 |  | |  |
| يطربني القاف الجزيلة .... بجزيله
الياجابه المطنوخ من حر .. ما فيه
اعيده تغريدة واغرد ....... واشيله
واحطه فوق الراس واقول ... لبيه
القارظ ما عنده حبيب .... وخليلة
يغازل الافكار ويكتب ...... قوافيه
يجذب بها الضاوي ويجذب زميله
المنتظر للمستحيلة ......... توافيه
يا صعبها تاتي له ....... المستحيلة
من قبل ما ياصل دياره .... وياتيه
هاتوا قوافيكم وجيبوا ... الوسيلة
نبي نوسع خاطر ضاق ...... راعيه
الصدر ضاق وحيلنا طاح .... حيله
وش حيلة اللي عايش دون اهاليه
لا والله الا ضقت ولا فيه ... حيلة
وغاب الصديق اللي نوده ونرجيه
عسى الفرج من اللي يدخل دخيله
رب كريم وكل خلقه ........ تناديه
الياضاقت بالعبد الشقي يلتجي له
يفرج همومه وينقذه من .. بلاويه
القارظ العنزي | |
 | |  |
يامرحبا باللي ما لقينا مثيله
مطنوخ والمطنوخ مايبدي خوافيه
يازين تغريده ويازيين تمثيله
القارظ فعوله تسبق خطاويه
الحب لاواجد ولاهوب قليله
الحب اسمى من يومن نوفيه