يا نجمنا اللي له أيام ما بان
قلي بربك بأي ديرة ضويت
خليتني عقبك في خبر كان
تايه ما بين الشرقية والكويت
يا مطعّم القوافي خوخٍ و رمان
يا سارق الألباب لا منك حكيت
إن كنت من عشيرك ضايق وزعلان
بقول أنا المخطي لو ما خطيت
وإن كنت تبغي تشوفني شقد ولهان
شوفني بغيبتك حي بشكل ميت
أشعل سيجار القصيد وأنفثه دخان
وأحبك الفكرة و أبنيها بيت بيت
قولوا لأبو ضاوي إني عليه شفقان
وإن كان يسلى بدوني أنا ما سليت
علموه إني أعده لي رابع الأخوان
و إن له على صفحة الشعر مانشيت
هذي حقيقة اللي يكتب الحرف بإتقان
يطربني لا غناه ولامني قريت
اللي كتب في صفحة المجد ديوان
عساه يدمح خطاياي لوني خطيت