منتديات مسك الغلا | al2la.com - عرض مشاركة واحدة

**السهم الأخير** · 09-07-17, 10:34 AM

أحب أضيف أنا مره حاولت أسوي حركة الإقتصاد في اللبس وطلع معي التالي:

الدشداشة = 5 ريال
عمامه ساده عادية بنفس لون الدشداشة = ريالين
حذاء شكله لا بأس ويمشي الحال = ريالين ونصف .
وزار أبيض وفانيلة داخلية بيضاء = ريال ونصف + نصف ريال .

المجموع صار عندي دشداشة وعمامه وأحذيه وملابس داخليه بقيمة 11 ريال ونصف

11 ريال عماني يعني =110 سعودي أو أقل شوي بس لا ساعه ولا خاتم ولا شي وصعب جدا أجيبهم ب 10 ريال إلا إذا خبرت الهندي بقصة حياتي كلها

بصراحة مذهلة الأخت مطر الفجر . أخواتي لو أعطيهن فلوس وأقولهن كل وحده لها 10 ريال يعني 100 سعودي،

والله أعتقد كل وحده راح تجيب لي فاتورة أقل شي 400 سعودي وفي الأخير يقهرونك بالعبارة الشهيرة

هاه وش سويتوا خلصتوا؟

والله ما حصلنا شي نشتريه .

وديتكن السوق سياحة أنا يا الجروب السياحي يالوفد القبرصي ؟

يقهرونك ياخي كيف ما حصلتوا شي تشترونه؟ طيب وين الفلوس؟

آخر شي كل وحده تطلع من الكيس خاتم أو ساعه لو معي كوب ماي بحطها فحلقي وابلعها

سبحان الله الموضوع عطاني متنفس أفضفض