الفاضله / سام
وعليكم السلام ورحمة الله وبركاته
طبيعي ترا مره قليل اللي مايتوجعو يعني ينعدو عد
فحاولي تغيري من اكلك
يعني شيء ممكن قبل موعدها باسبوع اول مابتبتدي تذكرك بالمغص
تصحي ع الريق ثلاث الى سبع حبات تمر يومياً
وتكثري شرب ماء
تبعدي عن الايسكريمات وبرضو الاشياء البارده
تعرفي القهوه القشر تخفف الالم بس شرط تشربيها دافيه في بنات يحطو معها (( المُر )) يعني في فنجان القهوه
ماجربت المر انا ما اعرف طعموو بس والله اغلب صحباتي يقولو مزين لمغصها ويمدحونه كثير
فترتها موتي مافي حل ثاني
يعني نامي ادخلي بسبات اذا تقدري واشربي اي حبوب تحسي انها ممكن تخفف الالم
فولتارين اذا ممكن او اي نوع تحسيه يفيدك وماتكثري منها خليها من الشهر للشهر
حطي كماده دافيه ع بطنك وتحت ظهرك بعد
بس اتوقع اذا جربتي التمر والقشر بيفيدك فعلاً اوقات كثير يخفف الالم
الله يعينك يارب ترا في بنات يروحو المستشفى قبل وكمان بعد يعني حلول الدنيا كلها ماتفيدهم
فلا تبحثي عن حل وتحطي ببالك انك الوحيده تتمغص بهذه الطريقة
حطي ببالك انها من مصائب الارض اللي لابد منها وباذن الله مأجوره عليها
تقبل ردي وعبق وردي مع خالص احترامي لسموك
آسيرة حرف