المنقولة


الصورة الرمزية درة الاحساء

♣ العضوٌﯦﮬﮧ » 213582
♣ التسِجيلٌ » Dec 2011
♣ مشَارَڪاتْي » 6,497
♣ نُقآطِيْ » درة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond reputeدرة الاحساء has a reputation beyond repute
افتراضي
نزل الصـآلـه وأول ماجـآف آمه راح لـهـآ على طول : هـآ ! بشـري ؟؟
آم سعيد اللي قـآعدهـ ترتشف كوب قهوتهـآ المعتـآده : أنت ويـنـك مختفي من الصبح ! ...
سعيد : بالمستشفـى يعني ويـن بكون .. !! ..
أم سعيد : بس أنت قايل لي آمس أنه دوآآمك ليل !
سعيد : وأذا !!!!
أم سعيد بستغرآب : سعيد يبـه آرحم عمرك شوي !!!,, عنبوو كارف روحك جذي شـلـه ..
سعيد يستعدل بقعدته : ماأشتكيـت ! ... " يتنهد وهو يطالعهـآ ببتسامه " شـصـآر ع الموضوع اللي كلمتج فيـه آمس
أم سعيد بدون نفس : والله أنـآ أجوووف لو تغض النظر عنهـآ وآآيد أحسـن,,,
سعيد : يمـه !! .. ماكان هذا كلامج آمس ,,
أم سعيد تحط الكوب ع الطاولـه وتلتفت له بأهتمام : يايبـه هذي مغروره ومحد عاجبـهـآ ,, وبـعـديـن شـلـون ترضـى على نفسك تاخذ وحدهـ ....
قاطعهـآ سعيد بحده : يمه رجـآآآآءاً !
أم سعيد : أووووف,,! أنـآ هالبنت شلتهـآ من بـآلي .... وبـعـديـن الله مكثر البنات بالعيلـه ,, مالقيت ألا وضحى ,,,,
سعيد : أنتي اللي كنتي تحلينهـآ بعيني قبل ,, واللحيـن لما تعلقت فيـهـآ تقوليـن لي غض النظر عنهـآ وجوف لك غيرهـآ !!! ,, كلامي اللي قلته لج آمس هو نفسـه ماتغير ... أذا ماخذيت وضحى مـآراح أخذ غيرهـآآ ,,
أم سعيد : ووووي ياسعييد ! بـلـآ هالحركـآت هذي ... بالله البنت أرفضتك شبتسوي ,,؟؟ بتعتكف بغرفتك وهـآتي يادمووع ..... ( تحط يدهـآ على يدهـ بحنان آمَوي ) يايبـه .. ألف بنت تتمـنـآك غيرهـآ ,, واللي مايبيك ,, لا تقط روحك علييييـه ... فـكـر بكلامي زيـن ,, وأذآ رفضتك على طول بدور لك غيرهـآ ... أنت بس أشرر وأحسـن البنـآآت يجونك لعند ريلك .....وكلهم يسوون هاللي مبهدلتك.. ماتستاهلك ياوليدي ,, صدقني ماتستـآهـلك ,,
سعيد طبطب على يد آمه بالخفيف وقام بعد مابـآس راسـهـآ .. : أسف يمه .. بس ماأبي غير وضحى ,,

ترك لـهـآ الصـآلـه وطلـع للحديقـه يشم هـوىآ ..
عـنـده آمل أنـهـآ بتوآفق وبترضـىآ فيـه ,,, حتى لو كان هالأمل 1% ,,
بس بعد بيـظـل عـآيش عليييـه ..
ودهـ يعرف شنهو الـ عيب اللي فيـه مب عـآجب وضحى ,, ومستعد يغيرهـ ....
بس لو يـعـرفه !
لو يعـرف ليشش كل هالكــرهـ !
كل هذا علشآن اللي مايتسمى رآآشــــد ,,,
زيـن هو شفيـه زووود ,,!
هو أحسـن من راشد بألف مرهـ ومن كل النـوآحي ...
مب غرور !
بس الكل يعرف هلـ شي ,,
حتى وضحى نفسـهـآآ ...
ع الـأقل هو على كثر ماحبـهـآ وعشق الترآب اللي تمشي عليـه ..
عمرهـ مافكر يسوي اللي سوآهـ رآشد !!!!
عمرهـ ماجافهـآ بالنظرهـ الدونيـه اللي راشد كان يجوفهـآ بـهـآ .....

