Prt " 18"

كـآنـت قـآيمه من الـنـوم قبـلـه علىآ أنـهـآ بتقدر تعرف اليوم منهـ سبب ضيقته وعصبيته هذي اللي سببها مجهول بالنسبه لـهـآ !
قـآعده على طرف السرير بـهـدوء تـآم ,, مايختلف كثير عن الهدوء المحيط بـهـآ ..
دقايق وطلع من الحمـآم وعلى كتفه فوطه صغيره نشف فيـهـآ ويـهـآ المبلل .. وحذفـهـآ ع السرير آحذآهـآ ... وآتجهه للكبـت يطلع ثوبـه ..
ألتفتت عليـه بأهتمام وهي تقول : منت رضي تقول لي للحيـن ؟؟!
بو نوآف بتسـآئل : شقول لج ؟!
آم نوآف : سبب تأخرك .. ومزاجك المعتفس آمس ؟؟؟ ترآك من جد شغلت بـآلي عليك ...
بو نواف : ضـغـط الشـغـل شوي ,,
أم نواف : هالكلام تقولـه علشـآن تسكت واحد من عيـآلك ,, مب أنـآ ! ... آعرفك زيييــن .. وآدري بك مهمـآ كان الشغل ضـآآغط عليك .... تعرف عدل شلون تفرق بينه وبيـن بيتك ,,
طالعهـآ بو نواف وقال ببسـآطه يتصنعهـآ : وهالمره ماقدرت أفرق !
قآمت من مكآنهـآ وأتجهت لـه ,, لحد ماصـآرت مجابلته وقـآلت بأهتمام أكثر : زيـن قول لي شهلـ شـغـل هذآ ؟.. يمكن اقدر أفيييدك بشي .... ع الـأقل أشيل شوي من الحمل اللي مضايقك هالكثر
بو نواف : ومن متى أنـآ أقولج عن آمور شغلي ومشاكل الشركه ... هذي شـغـلـآت ماتفهميـن فيـهـآآ ,,
آم نواف بهدوء مغلفه القلق : قلبي مو متطمن يابونوآف ,, حـآآآسـه آنه فيك شي ,, وشي جآآيد بعد ... بس منت راضي تقول لي ,,, منت فـآآييز اللي آآعررررفـه !؟ آحسك من أمس متغيييير ,,
بو نواف أقترب منهـآ وطبع بوسـه على يـبـهـتـهـآ وهو يقول : لا تشغليـن بـآلج ,, مافيني ألا الخير ...
آم نواف تحط عيـنـهـآ بعيـنـه بتفحص : آكيد !!!
بو نواف : بكون آجذب عليج مثـلـاً ؟؟؟
آم نواف ترفع كتفهـآ : مـآدري يـآفـآيز ! ,, مـآدري ,, !؟
بو نواف بعد مامرر يده على شـعـرهـآ : لا تحـآتيـن ,, وروحي قومي عيـآلج لمدآآرسهم ...آبرك " يطالع السـآعه " صـآآرت 6 !
أم نواف أبتسمت بالخفيف وهي تقول : جفت ! ... أي مـدرسـه أو جـآمعه يوم السبت ؟؟
بو نواف ضحك بالخفيف يرقع .. بعد ماضرب يبهته علاآمه على النسيآن : نسيت ! ,, زيـن ماينسيني ضغط الشغل أسمي ,,,
آم نواف وهي مازالت عينهـآ مرتكزه بملامحه ويها : ترىآ كلش ماتعرف تمثل !!!! آآدري أنه فيك شي بس ماراح ألح عليك أكثر من جذي ... بخليك ليـن تتكلم من نفسسك ,,
بو نواف : آوكي ياذكيـه ,, ممكن اللحيـن على ماأبدل تروحيـن تجهزيـن لي الفطوور ,,!
آم نواف تنهدت بحزن خفيف لجهلهـآ بللي مضايق ريلهـآ وشريك عمرهـآ وأبو عيالهـآ : على آمرك ! ,,,

