كــان اعتقادي بالبشر مثل الاشجار
لــو كــان تسقى بالمياه الـغـزيـــرة

تـروي عـطشها ثـم تنبت بــالأزهـار
وعطي انـا مـن خيرها كــل ديـــره

يا ما عطيت اصحاب بالجود مقدار
واقــول مـع الايام بنشوف خـيـره

ومن لهفتي ماكنت احسب للأعمار
حتى جمعت اصحاب مل العشيرة

من كان بسمي ينادي خلف الاسوار
جيته بسرعه ريح وعمري شطيره

ومن كان بسمي طلب بس دولار
بسمه رصيدي من الان مديره

ياما عطيت الناس من خلف الانظار
مخفي وأخشى تشوف العيون البصيرة

بس اعتقادي بالبشر خاب وانهار
وصبحت انا مصدوم وعايش بحيره

عندي تجارب والبشر غرسها اثمار
ما شوفت واحد مثل بذره صغيره

اللي معيا كان في كل مشوار
يعرف حياتي كلها حتى الصغيرة

دار الزمن به لقرب الناس غدار
كنت احسبه اخ بايع ضميره

اسمع نقطه اليوم وارجوك اختار
اختر قرينك واختبره حدد مصيره