رفع راسـه لسمـآ المليـآنه نجووم ,, وأطلق تنهيدهـ طويلـه وهو يقول بصوت هـآمس
" آآآه ياوضحى لو تعطيني فرصـه ,,,! فرصـه وحدهـ بس ...... وأنـآ أجيب لج الشمس بعزززز الليـل لو تطلبيـنـهـآآآ .. "
.
.


صـف سيـآرته داخل البيـت بعد مالمح سيـآره ثـآنيــه وآقفـه عند بـآب بيته ,,
جـآف سـآعـة يدهـ لقـآهـآ تشير لـ 7 بالليـل ...
مد يده لجوآلـه وجـآف المكـآلمـآت اللي جـآيته بالهـبـل ,,,
شكلـه خرعهم عليييـه ...
حذف جوالـه بمخبـآه وبند السيـآره وهو ينزل منهـآ ,, سكر البـآب ومشى متجهه لبـآب الصـآلـه بعد مافتح كم أزرار من عند رقبته حسهم كاتميـن على أنفـآسـه ..
فتح البـآب ودخــل ,, وسكر البـآب وراهـ ,,, تقدم كم خطوهـ لـقـىآ آم نواف اللي قامت نـآويـه تجوف من اللي دخل ,, وأول مالمحته حطت يدهـآ على صدرهـآ وأزفرت بأرتيـآآح ,, وقالت بعتب : شدعوه يافـآيز !! شدعوه !!!! ... كم مرهـ دقيـت لك أنـآآ وعيـآلك ولـآ رديت ,,, ع الـأقل قول لـنـآ أنك منت براجع الا بالليل ,, مب مخلي بـآلي يودي ويجييييب ! ... قسماً بالله خوفتني عليك
بو نواف بدون نفس : كنت مشغول شوي ,,
أم نواف : مشغول ماتعرف تتصل ,, تطمـنـآآ !!؟؟؟ ع الأقل ررررد على أتصالاتنـآآآآ ,,,
بو نواف عقد ملامحه : حنان واللي يعافيج مالي خلق حنــه ,, اللي فيني مكفيني ... بروح أرتـآآح شوي وماأبي أأأي أزعـآآآآآج ..
أم نواف وهي تلحقه : زيـن شللي فيك ,, قولي لي ,,, ريحني الله يريحك !!!
بو نواف : آووه حنآآن ! خلاصص ,, قلت لج شويت شغلل وخـلـآص ... عن أذنج ..

ركب الدري وأتجهه لدآآرهـ سكر البـآب وفصخ غترته حذفهـآ ع الكرسي وبدل ثوبـه بجلابيـة بيـت ,, راح لسرير قعد على طرفـه ومسح على ويـهـآ
مقهور ومنبطه جبدهـ من بو خلف ,,,,
خـآيف أنه يتهور وينطق ... ويبتدون الشرطه يدورون حولـه .. خاآآآصصـه هالفترهـ ماله خلق شوشرهـ ,,..
بعد أسبوعيـن بتوصل الدفـعـه اليديدهـ ,, دفـعـه راح تجيب لـه مـلـآيــن ,,أكثر من اللي عندهـ بمليون مرهـ ,, ولو نطق بو خلف ,,, راح يخرب عليــــه كل شييييييييي ,, وبـيـضـطر يوقف كل شي هالفترهـ ,,,,,