آبتـعـدت عـنـه وطلـعت من الغرفـه مسكرهـ وراهـآ البـآآب
بينمـآ هو تنفس الصعدآء أول ماطلعت ,, يدري آنهـآ كاشفته كاشفته وتدري آنه خآش عنهـآ شي !!
بس مازال مصرر أنه مايقول لـهـآآآ
لآنه اللي خااشـه ,, مايظـن رآآح يسرهـآ لو عرفته !!!!!
بــدل ثيـآآبــه ولبس غترته ...عدلهـآ جدآآم المنظرهـ ,, رش له رشتيـن عطر بدون نفس ,,, وشال عمرهـ ونزل تحت بعد ماسحب السويج معاهـ ,,

نزل الدري بخطوآآت ثـآبته واثقـه لحد مالامست ريله آرض الصاله وآتجه سيده لغرفة الطـعـآآم ,,
دش لـقـىآ الـآكل جآهز وأم نواف تحط آخر صـحـن ع الطـآولـه ,,
قـعـد وهو يقول : تسلم يدج ياأم نوآآف ,,
آم نواف وهي تقعد : الله يسلمك ,,, ( بتسائل ) ,, اليوم السبت ! ليش بتروح الشركه ؟؟
بو نواف وهو يصب لـه شـآي : يعني بقعد أعيد عليج السالفه مليون مرهـ الله يهدآآج !! ,, قـآيلج لج ضغغغط شغل وملزوم آآروح حتى لو آآجآآزه ,,, وبعديـن آنـآآ صـآآحب الشركه وملزووم آآدآآريـهـآآ آكثر من آي حد غيري,,
أم نواف : بس الموظفيـن اللي عندك مايقصرون !! ,,
بو نواف : حتى لو ! ,, بروح أأخلص شغلي وبرجع ,,, ( يطالعهـآ ) ولو تأخرت ,, لا تنطروني .....
آم نواف تنزل عينهـآ لطـآولـه وهي تمرر سبابتهـآ بطريقه دائريه بالفرآآغ اللي فيـهـآآ : يعني ماراح تتغدىآ معآنـآ اليوم بعد ؟؟
بو نواف : يمكن ,, ماقلت آكييييد ,,, بجووووف أنــآ ,, بحآآول أخلص شغلي بسررررعه وآن شالله آول من يقعد ع الغدى آنـآآ .... ( ضحك بالخفيف )
ماضحكت ولا فكرت تضحك أصـلـآ وضع ريلهـآ الغريب مضايقهـآ آكتفت بأنهـآ تبتسم أبتسامه باهته ,, وتطالعه بنظره هو فـآآهم معـنـآآهـآآ عــــدل !
.
.
بعد الفطور السريع شال عمره وطلع من البيت
ركب سيـآرته وطلعهـآ من بيـتـه ,,, وآتجهه لوجهته ! اللي آكييد ماكـآنت لـ الشركه مثل مافهم زوجته ...
طلع جوالـه وآتصل على سـعـيـد رن وآآآيييييد ليـن جالـه رد ,, قـآل بغضب خفيف : سـنـه !! ســنــه ليـن تتفرغ حظرتك وترد علي !!؟؟
سعيد : آسف عمي ,, ماأنتبـهـت ,,,,
بو نواف : زيـن آسمـع ,, أبي أاجووفك اليوم ... في جم شغله لآزم أتأكد منـهـآآآآ ,,,
سعيد : أن شالله عمي ,, بس متى ,,؟
بو نواف : راح أتصل لك أنـآآ وأعطيك خبـر ,, بس مو تطس مني وله منآآك ,, خلك بمكـآنك .... بأي وقت راح أتصل لك ورد بسرررعه مو تنقعني !
سعيد : على آآمررررك ,, بس ويــن ؟؟
بو نواف بنفـآذ صبر : ويـن يعني ,,؟؟ فبيتي !!! ,, آآكييييد هـنـآآك بمكـآنـآآ !
سعيد تفشل : لا بس ...
بو نواف يقاطعه : لا بس ولا غيره ماأبي أسمع زيـآآدة حجي ,,, كلامي وصلك ... سكر اللحيـن ,,, في شغله لآزم أسويهـآآ وبعدهـآ يمكن ادق لك ,,, خلك لآزق بالتلفوون ..
سعيد : آوكيـه ,,
سكر بويـهـآ بو نواف حتى بدون لا يقول لـه بـآآي
أو مع السلامه !
أو حتى فمآن الله ,,
وحط الجوال آحذاه ,, وهو يزفر من آعمـآق آعمـآقـه ... على هالمسؤوليـه اليديده اللي حمل روحه آيـآآهـآآ !
