09-11-17, 07:32 AM
|
#19 |
| اترك أثر طيب | | | | | | | | | | | | | | | | | | | | | | | | | | | | | | | 
https://youtu.be/X3DKhTiBblI
السلام عليكم أختي الكريمة
شوفي هالأم الهندية كيف مصره تتجاهل دموع بنتها وصراخها من أجل تخليها صاحبة شأن في المستقبل.
مو كل ما بكى الطفل نقول له : خلاص حبيبي.
إذا ما تبغى تسمع كلامك جيبي لها الخيزران نحن لما كنا صغار والله لو تبكي دم وأنت غلطان إنك تنجلد لين ترسخ التربية فرأسك.
أذكر أمي الله يحفظها لما دخنت سيجارة وكان عمري 6 سنوات مسكتني وسمعتني بكح .
قالت تدخن؟ قلت لا .
شلتني وكانت مسويه شاي ع الحطب ونحن أهل ريف .
قالت بحرقك بالنار والمسا أخليك تنام برا البيت عشان يجي الثعلب ياكلك .
وأبكي لين أغير نغمة حلقي من كثر ما بح صوتي.
لما سألتها يماه والله كنتي بتحرقيني بالنار ذاك اليوم وترميني للثعلب؟
قالت : السيجاره تحرقك من داخل أما الثعلب ما ياكل الأوادم .
أهم شي من عمري 6 سنوات لما أشوف حد يدخن أتذكر أمي الله يحفظها .
لازم وقفة حزم لأن بكره لو ضريناهم عشان نبغى راحتهم ما راح نستفيد إلا الندم.
ويا أختي ورا النت شباب وبنات ما يراعون مشاعر الناس ويسبونك لو تقول السلام عليكم .
انتي بدل ما تخليها تكتسب طباع من مصادر أخرى .ليش ما تثقي بنفسك وتعلميها طباعك.
إنتي من أسلوبك مبين إنك وسيعة بال وفيكي حنان . استغلي هالبابين والله يوفقك ترا ذي فلذة كبدك بكره تقولك أبغى أكون في القمر وكل يومين مزاج جديد .
قوليلها شو رأيك تعتبريني جمهور وانتي تكلمي قدامنا وألا نتحدا أنا وانتي لعبة معينة مثل لعبة الحروف أو تكملة الآذان أو تكملة الآية الكريمة أو حديث أو بيت شعري أو نشيد ديني .
أهم شي لا تعوديها على المزاج وعلى كيفها ترا بكره لو تزعل تقول انتي ما تحبيني.
أنا كنت هذاك اليوم أظن أن أمي تحب الثعلب أكثر مني لأنها كانت تذكرني بالموقف وتضحك لما كنت أقولها أسنانه كبيره؟ (عندنا مثل يقول إذا صرت مذبوح رحب ) (يعني دامك مقتول قول هلا وسهلا لعاد تعاند هههههه)
الله يوفقك شدي معها شوي ولما هي تشد رخي وكذا حتى يستقيم الطبع
|
|
|
|