دخـلـت آم نواف الغرفـه وسكرت البـآب وهي متجهه صوبـه .. قـعـدت أحذاهـ وهي تقول : فـآيز شفيييك ! قول لي ,,
بو نواف بدون نفس : يامرهـ ,, قلت لج مافيني شي واللي يعـآفيج خليني بـحـآلي ,,, ترى مب طـآآيق نسمة الـهـوىآ ,,
تنهدت بيأس وقالت بعد ماوقفت : على راحتك ,, بخليك ليـن تهدىآ وبعديـن نتكلم ....
بو نواف وهو ينسدح ويتلحف : يصير خير !!
تغطى عدل وهو معطيهـآ ظهرهـ ,,

ماعرفت شتقول ولـه شتسوي ,,!
بـآيـن من حركته هذي أنه مايبي يكلم آحد ...
أول مرهـ بحياتهـآ تجوفـه بهلـ منظرهـ ,,
متضايق
ومتكدر
وماله خلق شي

طلـعـت من الغرفـه وهي مسكرهـ الـبـآب على آمل أنه لما يقـعد بعديـن ,, راح يقول لـهـآآ عن اللي مضايقـه هالكثر ,,
وراح يفضفض لـهـآ ,, وتشيل ولو شوي من اللي مكـدره هالكثر

.
.

الـيـوم الـتـآلي

قـآم من نومه وأشـعـت الشمس تلاطف ويـهـآ ,, قـعـد على حيلـه وجـآف السـآعه اللي تشير لـ 8 الصبح ,, ألتفت ع السرير الثاني اللي أحذاهـ مالقـآهـآ ,,
الظـآهـر قـآمت قبلـه ,,!
قام غسل ويـهـآ وتوضى وصلىآ الصبح ..
طلـع من الغرفـه على الـصـآلـه ,, لقـآهـآ متسندهـ على الكرسي وحاظنـه نفسـهـآ ,, ورآقــده
تـضـآيق شوي ليش انهـآ رقدت هنـي ,,, أقتربت منهـآ وحط يدهـ على كتفهـآ هزهـآ بالخفيف ,, فتحت عيـنـهـآ بخمول ,, وأول ماجافته تعـدلت بقعدتهـآ
زايد : شفيج راقدهـ هني ,,؟
آمنه وهي صـآده عنه : غطـت عيني ,,
زايد : قومي غسلي ويهج .. بننزل تحت نتريق وآحنا راجعيـن الفندق ..
آمنه قامت بدون ماترد عليـه دخلت الغرفـه تغسل ويـهـآ ,,

تنـهـد بالخفيف ,, آكيد زعـلآنه ,,!! بـآيـن من حركتهـآ هذي ..
جـآت عيـنـه على الـأكيـآس المحطوطه آحذى الـكرسي ,,, تذكر شكثر كانت مستانسـه آمس وهي تتسوق ,,
وجـآآ هو على آخر اليوم نـكـد عليـهـآآ ..
السبب لما يفكر فيه اللحيـن يحسـه ,, سخييف ! ومايدري على آي أسـآس ولع آآمس ,,,
زفــر بالخفيف وهو يقول بقلبه " شكلك يـآزايد غصب طيب تنكد على نفسك وعليـهـآ !! ,,( تنهد بالخفيف وهو يقول ) يلا ! مردهـآ هي بتطفش !! اللحيـن ولـه بعديـن ,,, سواء بقصد مني أو بدون قصد "