مسـآفـة الطريج ووصل لبيـت بو خلـف .. تنـهـد بالخفيف وهو يبندهـآ وينزل .. عدل غترته وأتجهه للجرس رن جم رنـه ,, ونطر حد يفتح ....
عفـن عند الـبـآآب ليـن فتح لـه ولد صغير يمكن بعمر ريم بنتـه آو أصغر شوي ,,
آبتسم بويـهه تلقـآئياً : شلونك !
مارد عليه آكتفىآ بأنه يطالعه ..
طرح عليه سؤال ثآني لما جافه مارد عليـه : شسمك حبيبي !؟؟؟
هم مـآرد ,, كـآن واقف ويطـآلـع بو نواف بتفحص عدل ... ممـآ أثـآآر توتر خفيف بصدرهـ مايدري شسببـه ,,
دش بالموضوع على طول لما جاف آنه الحبيب مب رآضي يجآوب : روح نآآد لي آمك ,,
وقف شوي يطالعه ,, بعدهـآ تركه وهو داش دااخل
بينما بو نواف اللي شك بعمره صراحه عدل غترته شوي وجيك على لبسه يمكن فيـه شي غلط مخلي الولد يطالعه بهلـ نظرآآت ,,
5 دقـآيق بالضبط قضـآهـآ عند البـآآب ,, لحد مـآ سمع صوت مرهـ يتسلل له من ورىآ البـآب ,,
صوت حزيـن
كسيررر
مهدود ,,
صوت مره كبيره هدهـآآ الهم والحزن
أم خلف : هـلـآ آخوي !
بو نواف : السلام عليكم آختي ,,
آم خلف : وعليكم السلام والرحمه
بو نواف بعد تردد خفيف : عظم الله آجرج ..
سكتت شوي بعدهـآ وصل له صوتهـآ الوآطي المكتض بالـآلـآم : آجرنـآ وآجرك ,,
بو نواف تنحنح بالخفيف بعدهـآ قال : آختي آنـآ جـآآي من طرف بو خلف ..
علـىآ صوتهـآ وهي تقول بغضب متشبع بحزنهـآ على عيالهـآ اللي راحوا وريلهـآ اللي أنسجن وسمعتهم اللي آنهدرت : حسسسبي الله ونعم الوكيل ,, حسبي الله ونعم الوكيل ,,, مانبي شي من طرررررفـه الله لا يحوجـنـآآ لــــه ,,,,, الله لا يووووووفقه يـآآرررب ,,الله لا يوفقه ,,,, حسبي الله ونعم الوكيل فيييييـه ,,
بو نوآف أنقبض قلبه من صوتهـآ وطريقة كلامهـآ ودعآويـهـآ اللي ماتوقفت وأنهمرت على رآسـه جنهـآ شـلـآآل ماوده يتوقف كلش ,, قال بصوت وآطي قدرت تسمعه : لا حول ولا قوة ألا بالله ... آختي لو بغيتوا شي أو آحتجتوا لأي شي لا يردكم ألا لسـآنكم ,,, آنـآ موجود من بعد بو خلف .... وأن شالله ماني مقصر معاكم بشي ( طلع من جيبه اللي عند الصدر كرت صغير ومده لـهـآ ) ,, هذآ رقمي ,,, وقت ماتحتاجون لي دقوا
طول وهو مـآد يـده وهي ماخذته .. سمعهـآ تقول : محنـآ محتآجيـن لك ,, ومشكور على الـآهتمام .... اللي خلقـنـآ ماراح ينسـآنـآآ ,,
بو نواف اللي مازال ماد يده : ونعم بالله ,, بــس ....
قاطعته : ياأخوي قلت لك شي من طرف بو خلف ماودنـآ فييييـه ,,, توكل الله يحفظك لغاليك ...
بونواف : آختي ,, آنـآ أسـآعدكم لوجه الله .. ماأبي منكم شي .... عـآدكم مثل آهلي وودي آخدمكم .. ترىآ معزتكم من معزة بو خلف
قالت وهي تنهي هالحوآر : الله مـعـآك آخوي ,, ولو جفته ... قول لـه .. آنـآ وعياله غضبـآنيـن عليه ليوم الديـن .... ومانبي منه لا خير ولا شر .. بس خل يرحمنـآ شوي ,,,, حتى وهو مسجون ملاحقنـآ ملاحق !!! ,, حسبي الله ونعم الوكيل .... حسبي الله ونعم الوكيل ... توكل .. توكل آخوي ... ومشكور وماتقصر على الـآهتمام ...

