منتديات مسك الغلا | al2la.com - عرض مشاركة واحدة

**السهم الأخير** · 04-06-17, 12:59 PM

السلام عليكم

أخي الكريم

دخولك لمستشفى نفسي لا يمنع المؤسسات من توظيفك طالما أنت قادر تروح لنفس المستشفى تأخذ من عندهم تقرير بأنك مؤهل للعمل وهذا الوضع حصل مع ولد عمي كان شغال فالميناء وطاحت حاوية على الشاحنة اللي هو يسوقها وتسببت هالحادثة في زيادة شحنات الكهرباء في رأسه بسبب ارتطام رأسه بشي صلب داخل الشاحنة .

أنا شخصيا رحت معه قسم الأمراض النفسية وطلب مني الدكتور المصري أكون مرافق لمدة ثلاث أيام في قسم الامراض العقلية و كان كل يوم يجي يفحصنا كلنا عشان ما يحرج ولد عمي وبعد ثلاث أيام قلت له هاه ؟

قال: يبني أنت المجنون وإبن عمك ميه ميه

بعد التقرير رجع للوظيفة وعوضوه على اصابة العمل ولكنه طلب تقاعد مبكر وعطوه والحين يستعمل حبوب منع الشحنات ويستلم راتبه التقاعدي ونحن وهم جيران يعني مل من وجهي ومليت منه .

أنت طالما عندك عينين و تمشي وتقدر تنام وتاكل تأكد أنك أحسن من نص سكان العالم .

مشكلتك ماهي نفسيه . أنت لو عندك هدف من الراتب راح تحافظ عليه .

يعني لو قدامك بنت الحلال تقولك كم صار معك راح تجمع فلوسك أما طالما عزابي وماخذها حبتين ما تفرق معك الانتقالات الشتوية

رفرف فوق وخلك ذيب إذا أنت ما تقدر تصبر ارحم بنت الحلال اللي راح تتزوجها في المستقبل بإذن الله ونصيبها معلق فيك وأنت ما تدري وخل هدفك الزواج وراح تضم ريال فوق ريال .

الله يسعدك