السلام عليكم ..
هذه من القصائد القديمة .. اتمنى ان تحوز على رضاكم .
..............
مستعد اكتــــب قصيــدة شامخــه فـــوق الخيال
......................... تجعل اصناف القصـايد من خطاها في صوابي
بالمجـــال اللي تبونــــه قولــوا بس ايت مجال
......................... من هو اللي ينتقــدنـي بالهيــآآآط اللي سطابي
هكــذا الشعـــار صـــارو بالمهـــآآآيط والجـدال
......................... قلت اجـــرب يمكـــن انــه لو تعـــدد من زهابي
لضــرب السّـــاحة طناخــه بالشمـــاغ وبالعقـال
......................... لعنبــو هيـــك الحكـــي دام الطناخـــه تنحكابي
مستعد اجعـــل تبـــوك الــورد غايـــه بالجمـال
......................... بس اشيل ابن الوكيل من السواحل والهضابي
ولا يهــون العمـــري اللي بالامانـــه ما استقال
......................... واللــه لــو اني مكـــانــه راحـــلٍ من حر مابي
مستعد انقــــل معانــــي هالقصيــــد بلا زوال
......................... دامها افكار القصيــده من حسابي في حسابي
مستعد اجعـــل خســــارات المحلـــي فالهلال
......................... يعني اجعــل الحكـــم يضرب عن الحكم الغيابي
تــــدري اني بالريـــاضـــه امتلــــك فن المقــال
......................... مُستــرق لسمـــع دون اللي تهــاوى لشهابي
يا بـــدر شايــــف هيـاطــي يا بـــدر باللــه تعال
......................... هايــــط الدعــــوه وناســـه لا خـراف ولا ذئابي
اختـــر القمـــة على حــد السوالــف والسوال
......................... بين ربعـــك اللي حولـــك والمهـــابه للمُهــابي
ولا اقولـــك خلـــك ارقى من تفــاكيــــر الخبال
......................... خفت اجــــرك للخطـــايا من تجاريــب اكتسابي
ماتــــو اللي بالقصايـــد يستعـــــزون الرجـــال
......................... ليتنــي معــهـــم غديـــت ولا جرابي ما جرابي
صـــرت فاقــــد للهويــــه يــوم غيـــرت المُحال
......................... صعـب واللــه اني البس ثــوب ما هو من ثيابي
وانتي يا ابيـــات القصيــــدة لا تًحلـــي بالجمال
......................... السحــاب اللي تبينــه ما تشكـــل في سحابي