سكرت الـبـآب وهو مـآزآل واقف ,, مكـآنه
تنهد بالخفيف وهو يحط الكرت بمخبـآه وعينه على بـآب البيت القديم ...
نزل نظره للأرض وتراجع كم خطوه لسيـآرته ,, ركبـهـآ وهو يزفر من قلبه ... بينما عقله يسترجع كلام آم خلف ....
اللي صـآر لـهـآ مب شوي !
ولا هو بـهـيـن !!
الله يعيـنـهـآ على ماآبتـلـآهـآ بس !

.
.
.

بسويسرا

بما أنه الجو مايسـآعد أنهم يطلعون يتمشون .. قرروا يقضون هاليوم بالـفنـدق ..
آول ماخف المطر شوي شـآل عمرهـ زآيد ونزل تحت سألهم عن مكـآن يبيـع أفـلـآم قريب من هني .. ووصفوا لـه ... وبعد طلعت الروح قدر يحفظ المكـآن ,,
سكر الجآكيـت من جدآآم ليـن عند رقبته ,, ولبس الـكـبـوس مالـه ,, علشـآن يحمي راسه من زخـآت المطر الخفيفه اللي آكيييد بعد شوي راح ترجع غزيره مثل مسـآآع
الجو بـآآرررررد بروده تذبببح ... يحس الهوى دآآآش بعظـآآمه ..
تحركت خطوآآته وهو يمشي بيـن هالـنـآآس لحد ماوصل للمكـآن اللي وصفـه لـه ...
دخل وآبـتـدى يدور بيـن الـآفلـآم يدور فلم يشتريـه ويقعد يجوفـه مع آمنه .... بعد فتره مب طويلـه وهو يدور بيـنهم .. أشترىآ فلميـن ..
وراح يحـآسـب ...
وطلع من المحل ... ومر لـه على محل ثـآني أشتـرىآ شي ينـأكل ,,, وبعدهـآ رجع الفـنـدق .... على دخلته ألا صوت المطر برىآ يزدآآد ,, حمد ربـه آنه ماتأخر ثـآنيـه وله جآن تسبح مثل مسـآع ورجع ..
وصل للجـنـآآح فتح الـبـآب بمفتآحه ودش وهو يسكر البـآب وراهـ ,, نـآدىآ على آمنه اللي أطلعت لـه من الغرفه
قـآل لـهـآ : شريت الـأفلام ..
آبتسمت بحماس وأتجهت لـه شالت الكم كيس عنه
بينما هو فصخ الجـآكيت وحذفـه ورآه : الجو برىآ موت يذبح ...
آمنه : قايله لك بس أنت تعـآند ...
ماعلق على كلامهـآ ,, آخذ الكيس اللي بـهـآ الـآفلام وهو يقول : عـآد أن شالله يطلعون حلويـن ,,
طالعت بحمـآس غـلـآف الفلم علشآن تاخذ فكره عنـه ,, وأنصدمت لما عرفت من الغـلـآف أنه أثنينهم أفـلـآم رعب ... وهي كرههآآ أفـلـآآآآم الررررررعب ! قطعوهـآ مليون ألف قطعه ولا تجوف فلم مرعب !!
زايد طالعهـآ بشبح أبتسامه وهو يرويهـآ الـآفلام : آي واحد نجوف قبل !؟؟ هذا ولـه هذآآ ؟؟
آمنه ببتسامه غصب راسمتهـآ على ويـهـآ بعد مابلعت ريجهـآ : ممم ,, مادري ! كيفك !
زايد وهو يطالع واحد من الـآفلام : هذآ شكله حلو ,,, الثـآني نجوفه عقب .... وأذا تبيـن نجوفه عقب هذآ على طول ترىآ عـآآدي ,,
آمنه ماجـآوبته ولا علقت ,, آكتفت بتفحص الغلـآف بعيونهـآ ,,, وهي مب عـآرفه شلون تقول لـه آنـهـآ تمووووووووووووت خوف من أفـلـآم الرررعب ,,
ويمر عليهـآ يوميـن ماترقد عدل والسبب هالـآفلام !!
وشكله الحبيب متنقي آآكثر فلميـن يخرعون وساحبهم معـآآهـ ,,
طالعته وهي ودهـآ تقول لـه
مالت على الرومنسيه اللي تعرفهـآآ !!
يعني بيرآضيهـآ اللحيـن جايب لهـآ فلم رعب تجوفــه ....!
الـنـآآآس تجيب فلم كوميدي ,, مغـآمـرآآت ,, أذا كلش كلش الحبيب رومنسي بحت ,, جآآب لهـآ فلم رومنسي .... مب فلم رعب ,,!!!
حـآسته هبل !
أو قـآعد يستهبل !!!!
قطع عليهـآ أفكـآرهـآ وهو يلوح بالفلم جدآآم ويـهـآ : ويـن رحتي !!!!
آمنه تطالعه بأحراج خفيف : هـآ ! معاك معاك ... ( ببتسامه مغصوبه ) متى بنجوف الفلم ؟؟؟؟؟؟
زايد شق الحلج : اللحيـن آكيييد ,, دقايق بس أركبـه ,,,

