مسكين ياللي ما لقى له ...... معازيب
مهما يتردد للوطن من ........... غلاته
مسكين يا ذيب فقد فزعة ..... الذيب
حتى الوطن يقسي علي ....... وبناته
اجي واجروح الروح تنزف معاطيب
وارجع بقلب زاد منهم ......... شتاته
وين الحنون ووين من يهدي الطيب
ويرحم قنيب الذيب ويرحم .. لهاته
يا ما شكينا واشتكينا ..... الرعابيب
اللي اسهرني وغروهم في ... سباته
والله يا لولا غربتي ..... والتجاريب
مبطي نعيت الحب واعلن .... وفاته
حب ما ينفع صاحبه يجلب الشيب
يركض وراء السراب ويرخص حياته
نبي انتسلى بحرفنا ...... والمكاتيب
لين الولي يفرج همومي ....... بذاته
يالله يالمعبود يا عالم ......... الغيب
هات الفرج يا رب يا رب ........ هاته
القارظ العنزي