السلام عليكم .
حابة استشيركم بشئ شايله همه مرة . انا انخطبت قريب ماشاء الله ولسى ماحللنا وشايله هم التحليل مرة هوو( مايقرب لي) . وقبل كدا عمل تحليلين زواج وطلع سليم بس ماللله كتب له تتم هالزواجه . انا مااعاني من اعراض ابدا واهلي كمان واعمامي وعماتي متزوجين ومخلفين وكلهم تمام . بس اخاف انو يكون في اعراض ماتظهر الا بالتحليل . بس ابغاكم تطمنوني كيف اطمن نفسي . عارفه كل شى بيد ربنا ومتوكله علية .بس دي سنة الحياة واي بنت تتمنى الزواج والاستقرار .في احد تعرفوة عمل تحليل وطلع مو مطابق رغم انه سليم قدامكم ومو باين فيه حاجه. اش االاشاء الي ممكن تطمني غير صلة القرابة لاني تعبت من التفكير وارهقني حيل . ابوي عندة سكر . بس الي اعرفه ماله علاقة . وقريت كثير وشفت بس برضو قلقانه وانا عندي فقر دم . الله يرضى عنكم ردو علي 😔😭😭