راح يركبـه وخلىآ آمنه مخترعه بمكانهـآآ ,,, للحيـن ماأبتدىآ الفلم ولا حتى أشتغل وتحس قلبهـآ ينبض مليون بالثـآنيـه ..
حكت راسهـآ بتوتر ,, وتكتفت وهي تطالعه يركب الفلم ومتحمس الـآخ وهي شوي وتصيح مكآنهـآ !!!!
ألتفت عليهـآ وهو يقول : جـايب شــبس وعـصـآيررر .. كنت بجيب بوب كورن علشآن نعيش الجو آكثر بس مالقيت... ( يطالعهـآ بنظره بريئه ) بس عـآآدي صح !؟
آمنه بنفس الـآبتسامه : آيـه ! ,, عـآآدي ,,, عـآآدي ..

دقايق مب طول وركب الفلم ,, وسحب الريموت وراح يقعد مكآنه
وطلب منهـآ تجي تقعد ,, سحب الكيس وطلع شبسيـن ,, واحد لـه ووااحد لـهـآآ ,, ومد لـهـآ عصير من العصـآير اللي جآبـهـآآ ,,
آبـتـدىآ الفلم وآمنه ودهـآ تتعذر بأي عذر وتروح وماترجع ,, بس مستحيـه وماتعرف شتقول ....
بينما زايد متسند ع الكرسي براحه تآآمه ويطآلعه ولا على بـآلـه أنه في وحده آحذآآه بتموت من الخرعه رغم أنه الفلم بأولـه ..

بالبدآيـه كان الوضع عـآدي ,, لحد ماأبتدت الـآحدآث تحمىآ وزآآيد واصل التوب من الحمـآآس ولا ومطول ع التلفزيون بــعــد ... شكله حآآآللللللللللللللللف ماترقد اليوم ..
لحد ماطلعت أول لقطه تصرقع ودمويـه على قولتهم ,, نزلت عينهـآ بالجبس اللي بيدهـآ وهي تسمع صوت صرخآآت البـنـت .. وحتى صوت جسمهـآ وهو ينقص نصيــن ,,
كآنت ترجف من قلـــــــب ,, وتحاول تسد آذونهـآ وماتسمع بس ماكو آمل ,, لو سدت أذنهـآ بيحس زآآيد أنـهـآآ خايفـه ,,,
تمت على هالحآل ولما هدىآ الصوت وآختفىآ أرفعت عيـنـهـآ وتحسفت آنـهـآ أرفعت عيـنـهـآ ,, طلعت لقطه تصرقع آكثر وماحست بعمرهـآ ألا وهي صآرخه من الخرعه ولآزقه بزآآيد
اللي نقز نقزه مب صـآآحيه من صرختهـآآآآآ وقال بقلق ممتزج بخرعه : شفيييييييييج !!
آمنه وهي شوي وتصيييح : لـ ,,,,لا ,, مافـ...يـنـي شي ,,, خفت شوي ....
زايد وهو يرجع يطالع : معذورهـ ! أذا أنـآ يا الريآل خفت ,,,
آمنه تمت تطالع هالبـآرد اللي آحذآآهـآآ ,, وهي ودهـآ تبوس ريله علشـآن يبند الفلم بس شكله مب نـآآوي يسويـهـآ !