داخل بالغرفـه كانت مغرقـه ويـهـآ بالمـآي اللي تنثرهـ عليـه بقوهـ وبحرهـ
ولما خلصت طلعت ونشفـت ويـهـا ,, سحبت شيلتهـآ من على جتفهـآ ولبسـتـهـآ عدل ,,
طلعت من الغرفـه وهي تقول لزايد : خلـصـت ,,
زايد ألتفت عليـهـآ : آهـآ ! ,, أوكي ,,
طلعوا من الغرفـه بعد ماشال زايد الـكم الكيس ونزلوا يتريقون فـ مطعم الفندق
طلبوا الريوق وبعد دقـآيق وصل ,,
وآبـتـدوا يـآكلون بجو هـآدي ,,, لا هو يتكلم ولا هـي ...
اللهم هو يسترق الـنـظر لـهـآ ولتعـآبير ويـهـآ اللي بـآيـن الزعل عليـهـآ ,,,
ماحاول يـقطع هالـهـدوء .. آكتـفـى بأنـه يـآكل وهو سـآكـت ....
وبـعـد هالريوق الخفيف ,, راح سلم مـفتـآح الغرفـه للفـنـدق ,,
وطلعوا ...
خذوا لـهـم تآكسي وهالمرهـ كرر زايد أسم الفـنـدق ثـلـآث مرآت على الـسـآيق اللي طالـعـه بنظرآت أستغرآب جنه يقول بقلبه " والله العظيييييييم سمعت فكنا ! "
ومـروا على منـآظر يديده أحلى وأحلى وأحلى من اللي مروا عليهـآ آمس باللييـل ... لحد ماوصلوا فندقهم ,,
عـطآهـ فلوسه ونـزلوا ...
مـشـى مع آمنه لداخل الفندق وسيده أتجهوا لجـنـآحهم ,,
حط الأكيـآس ع الأرض طلع المفتـآح وفتح البـآب ,, وأول من دخل هي آمنه ,, اللي على طول راحت للغرفـه ,, وسكرت الـبـآب وراهـآ ,,,,,
دخل بعدهـآ زايد وهو يقول : بل ! ..
حط الأكيـآس ع الطاولـه ,, ورآح لـعـنـد بـآب الغرفـه طق بالخفيف وهو يقول : أنـآآ طالـع ,, ماني متأخرر ....

تحركت خطوآته وطلع من الجـنـآح بكبرهـ ,,
بينما هي من الداخل سمعته لكنهـآ حاولت تتجاهـل اللي قاله
كانت مجابله الكبت تطلع لهـآ ثيـآب ,,
سحبت لـهـآ بدلـه ودخلت الحمـآم تاخذ لهـآ شور يخفف الحرهـ اللي بقلبهـآ على برود هالـأدمي ,,

,
,

دقـآيق طوآآآآآآآآل قضتهـآ تحت زخـآت المـآي الدآآفي ,, وبعدهـآ طلعت ولبسـت ثـيـآبـهـآ ,,
مشـطـت شـعـرهـآ وخلته منسدل على ظهرهـآ على طولـه ... وقذلتهـآ تدآعب ويـهـآ ,, مررت الكحل بعيـنـهـآ وهي مازالت مبوزهـ بس الحرهـ اللي بقلبـهـآ خفت شوي ,,
وقلوس شفـآف أكتفت بـه على شفايفـهـآ ,,
رتبت كل شي ع التسريحه وطلعت من الغرفـه ,, قـعـدت بالـصـآلـه وأبـتـدت تفرفر بالتلفزيون بضجر سمـعـت صوت المـطـر اللي يـنـزل بـرى ,, حطت الريموت آحذاهـآ وقـآمت لصوب الدريشـه اللي ماقدرت تفتحهـآ من شدة الهـوى والمطر اللي ينزل بغـزآآرهـ ,, حطت يدهـآ على قزاز الدريشـه وهي تطالع برى ويطري ببالـهـآ زآيد اللي طلع مسـآع !!!
اللي يعيـنـه ..!!!!
تكتفـت وهي تتسند آحذى الدريشـه وتسندت راسـهـآ بخفه بعد ,, قـعـدت تطالع الجو برى ,,, لحد ما سبحت بأفـكـآرهـآ لبـعـيد ....

