أنـآآ وضحى ؟ "

بس بعد ماحصلت رد ...
وضحى وهي تحط الجوال أحذاهـآ : آآففففف ,, شفيـهـآ !!! ,,
حاولت ماتعير الموضوع بـآل ,, لما توصل بتعرف شفيـهـآآ ....
مسـآفـة الطريج وهي صـآفـه سيـآرتهـآ عند بـآب بيـت نورهـ ,, جـآفـت السـآعـه كـآنت تشير لخمس ونص ,,, نزلت وهي تقفل السياره وتوجهت لباب البيت رنت الجرس ووقفت تنطر ..
دقايق ألا غـآنم فاتح البـآب وهو يلهث شكله كان يركض وأول ماجـآفهـآ خـآب ظنه بس بعد آبتسم : هـلـآ هـلـآ وضحىآ ,,
وضحى أبتسمت له بالمقابل : هـلـآ غـآنم
دخلت وهي تقول : نوره داخل صح ,,
غـآنم : يعني ويـن بتروح مثـلـاً ,, داااخل ملتعنه بغرفتهـآ .... البيت يونس بدون حنتهـآآ ,,
أضحكت لـه بالخفيف ومشت لباب الصـآلـه ,, أستغربت لما ماجـآفته لآزق فيـهـآ كالعادهـ لحد مايوصلهـآ لنوره سالمه غانمه ,, ألتفتت وراهـآ لقتهـ ماسك بـآب الحوش ويطـــل برى يتلفت يميـن ويسـآآر
شكله يـنـطر حد ! ماأهتمت وآيد ... دخلت الصـآلـه ألا تسمع صوت آم نواف : هـآآ غـنـوووم !! وصل ؟؟؟
تقدمت بخطوآتهـآ بالخفيف وبـآنـت لهـآ أم نواف واقفه بالصاله وأول ماجافتهـآ أم نواف تفاجأت .. الظاهـر محد فيهم كان عندهـ خبر أنهـآ بتجي اليوم ,,,, آنحرجت من نفسهـآ صراحه ..
آم نواف بعد ماخـآب ظنهـآ مثل ولدهـآ قالت ببتسامه حلوه : هلا يمه ,,
راح تسلم عليها ,, باستهـآ على راسها وهي تقول : شلـونج خالتي ,,
أم نواف : الحمدالله بخير يمه ,, أنتي شلونج ..
وضحى ببتسامه مليـآنه راحه لهلـ وي السمح قالت : الحمدالله ...
آم نواف : الحمدالله ... ويـنج ماتنشـآفيـن ..؟
وضحى بأحراج خفيف : موجودهـ خالتي ... أنـآ طول الوقت مع نوره يا ع التلفونـآت يا تجي تزوني ياأزورهـآآ ,,
آم نواف بعتب : وآحنـآآ !!؟ ماتطليـن علينا ولا تسلميـن ؟ شدعوه ياحافظ ,,!
وضحى : توصلني آخباركم من نورهـ ,,,
آم نواف ماحبت تحرجهـآ فقالت لهـآ : أذا تبيـن نورهـ ترآهـآ فوق بغرفتهـآ ,, مادري شعندهـآ معتكفهـ فيـهـآ اليوم ... الظاهـر متهاوشـه مع حد من اخوآنهـآ ,,
ضحكت بالخفيف وقالت : آوكي عيل ,, عن أذنج ...
أم نواف : أذنج مـعـآج حبيبتي ..

آبتعدت عنهـآ وضحى وركبت الدري سمعت صوت باب الصاله ينفتح ويدش غـآنم اللي قـآل : مـآآ جآآآآ للحيييـن !!!
أم نواف بقلق : الله يستر ! ,, وينـه فيـه ؟؟؟..
.
.
ركبت لفوق وهي تتسائل بينهـآ وبيـن نفسهـآ عن هالشخص اللي قاعديـن ينطرونه ,, !!
