على كثر ما أنوي الفرقا أعزم للرجوع
كثر ما خانتني مقاديري وما اكتمل بدري
على كثر ما خانت عيوني غزير دموع
كثر ما ضاقت الأنفاس و إنقبض صدري
حبيبي كانها الفرقا ترى هالقلب مفجوع
ولكن ما أبين لك حتى يبتسم فجري
تذكر ضحكة شفاتي و ضمة تدك ضلوع
تذكر لمسة إيديني و صوت بداخلك يسري
ضويت لك أيامك لين ساحت الشموع
و نزلت على شانك دمعة مسحتها بشِعرِي
خلاص إرحل إذا ودك وخل الألم مزروع
بريضان المحاني و الساقي هو عمري
ألم الجرح من بعدك و يجيني جرحك المتبوع
أحاول أجبره كسري و تتمادى في كسري
أنا ما خنتك ولا أفكر أمثل بدوري المخدوع
أنا غلطان يوم إني عطيتك شمسي و بدري