مرحباااااااا ....،

كبدايه مع الاسف الشديد ..... ،
اسباب كثيره و اشياء كبيره يفتقدها الجيل الحالي ،
لكن الحمدلله فيه طرق تحاول تحل ها المعوق .. علما ان
الايد الوحده ما تقدر تسوي شي !!!

احيانا التطور لي يستوي من ناحيه التكنلوجيا
و التعليم العالي و خارج الدوله و و و و هو السبب

سابقاً ... : وزاره التربيه و التعليم .... كنا نشوف
المدرسه .... تعطينا التربيه و تعلمنا الاخلاص ... وتوجهنا
بين الصح و الغلط ... تعاقبنا اذ احتاج الامر ... كانت
التربيه قبل التعليم

الآن ....: مع الاسف الشديد ... تركيزهم كل التركيز علي المناهج
و المعلومات الغيره .. البحوث و التقارير ... 24 ساعه
الطالب يقرا و يحل واجباته المدرسيه ..


سابقا...: اول ما تدخل المعلمه الصف ... نحس انها
هييييبه ، نوقف لها و نحيها بصوت عالي ... او اذ ما حلينا
الواجب او ما حضرنا للدرس الجديد .. لنا عقابنا ..
و قبل كل شي ... فينا حياه و مستحي .. و ما نعلي صوتها
عليها حتي لو كانت هي غلط ... نقدر نتناقش معاها ..

الآن ...: صاروا الطلاب هم المسيطرين بمعني ثاني عندهم السلطه
اذ يبون للمعلمه تستقيل او تنطرد ..، عندهم مفهوم ان هم
الاقوى لان وراهم اب و ام ... مفهون ان المعلمه
تشتغل لهم فقط لا غير و نتيجه هذا تسمع صوت الطالبه اعلي
من صوت المعلمه !

سابقاً : .... ممنوع المكياج ( كحل + روج ) حتي لو خفيف ... ممنوع الاضافر
الطويله ... الحجاب نوعيه وحده ولون واحد .. مع الثوب ... ممنوع الشيله ... ،
تأخير عن الحصه ممنوع ... لازم بسبب ... يعاقبون اذ البنت نست كتابها او الواجب

الآن : .... هناك وقاحه في ذلك ، لتتجرأ الفتاه أن تقارن المعلمه بها !!

سابقاً ....: الدرس المعلمه تراجعه لنا مرتين او ثلاث ... عشان بس يتركز في عقلنا
و نفهمه.. و اذ ما فهمنا نروح لها

الآن .....: اذ اصلا فيه درس ... المعلمه تقول لوحده من الطالبات
تقري الصفحه المعينه ... و انتهي الدرس !!! ، و تعطيهم الواجب
و يالله روحوا البيت و راجعوا لي خذناه و اذ ما فهمتوا كيفكم !!!


سابقاً ...: فصلين + امتحان نص السنه و آخر السنه الكتاب كله و
تقرير او بحث في كل نص سنه ... و انشطه صفيه ولا صفيه يمكن
لكل تقويم

الآن ... : 3 فصول ... كل فصل وكل تقويم فيه لازم تقوير او بحث لكل المواد ..
+ غير الامتحانات اذ حسبناها بنقول كل اسبوعين امتحان تقويم و كل شهرين
او ثلاث شهور امتحان فصل ... و بالنهايه يطالبوا بطلاب اذكيه و مترفهين !!!


سابقاً.... : كانت المدرسه تعطينا و تزيدنا و تربينا تنمي لنا
الاخلاق و الخصال الطيبه بعد الاهل و الاسره .... كنا نتربا
اكثر من انا نتعلم

الآن .....: يتمنون الكثير منهم عدم وجود المدرسه من الاساس !!!

سابقاً ....: كانوا الاب و الام نسبه كبيره يبوا عيالهم يتعلموا
احسن عنهم .. و يبوهم يطلعوا بشهادات كبيره ترفع راسهم
و تحسهم بيقولوا بخاطرهم ... هذا لي كنت اباه لي

الآن ....: بطريقه غير مباشره صاروا الاب والام يحرضوا الابناء
علي كره المدرسه ... بسبب الضغوطات اياً كانت ...، عدم الاهتمام
عدم مراقبتهم ... عدم ممارسه الهوايات المحببه لهم .. المشاركه ،
مفهوم الصح و الغلط


سابقا....: كان جيلنا وقت العصر ... يطلعون الشارع و يلعبون كوره
و اعمارنا تحت 10 سنوات ... بنات و شباب ... ، اذكر نتجمع بين فترات
و نلف بالمنطقه ندور او نجمع اشياء نلعب فيها ... نروح للبقاله بروحنا

الآن ...: اذ الولد لي عمره 7 سنوات وصل لباب البيت ..
تسمع صوت الام و يرجع الولد مكسور الخاطر ، و السبب
ان الاهل يخافون علي عيالهم .... !!!

كل جيل يختلف عن الجيل لي سبقه .. و حتي الجيل لي بعده
و اشوف السبب متمحور بـ البيئة لي تربي بها الطالب ...

الاسره + المدرسه + الاهتمام + التربيه + تعليم الصح و الغلط
.... وهكذا


و السموحه علي الاطاله
لانه موضوع مناقشه لازم نهتم فيه اهتمام شديد
عشان نتجنب الانحدار لي وصلت له الاجيال الحاليه
لانهم بالاساس مستقبل الوطن لي نحن عايشين فيه
و عيالنا لي نحب لهم كل خير و صحه و عافيه

و بالتوفيق