من هذ اللي ماجـآ للحيـن ومخلي الكل يحاتيـه ,,
يمكن نوآآف ؟؟؟؟
" وييي ياليته مايررررررررجع ,,يفكنـآآ من شرررررهـ ع الـأقــل !! ,,, "
تذكرت آم نوآف شلون تحآتيـه وغـآنم شلون رايح راح يـجيك ع البـآب أذا وصل ولـه لا
قالت بقلبـهـآ " لا لا ,, أن شالله يرجع ... مب لسوآآد عيونه ,, بس علشـآن خالتي اللي محتررق دمهـآ عليـه ,, وغنووم اللي ينطررره على نـآآر "
مايمديهـآ تكمل كلمتهـآ

ألا نوآف طالع من دارهـ وهو يعدل غترته ويصفر
لمحهـآ وسوى روحه ماجـآفهـآ ,, فتح غرفـه ثـآنيـه ودخلهـآ ,, ماتدري غرفـة من ,,
وضحى بقلبـه " قطييييييييييييييعه تقطعك ,,, مسوي فيهـآ مايجوف يعل عيونه البببببط ...... "
توجهت لغرفـة نوره طقت البـآب وسمعتهـآ تصـآرخ من قمة راسهـآ : ريمووووووووووووه بتنذبحيـن قسماً بالله قلت لج مـآآآآآآآأأبي ألــــــــــــــــــــــعــــب مـعـآآآج اللحيـن ذلللللفيييييي ..
فتحت الباب ودخلت وهي تقول : أعصـآبج أعصاببج !! ,,
جـآفتهـآ منسدحه ع السرير بالعرض ودبدوب كبير حاطتهـ على بطنهـآ وجوالهـآ محذوف أحذآهـآ
وأول ماجافتهـآ مسكت الدبوب وحطته على ويهـآ وهي تزفرررر ....
وضحى وهي تحط جوالهـآ وسويجهـآ ومفتآح غرفتهـآ ع التسريحه : ياقليلة الذووووووووووق ,, جذي الـنـآآس يستقبلون ضيوفهم .....
نوره من تحت الدبدوب : منتي بضييييفففــه ...
وضحى وهي تفصخ شيلتهـآ وعبايتهـآ : شفييييج ياحظي !؟؟
نوره تشيل الدبدوب عن ويهـآ وتقول بتنرفز : منبطه جبدي من عمرررررررررررري ,, قمساً بالله ماعندي سـآآلفـــه .... ( ترجع تحط الدبوب على ويهـآ وتصرررررررررررخ من قلبـهـآ بصوت بـآآن لوضحى مكتووووم من قلب )
وضحى بستغرآب : وي وي وي !! حالتج صعبـه الظـآآهـر ... تحجي شفييج !؟
نوره تقعد على حيلهـآ والدبدوب بحظـنـهـآ : بذمتج وضحى أنـآآ مب سخييييفـه !! ,, والله حاسـه روحي سخيييفـه ,, آي بلا أنـآ سخيييفـه .... ( برجى ) تكفيـن تعالي سطريني كفففففف خل أأرجع للوآآقـع ..... قسماً بالله آنـآآ سخييييييييييييييييييييييييييفـه ..
وضحى وهي تقعد آحذاهـآ ع السرير : زيـن زيـن ولا تزعليـن أسخف منج ماجففففت شتبيـن بعد ...
نوره : أفففففف ,, أبي حد يسطررني كــــــــف يـعقـلـنـي ,,

مايمدهـآ تكمل جملتهـآ ألا بذآآك الكف المحترم اللي جالـهـآآآ
نوره صرخت من الألم وهي حاطه يدهـآ على خدهـآ مكان الكف : ويييييييييييييييييييييييييييعه حتى ويعععععععععععععععععه تويعج قولي آميـن ...
وضحى فطست ضحك على شكلهـآ قالت من بيـن ضحكـآتهـآ : أنتي طلبتي ,,!
نوره بصرخهـ : يالحمـآآآآآآآآآآآآآآآآآآآآآآآآآآآآره يعوووووووووووووووور !!!
