09-18-17, 09:42 AM
|
#774 |
|
مساء الخير هالمره بلاش آسـف علـى التأخيـر
مـدام الـرد بعيونـك دمـوع فـكـل تأخـيـره
ثقل دم العذر ، والا كسـح وجـه الخطـا تبريـر
مدامك عارفـه طبعـي . أجـل وشولـه الحيـره ..!
ترى ماجيت لجل اسمع سواليفـك عـن التقصيـر
أعرف ان الخطا منـي (بـلاش نعيـد هالسيـره) ..!
انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره
انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره
( أنا وانتي حكايتنا .. مثل لعبـه ، وطفـل صغيـر
مع انـه دوم يهملهـا رفـض يسمح بهـا لغيـره )
انا وانتي .. وش اوصفلك ؟ عجز عن وصفنا تعبير
مثل ! مدري ! مثل وشو ! ولكن صعب تصويـره !
انا وانتي بلاش انتـي .. أنـا لـو بفقـدك شيصيـر ..؟
ومجرد طـاري الفرقـا علـي يا صعـب تأثيـره !
أحبك ؟ ايـه أحبـك .. ذي بعـد يبغالهـا تفكيـر
يخلـف الله علـى عقـل ٍ ملكتـي كـل تفكـيـره
تعالي .. نحترم شيبة غلانا .. لعنبو التصوير..!!
تعالــــي نغتنـم فرصـة لقانـا دامهــــا قصيره
ومساء اللي تبي ، حاضر ولا تزعل ( صباح الخير )
أنا كـل يـوم بتأخـر .. اذا فـي دمعتـك خيـره ..!
|
| |