أواه يا قلبٍ نسى حب مغليه
،،، خان الدروب و باح سره و هجرني

الغايب اللي بكل ليله أطرّيه
،،، بأحلام نومي يجيني امتعني

حلمي اللي عن الناس مخفيه
،،، أحس ضحكاته لغيري تجنّي

أشتاق لأنفاسه وأقول أبغيه
،،، وأكذّب إحساسي بقول يمتحني

نعم أحبه و ما زلت أراعيه
،،، لو كنت ببعاده كسير وما جبرني

يشتاق له نبضٍ سكن في محانيه
،،، وأكبر دليل إنه في بعده كسرني

أنا علمته كل ما يزعل أراضيه
،،، ولكنه أبطى بالزعل لين ما تركني

يا وحشة الفرقا طمنيني عليه
،،، قولي إنه ما نساني و خذلني

ولا تزيدي علي لومك والمشاريه
،،، أخطيت يمكن ولكنه ما عذرني