ركبت فوقهـآ وكفختهـآ بالدبدوووووب وعطتهـآ كم سطـآآآررر قلب لون ويهـآآ آحمرررررررر ووضحى ماغير ميته ضحـــــــــك تحتهـآ وتحاول تحمي روحهـآآآ .. أو تدفعهـآ عنهـآآآ
لحد مافقدت الأمل ,, قالت بصرآآخ من بيـن ضحكهـآ : خـــــــــــــــــــــــــــــــــــــلــــــــآآص
نوره وهي تبتعد عنهـآ وترجع تقعد مكآآنهـآ : أخلصصصصصصصت دنيـآآج قولي آميييـن ,,
وضحى وهي تدفعهـآ بقوه : جببببب يالخايسـه ,, آهلي يبوووني ....
نوره تغطي ويهـآ وتصرخ بصوت خفيف وترجع تطالع وضحى : وضوووح والله بستخفففف ,, مادري شبـلـآآآنـي ,,
وضحى : لا صج صج شفيييج ...
نوره : لا قلت لج بتضحكيييييييييييـن علي ,, ( ترجع راسهـآ لورى وتطلق أآآآآآآآآآآآآآهـ طويلــه مليـآنه غضب وتنرفز )
وضحى : والله أذا الموضوع اللي مسويـه بعمرج جذي بسبته سخيييف وماااصصصخ ,, بتسدح من الضحك بعد ,, مب بس بضحك عليج ,,
نوره نزلت راسهـآ لحظنهـآ وأزفرررررت
وضحى بجديـه : شفيــج !
نوره : فيني سخـآفـة الدنيـآ كلـهـآ ,,,

سكتت من يديد وماعلقت وضحى ,, نطرتهـآ تكمل ...
بعد ثواني قالت : أقول لج بس ماتضحكيييـن !
وضحى حطت يدهـآ على حلجهـآ
نوره تلوي بوزهـآ بالخفيف دلالـه على آنهـآ بتبدأ بالكلام ,, بس بعدهـآ غطت ويهـآ وهي تقول : لا لا لالا !! تفششششششششل السالفـه ..
وضحى تدزهـآ : يلا عـآآد قولي ,,, ياما قلت لج سوالف تفشششششل عني ,,,
نوره تتربع ع السرير وبعد ماأفترت بجسمهـآ كلـه على وضحى وقالت : زيـن سمعي .... مممم ... " سكتت شوي بتردد ,, بعدهـآ قالت " .... رفيج نـوآف تزووج !
وضحى وعلآمة أستفـهـآم كبيره على ويـهـآ : زيـن ! وبعديـن ؟؟..
نوره تتنهد : جفته مرتيـن ,, وحسيـت روحي .. حبـ.... لا لا حسيته عجبني .... بس ...( تقطع السالفه ) لا لا لا لا لا مـآآآبي أكمل والله الموضوع يفششششششلل
وضحى بعد ماأستوعبت السالفه شقت الحلج وهي تقول بتلميح : آوه آوه آوه ,, والله وقمنـآ نحب يانويررر ....
نوره تلعب بطرف بلوزة البجـآمه وعينهـآ عليهـآ : لا شدخلل ....
وضحى تنسدح على جنبهـآ اليميـن : عيل مسويـه هالعررررس هذا كلـه ليشششش !!؟ .. آكيييد مقهوره ليش أنه تزووج ولا جـآآب لج خبر ...
نوره تطالعهـآ وتقول: لا !
وضحى : أول ماسمعتي أنه تزوج شسويتي!؟
نوره بعد صمت قصير تفكر فيـه قالت بتردد مكتسيه التفكير : مادري ,,!؟... تضايقت ... وتنرفزت وأنقهرررت وكل صفه مب حلوهـ صادتني ,,
وضحى ببساطه : جفتي ! يعني تحبينه ,,
نوره تزفر بالخفيف : بس هو تزوج خلـآص ..
وضحى : زيـن ! وتزووج ؟؟.. شصـآر يعني .... أعتبريـه حب عــآآبرر .. وبعديـن شكله هو مـآدرى عنج ..
نوره : آآي والله مادرى عني ولا عن هوىآ داري ,,,
وضحى : خلاآآص عيييل .. الله مكثر الريـآيل بالدوحه مردج بتتزوجيــن غيرهـ وبتنسيـن طوآيف أهلـه ,, وبذكرج .... ( بـلـ‘ـعـآنه ) ألا أذا مصرهـ عليـه ... ( تنقز لهـآ حواجبهـآ ) ترى الشرع حلل أربـع ..