سمت بقلبـهـآ ورجعت تطالع وكل ماحست آنه بعد هالمشهد لقطه تصرقع نزلت عينه بالجبس ,,, وسـآعـآآت ودهـآ تنخش داااخل كيس الجببس من الخرعه
تمت على هالحال لحد ماطلعت لقطه تصرقع آكثر بمليون مرهـ من قبل .... عـآآد هالمرهـ ماصرخت وبس !! ألا تعلقت بذرآآع زآآيد وأنخشششت ورآه وهي تصييييييييييح من الخرعه ,,,
زايد أخترع من قلب هالمرهـ ووقف الفلم وهو يلتفت عليهـآ : آآمــنــه !!!! آآمنننه شفيييييج ؟؟
آمنه تطالعه بعد ماأنفجرت من الخوف صرخت فيه وهي تقول : شفيني يعني شفيييييينيييييي !!!!!! مشغل لي فلم رعب ,,, شتبيني أسوي أأضحك مثلـاً
زايد بغآ يضحك على شكلهـآ لكنه سألها : زيـن أذا مب عـآجبج الفلم آغيرهـ عـآآدي ,,!!
آمنه : من زيـن الفلم الثـآآني يعنييييييييييي ,,, شيفرق عن ذي ,,, أثنينهم ررررعب ,,, ( غطت ويهـآ وتمت تصييح من قلب )
وزايد مستغرب !
كل هذآ علشـآن فلم مرعب ,,!
هو صحيح يخررررع وآآيد ,,
بس مب لدرجة أنهـآ تصييح ,,
جآفهـآ تصيح من قلب مع أنه المفروض يكون مرتب هالقعدهـ علشآآن يراضـيهـآآ مب يصرقعهـآآ ويصيحهـآآ !!!!

الظـآهـر أنه بأمور المرآآضـآآه قووووطي من قلب

حظـنـهـآآ بعد تردد وهو يطبطب على ظهرهـآ ومبتسم آبتسآمه عرييييضضضضضه على منظرهـآآ : خلـآآآص خـلـآآص ,, ببندهـ اللحيييييـن !!
زاآدت بالصيآآح وهي بصدرهـ ,, وبعد دقايق طوآل تركته بعد ماسوت بقـعـه كحل شكبرهـآ على قميصـه من عند الصدر ,,
مسحت دموعهـآ بيدهـآ وهي منحرجه موت من نفسـهـآآآ
من الخرعه أنفجررررت صيـآآآآآآآآآآآآآح ولا آهتمت ,,,, لا حيـآآ ولا غيرهـ ...
جـآفته يطالعهـآ بوي مبتسم ومسح دموعهـآ وهو يقول : شدعوهـ !! لهدرجة الفلم يخرع ,,
آمنه : آيه شعليك ! أبتسسسسسم ,, مب أنت اللي مب جآآيك نوووم اليــووووم ,,,,
ضحك بالخفيف بويـهـآ ,, خلـآص ماقدر يمسك عمرهـ شكلهـآآ وهي تصآآرخ مسآآع وتصييييح يفطس ضحك ,,,
اللي يجوفهـآآ يقول حد طـآآقـهـآآآ طق سنه بيوم ,,,
وهو كله على بعضه فللللم !!
بادلته آمنه الآبتسامه وهي منحرجه من نفسـهـآآآ !! وضحكت بالخفيف من بين دموعهـآ لما جآفته يضحك ,,
رجع حظنهـآ من يديد وهو يتأسف ,,,
وهـي ماغير تحاول توقف نبض قلبـهـآآ المتسـآرع بسبب الفلم اللي دمر كل خليه بجسمهـآ من الخرعه ,,
وبسبب قربهـآ لـآول مرهـ هالكثر من زآآييييد ...
.
.
.

