جاتك من الله . . يا القارظ هديه
خذها ولك القلب ياصاحبي صافي

كانها اعجبتك يا القارظ . هالبدويه
وجمالها .. على حد قولك خرافي

يوفقك ربي . . ويكتب الصبر ليه
هي لك . . وما بيننا أيت خلافي

انا اشهد انك يا القرم غالي عليه
اجيك مشي على الرمضاء وحافي

يا ذا الوقار يشهد الله إنك اخيه
ودي اشوفك دوم طيب ومتعافي

قافك يعطيني .. نشوه . وحيويه
كل حرف فيه مثل الذهب صافي

أنا احضري وحبيبتي هم احضريه
كان الخطأ مني قول لي عوافي