البارحة والليل وشلة ....... شياطين
قمنا على ذرب القوافي ......... نشله
جوني ودحوا دحة تطرب ..... العين
تشفي غليل اللي وقع له ......... بعلة
من هرجة الخايب احس .. بسكاكين
احسها وسط الحنايا ............. تخله
والا كما سيف شطير .......... بحدين
السيف ابو حدين يذبح ......... بسله
يا قافي يا قاف الشقى هب هالحين
عجل علينا لا تجي ............ بالمذلة
سر يا قلم واكتب من القاف .. بيتين
للي رمى شين الحروف ...... بسجله
قله ترى معه من الوقت ...... يومين
اما يجي والا نجي له ............ وقله
قله ترى القارظ لو اصله من .. الطين
نار تلظى بالعدو ثم ............... تمله
والله لو ربي ما نزل ........ لنا الدين
عبدت انا المبدأ بدقه ........... وجله
اركع له واسجد له واكبر له ... اثنين
الهي اللي بالمراجل .............. نجله
والا مثلك نوعك يمر ....... الكثيرين
ما قالوا الاجواد كنا .............. بظله
القارظ العنزي