ماتدري كم بالضبط تمت على هالحـآل بس اللي متأكده منهـ أنـه ألتفتت وراهـآ على صوت البـآب وهو ينفتح ويتسكر بسرعه ..
جـآفـت زآيد مبلل من قلب من شـعـر راسـه لصبـع ريولـه ... ويلهث بسرعـه ! ,,وخـصـلـآت شعرهـ نـآزلـه على ويـهـآ والمـآي تآرس مـلـآمحه المتجمـده وثيـآبـه تقطـــر .. ويرجف من قـلب وبيدهـ كيس ماتدري شفيـهـآ ,,,
آبتسمت برقـه على شكله رغم أنهـآ كانت بقمة غضبـهـآ
حسـته أفتشل ,, ترك الصاله وراح للغرفـه وهو يرجف بذمه ,,,
كتمت ضحكتهـآ علشـآن لا يثور ,, مب نـآقصـه يعصب عليـهـآ مثل آمس ...
آزفرت بالخفيف لما حسـت بعمرهـآ !!
من شوي كـآنت مبوزهـ وزعلـآنه ,,, ومن جـآفته بهلـ منظر أبتسمت لا شعوريـاً !!!
صراحه شكلـه ,, يخلي الوحدهـ تضحك بأعلى صوتهـآ مب تبتسم بس !
.
.
داخل بالغرفـه حذف الكيس ع السرير وشـآل السكـآرف اللي مليـآن مـآي من رقبتـه وهو يحاول يتمالك نفسـه ومايرجف لكنه هيـهـآت ,,,
فصخ الجـآكيـت اللي تبـلل وحذفه هو والسكـآرف ع الكرسي ,, فصخ القميص وحذفـه فوق الجـآكيـت ,, طلع جوالـه وبوكه وكل شي مهم من البنطلون وحذفهم هم فوق ثيـآبـه
وسيـده دخل الحمام وفتح المـآي .. خـلـآهـ دآآآفي بدرجه فضيعه ,, ودخلت تحته ,,, وهو مازال ببنطلونه ,,,
حس بكل قطرة مـآي لامسـت راسـه وأنزلـقت على جسمه لحد صبع ريلـه ,,
غمض عيونـه براحه عجيييبـه سرت بكل مفـآصلـه ,, بسبب هالدفء ,,
فتره مب قصيره قـضـآهـآ تحت المـآي وبعدهـآ طلـع وبدل ثيـآبـه ...
كـآن يحس روحه للحيـن بردآآن ,, لكن أهون من مسـآع ....
طلع من الغرفـه وهو ماخذ مـعـآهـ الكيس مالقـى آمنه ... دورهـآ بعيـنـه جـآف باب المطبخ مفتوح ,,
تأكد أنهـآ داخل ,,
تقدم بخطوآت محسوبـه هـآديـه لـعـ،ـند المطبخ طـل براسـه لقـآهـآ تصب شي بـ كوب ... وحست بـه لآنهـآ طالعته بعيـن بـآسـمـه وصدت عـنـه ...
أستغرب أبتسامتهـآ !!
لآنهـ تركهـآ من شوي معصبـه ...!
شكلهـآ تزعل وترضـىآ بسرعه ,,