نوره ترجع تكفخهـآ بالدبدوب : جببببببببببببببببببب !.. هذا اللي نـآآقصصص .... أخذ واحد متزووج ,, شقالوج طاايح سوقي !..
وضحى : هههههههههههـ شدرآآني عنج ,,
نوره تتنهد بالخفيف وترجع تسكت ,,
وضحى تطل بويهـآ : يـلـآآ عـآآآآآآآد ,, مالـه داعي تتنكديـن ..... ترىآ عـآآدي ,, بعد يوميـن ثـلـآث بتكتشفيـن أنه هذا كلـه مجرررد هفوهـ .. لا هو حب ولا بطيخ ..
نوره تطالعهـآ : زيـن ماقلتي لي ,,, شجآيبج ..
وضحى تتنهد : كنت جايـه أغثثثثثج ,, بس طلعتي مغثوثـه خالصـه ..
نوره بتسائل : ليش ؟ شصـآآر !!
وضحى تنسدح على ظهرهـآ : سعـيــد ,,!
نوره : شفيـه ,,
وضحى : خطبني ,,
نوره تبتسم : مبروووووك ,,
وضحى تطالعهـآ : أي مبروك !!! ,, ماصـآر شي رسمي للحيـن ,, بس كـلـآم ,, وأمي كالعادهـ عطت خالتي كلمه ,,,, وهالمرهـ قالت ماراح تسحبهـآ ,,
نوره : زيـن ليش ماتبيـن سعييد !! والله من كلامج لي عنه ,, آحسـه ميت فيج ويحبج ...
وضحى : بس أنـآ ماأحبـه ,, ولا عمري حبيته ,,, وينرفزني سـآآعـآآآت ..
نوره : مب شرط تحبينه اللحيـن ,, بعد الزوآآج يصير خير !
وضحى : وأذا ماحبيته بعد الزوآآج ,,,, راح ينتهي فينـآ المطـآآف متطلقيــن ..
نوره : وليش هالتشـآئم ..! .. تدريـن في نـآآس يتزوجون مغصوبيـن وكـآرهيـن بعض ,,, ومع الـأيـآآم يحبون بعض لدرجة مايقدرون يتخلون عن بعضهم ولو لثـآنيـه ,,
وضحى بستخـفـآف : هذا بالقصص والـأفلام ,, بس الوآقـع غييييرررر ...
نوره : بأيدنـآ نغير الوآآقـع ..
وضحى تطالعهـآ وتقول : نورهـ ,, أنتي أنسـآنه عايششه فوووق ,, هنـآآك بالخيـآآآآآل .... مب قآدره تشوفيـن الـوآقع بصورته الحقيقـه ..
نوره : أوكي ! أنـآ أنسـآنه خياليـه ,,!! بس ريلي للحيـن ع أرض الواقـع ... وأجووفـه بطريقـه متفـآئلـه ...... أنتي اللي المفروض تغيريـن نظرتج للأشيـآء حولج ,,
وضحى : بس ماأبي سـعـيد !
نوره : عطيـه فرصـه ,,!!! مابتخسريـن شي ... عندكم فترة الملجه .. أذا ماحسيتي بأي توافق أو أنسجـآم معاهـآ أتركيـه ,, وكان الله غفوراً رحيم ..
وضحى : لو وافقت راح أعطيـه آمل ,, وأنـآ ماأبيـه يبني أحـلـآم وبالـأخير أصدمه ! ... صحيح ماأحبـه وهم ماأكرهـ ,, بس ماني نذله لهدرجة علشـآآن أأجرربـه ولو ماعجبني هديته .... ( تطالع نوره ) هذا زواج مب لعبـه ..
نوره : زيــن عطيـه فرررصصصصـه ,, حرام تحكميـن عليـه وأنتي ماعطيته فرررصـه من الـأسـآآس ....! ,, ولـه تدري شلون ,, صلي الأستخـآره آحسـن !
وضحى : شكلي هذا اللي بسويـه ,,,
.