التذكرة و السفر و الحقيبة و المطار
هالأربعة ما تكفي تنسيني الجروح
تستلهم الذاكرة خيالات و أفكار
وتصدأ بقايا حروف ساكنة بالبوح
بقت صورتك اللي خانت الإيطار
نزلت مع دمعي و إسكنت بالروح
أنت ذكراك تشعل داخلي نار
وصار القلب هيلٍ بجمرك يفوح
أحاول أدله و صب الدمع مدرار
وشلون أسج و منك مامن نزوح
لك في خفوقي حق مثل الجار
يعني عن ذكرياتك وين أروح
مدامك ناوي الفرقا لا تخلق الاعذار
روّح فمان الله والباب مفتوح !