تقدم بخطوآته لحد ماصـآر واقف عندهـآ وقال : شتسويـن !؟؟
آمنه : كــوب نسكـآفيـه لك ... " تمد يدهـآ لخدهـ وليـبـهـته " شكلك ميـت برد ..
تركته متصنم مكـآنه من لمستهـآ ! ..
ألتفتت له بعد ماخلصت وبيدهـآ الكوب ومدته له ببتسامه : هـآآك أشرررب ,, بيدفييك !!
زايد وهو يتراجع خطوهـ بملامح خلاهـآ جامده : ماأأحب النسـكـآفيـه !! وماطلبـته ,,
تلاشت أبتسامتهـآ ونزلت الكوب
زايد لما جـآفهـآ تضـآيقـت قـآل : تعالي الـصـآلـه .. وجيـبيـه معـآج بشربـه وأمري لله ..
طالعته ,, لقته طالع من المطبخ... طلعت ورآهـ وقعـدت ع الكرسي بعد ماحطت الكوب ع الطاولـه ,,
حسـته متردد شوي ,,
بس بعدهـآ مد لـهـآ الكيس وهو يقول : مايحـتـآي تزعليـن كل ماصرخت عليج ,, المفروض تتحمليـن آطباعي شوي ,,,,
خذت الكيس وفتحـتهـآ لـقـت كـآميرا تصوير
سمعته يقول : شريتهـآ لج .... أقصصد لـنـآ .. علشـآن لا طلعـنـآ مرهـ ثـآنـي نصور ع الـأقل حق آمي وأبوج ..
آمنه ببتسآمه حلوه : وعلشـآن نحتفظ بذكريـآتنـآ الحلوهـ لفترهـ اطووووول ...
مارد عليها اللهم أخذ الكوب وأرتشف منه رشفـه بعدهـآ قال : نـآوي أأتصل على مكتب سيـآحي خذيت رقمه من الفندق ..عـلـشـآن نـاخذ لـنـآ مرشد سيـآحي يتم معـآنـآ .... صرآحه ماأدل مكـآن هنـي ,,,, ع الأقل مع المرشد السيـآحي مـآراح يمر يوم بدون مانقضيـه بمكان لسويسرا ,,
آمنه عجبتهـآ الفكرهـ لـكـنـهـآ قالت : فكره حلوه ,, بس تقدر تاخذ المعلومـآت اللي تبيـهـآ من الفـندق نفسـه ,, ونروح ... للمكـآن اللي نبيـه مع تآكسي ...
زايد بحده : بالله طلع السـآيق قوووطي مثل اللي قبـلـه مايدل !! ,, شنسوي ,,؟؟ يخترب اليوم كلـه علشـآنه ..... لا لا ,, مرشد سياحي أأحسـن علشـآن لو طلع السايق مايدل ولـه شي هو يتكفل بـه ... مب يروحون هالأسبوعيـن خالي بلاش ,,,
آمنه بستغراب : أسبوعيـن !!
زايد : آيـه أسبوعيـن ,, وبعدهـآ نرجع الدوحه ....
آمنه أنصدمت من هالحجي ,, كـآن على بألـهـآ انهم بيقعدون هني شـهـر كامل ! ... بس كلامه خيب كل توقـعـآتهـآ ,,
قدر يلمح زايد هالشي من ملامحهـآ قـآل : مب متـعـود آبتـعـد عن البيـت كل هالمــده ,, وأنتي تدريـن أنــه آمي مالـهـآ حد ... حتى لو يدي معاهـآ بالبيـت .. هو بنفسه محتـآج من يقوم بـه
آمنه أبتسمت بالخفيف رغم أنهـآ ماتبي ترجع بعد أسبوعيـن ,, قالت : على راحتك ,,, سو اللي يريحك ..
زايد بـآدلـهـآ الـأبتسـآمه ,,
ألتفت صوب الدريشـه وقال : طبـعـاً مع هالجو ,, ماراح نقـدر نطلـع ... ولو ماوقف المطر .. بنقضي هاليوم هـنـي
كان ودهـآ تقول لـهـآ ( مب مهم ! المهم أقضي هاليوم معاك !! ) لكنهـآ أستحت ,,,
حست أنهـآ أبتدت شوي شوي تفهم زايد ,,, رغم مزاجيته ....
حزت عصبيته ,, المفروض تسكت !
وحزت ماتشوفـه مروق ,, تتكلم ليييييـن تشبــع وماراح يقـآطعـهـآ !!!
زآيد يحبـهـآ !
بس مب عـآرف يعبر ,,
والـبـرود ,, الـظـآهـر أنه جزء من طبـعـه ,, ومب قـآعد يتصنعه !

.
.
نـهـآيـة الـبـآرت السـآبع عشر