الدوحه

بيت وضحى

بـعد مابلغتهـآ آمس بخبر خطوبة سعيد لـهـا كلامياً ,, جآتهـآ من سـآعتيـن لدآرهـآ وعطتهـآ خبر آنه خالتهـآ راح تجي علشآن يتفاهمون بالموضوع جدآمها قبل لا يصير آي شي رسمي .... مانـآحسـت ولا حآولت تعـآند كـعآدتهـآ ,, لآنهـآ أستـخآرت آمس واليوم حآسـه براحهه تجآهه ,, رغم أنهـآ رافضه ترتبط بـه ... من شوي عطتهـآ آمهـآ خبر آنهم وصلوا عن طريق مآيآ وطلبت منهـا تنزل ,,,,
بعد تردد طويل ... طلعت من غرفتهـآ بكآمل أنآقتهآ ....
دخلت الـصـآلـه لقتهم قـآعديـن ,, سلمت على خالتهـآ وهي متنرفزهـ من نظرآتهـآ بيـنـهـآ وبيـن نفسـهـآ وقعدت على أقرب كرسي ,,, مكآنه منآسب
آم وضحى ببتسامتهـآ العريضه اللي شـآقه ويهـآ من هالآذن لهلـ الآذن قالت : وكاهي عروستنـآ وصلت .. ( تطالعهـآ وترجع تطالع آم سعيد ) ودامهـآ أنزلت يعني موافقـه ....
أم سعيد بهمس مب مسموع : يحصل لها ترفض أصلاً !!,,
عرفت وضحى من همسها آنهـآ قالت شي مايسر فنطقت بأسلوبهـآ المعتاد : أنـآ موافقه على قولت آمي ... بس عندي شرط ..
آم سعيد : وشنهي شروطج أن شالله ؟؟ .. بيت وبيحط لج بيت ... سيـآره وبيخليج تسوقيـن ... ولو تبيـن دريول بيجيب لج ..... خدامه ,,؟؟ بيجيب لج بدل الوحده ثـلـآث !!! شتبيـن آكثر ...؟؟
وضحى : مايهمني كل هذآ ,, وآدري أنه ماراح يقصر .... كل اللي أبيـه أني آكمل دراستي .. والعرس يتآجل لبعد تخرجي ,,
آم سعيد بصدمه : نـــعــــم !
وضحى تطالعهـآ بتعجرف خفيف وهي تعيد كلامهـآ : العرس بعد ماأتخرج .. وأذا تبون ملجه آوكيه !!
آم سعيد : مو كفـآيه معلقته كل هالسنيـن ,, تبيـنـه ينطرج بعد 4 مادري 5 سنيـن بعد ....!
وضحى : هذآ شرطي الوحييد .. وأذا رضيتوا فييـه ,, أنآآآ موافقـه ...
آم وضحى : ماعليج منهـآ يا أوخيتي ,,, دراستهـآ تقدر تكملهـآآ بعد الزوآآج مافيهـآ شي
وضحى بحده : يمه رجاءاً ,, دراستي آهم ..... وبعديـن هذآهي خالتي قالتهـآ بنفسهـآ ... نطرني كل هالسنيـن .. متعيزز ينطر كم سنه ..
آم سعيد طالعتهـآ بحقد مكبوت وهي تقول : أبي أعرف على شنو جآآيفه روحج عليييييــه ..!!! على شنوو ؟؟
وضحى : مب جايفه روحي على حد ,, والملجه لو تبون نسويهـآ بآجر .. ماعندي أعترآآآض !! بس العرس بعد ماأتخرج ... ماأبي أشغل عمري بريل وبيـت ,,, الزوآآآج مسؤوليـه مب لعب يـهـآآل ... وأنآ أبي اتفرغ لمستقبلي ... آظمـنـه بعدهـآ يصير خيرررر .. محد ضـآمن شبيصير بعد كم سنه .... !
أم سعيد طالعتهـآ بنظره مقهورهـ ,, ودهـآ تعرف على شنو مغروره هالكثر ,,,!!!!!!!!!!

