طاب خاطر جرحك لو الجرح قتـال
.............. إبعدي عن كل الدروبٍ اللي أجيها
لا تطري الرجعة و تبكي الأطلال
................... لأن رجعتك ما عدت والله أبيها
من لا عدك ربح لا تعده راس المال
................... جمرة الغدر لا يمكن إنك تطفيها
فرقاك أرحم ولا أبقى على هـالحال
................... و المقفية عند العرب عيبٍ تناديها
بفارقك و بغني على فرقتك مــوال
................... وجروحك مع الوقت بقدر أداويها
ياللي سمعتي فيني القيل و القال
................... ترى العقارب تموت و سمها فيها
خل ينفعونك لا ساءت فيك أحوال
................... و هزتك دنياك ولا قدرتي تجاريها
مثلي ما بتلقي و لو هالزمن طال
................... وبعض النهايات ما تقدر تبتديها