‎ياربعي ياللي بحولي تمرون
‎ماشفتوا خلّي حول البقاله..

‎قولولها مازلت قيسها المجنون
‎من شافها.... يوصّل له الــرساله

‎بيتها في نص شارع ابن خلدون
‎قديم متهالك كن عليه الازاله

‎ويسكنه خشف ارْيَـش ومزيون
‎منور العمارة من شدّة جماله

‎شاميه... متبلوره من غصن زيتون
‎طبيعية في حلاها مع دلاله

‎ماقد تمكيجت ولا راحت لصالون
‎سبحان ربي زينٍ عطاله

‎خبروها ان حبي لها باقي ومضمون
‎جِـنّـه اليوم طالع من الوكاله

‎حبها كالجاذبية صار قانون
‎ماينتهي ولا تقبل له استقاله