وبـعـد محاورآت تنتهي لصـآلح وضحىآ ,, أستأذنت آم سعيد على آنـهـآ بتروح بما أنه سعيد موجود برىآ ,,,,
طلعت لـه وهي معصبـه ,, ومن ملامحها عرف أنـهـآآ نـهـآئياً مب عاجبتهـآ سالفـة زواجه من وضحىآ
ركبت آحذآه وسكرت البآب بقوه : حرك ,, حرررررك !... رفعت لي الضغغغغغط ...
سعيد وهو يطلع سيآرته برىآ بيت خالته : ليش ؟ شصـآآر !
أم سعيد تقلد طريقة كلام وضحى : قالت شنو ...! قالت آآبي أكمل درآآستي والعرس بعده ,,, ( تتكلم بنبرة صوتهـآ الطبيعيـه ) ماحلت لهـآ الدرآسـه ألا لما قلت آنك تبيـهـآآ ... هالـآدميـه فيـهـآآ كميـة نذآآلـه ماشفت مثلهـآ بحيآتي ..
سعيد وهو يطالع جدامه بتفكير : تكمل دراستهـآ !!
أم سعيد وهي تضرب كف بكف : جفت شلووون ! ,, تبي تنطرك وضييييييح ثلاث سنيـن مادري آرررربع .... وبعدهـآآ تتزوجهـآآ .. شنووو ؟؟ مذلـه هي ,,,؟؟؟؟ قطع ! عبالهآ ماكو بنآت بالدوحه غيرهـآآآ ..... ماتدري آنك بأشآره وحده اللي يسوونـهـآآ يجونك ...
سعيد ببساطه : زيـن ! خل تكمل دراستهـآآ من حقـهـآآ !!؟... بس آهم شي آملج عليـهـآآ وأأظمـن أنـهـآآ خلـآص صـآرت لي ...
أم سعيد بدون خلق : وووووووووووووويه واللي يعافييك ,, صـآرت لك .... ! .. هذي بتطفرك .. وبتهدهـآآآ قبل العرس بعد ..... وهذآ ويهي
سعيد : ماراح أهدهـآآ ! ,, وبعديـن يمه وضحى معذورهـ .. من حقهـآ تكمل دراستهـآآ وتظمن شـهـآدتهـآآ ومستقبلـهـآآآ .... ويمكن ودهـآ تاخذ هالفتره الطويلـه هذي علشآن تتعرف علي أكثر وأكثر
آم سعيد وهي صآده عنه صوب الدريشـه : أنـآآ أبوك ماجفته ولا جآآفني ,,, حتى صوته ماسمعته .... وهذآآنـآآ عايشيـن بأحسـن مايكون ,, لا أحتجنـآ نتعرف على بعض ولا غيرهـ .... سوالفكم أنتوا ياعيال هالـآيام مالهـآ حلـآه ولا طعم ...
سعيد : أنتوا غير وأحنآ غير
ام سعيد : لا محـنـآآ غير !! ولا حتى أنتوا غير ,,, ليش بالله عندنـآآ ريل زيـآآده !! ولـه يد آزيـآآده ,,, حالـنـآآ من حالكم ,, بس أنتوا تحبون تمصخوون السالفه وتطولونهـآآ ع الفـآضي ...
سعيد بعد ماضحك بالخفيف على أسلوب آمه : ياحليلج يايمه ,, تصدقيـن وأنتي معصبـه تيـننيـن ,,
أم سعيد : أيـننن ! ألا متيننه ... هالوضيييح طيرت آخر فيوووز بقـىآ براسسسي ! .. ( تزفر بأستسلام ) مااقول ألا الشكوىآ لله ... دامك تبيهـآ ومصر عليـهـآآ مالي ألا أرضىآ بالواقع ,, وآنطم
سعيد ببتسامه حلوه : محشومه يالغاليـه ,,
آم سعيد : آي هيـن غاليه ! باجر لا صـآرت وضيح مرتك ,, بتنسىآ سنيـنـي
سعيد : آفـآآ ! أنآآ أسويـهـآآ ,,
أم سعيد : سوّّّّوهـآ وآآيد قبلك ,, جآت عليك يعني ,,,
سعيد : شدعوه يمه !؟؟؟؟ مهما حبيتهـآآ وعزيتهـآآ ,, تبقيـن أنتي الـآغـلـى
أم سعيد ماعلقت عليـه تنهدت بصوت مسموع وهي تطالع من الدريشـه ,,

.
.
.