ياطير يلي في السما دايم تحوم
ياحر يلي تعلى فوق الغمامي

بلغ سلامي للذي فيه مغروم
وقرييه هالابيات بعد السلامي

مسك الغلا غنيت لك شعر منظوم
يلي غلاتك ساكنه في عضامي

اسمك على لساني اردده في اليوم
مليون مره اذكر احلا الاسامي

لنك بقلبي يالغلا دايم الدوم
لك منزل وقدر ووفى واحترامي

قلبي بحبك ياغلا صار متهوم
لكن لجلك راضين ب اتهامي

اسمك بنبض القلب يامسك مختوم
متربع(ن) وسط الاحاسيس نامي

ابوالليل لامن قال بالقول ملزوم
الكل يعرفني ويعرف كلامي

وختامها صلو على سيد القوم
المصطفى المختار سيد الانامي

وسلامتكم

الشاعر ابوالليل