هبت الريح بأطراف الغصن و حلّق العصفور
و بقى صمت الغصن يابس حزينٍ و عطشان
نقشت أول حروف اللي رماني بآخر الطابور
وجيته ممتلي أشواق بعد صمتي و الكتمان
هقيته بعد كل ما صار بينحني ... مكسور
حسافة ما توقعته بايع و قاسي و خوان
عرفته للأسف الحين ممثل مبدع بالدور
عقب ما كان بعيوني أرق و أصدق إنسان
أنا ما أذكر إنه بيوم خطى و ما قلتله معذور
تعالوا شوفوا غلطاته كيف وصلتني للحرمان
بعد ما صد عن وجهي و رمى لي عذره المبتور
مسحت آخر تفاصيله من قلبي و الشريان
أنا جيتك أبي تسمع كلام واقف بالحنجور
جيت أدمدم ترابك و أقول إنساني يا إنسان
وإذا باعك حبيبك لا ترجع منحني مجبور
ترى ما عدت أنا نفسي اللي بذاك الزمان
شريت فراقي بكفوفك وطار سرب الطيور
وأنا ما فكرت أبيعك أبد ما فكرت يا فلان
بعد هبت رياح الغدر ..،،و حلّق العصفور
بيبقى غصن الحزن يابس حزينٍ و ضميان
...
وسلامتكم