يا هلا ويا مرحبا بالعزيز والغالي الشاعر .. ابو الليل ..
قافك وصل وافتهم معناه وانا قبلت الهديه خاصه انها ...
من شاعر كبير في حجمك ...
وهذا ردي وارجو المعذره لانه من الكيبورد مباشره ...
والعذر من الله ثم منك اذا كان فيه اي تقصير ...


مرحبآ هيل . . يا طيب القلب والنيه
ياراعي المروه والنخوه تتبع خطاها

يا صاحب الفزعه .. في حزة . الهيه
لا مالت منك النفس .. تضبط هواها

يا ابو الليل .. حروفك لي .. معنيه
وقافك .. هيض علي النفس وكواها

حسبك الله .. بنيت الحروف . ملويه
محدآ غيرك .. حروف القصيده لواها

حروفك . . على اساس ووزن مبنيه
فكرك العالي واحساسك الراقي بناها

متمكن والموهبه .. من الرب معطيه
قبلك .. نجم ضاوي .. من الله خذاها

قافك وصل .. ومنه .. فهمنا القضيه
قافك .. اتعب الروح . مني وشقاها

وقافك تقديت . . على نور . . ضيه
انا افدى الشاعر اللي صاغ امعناها

وختامها . . صلو . . على خير البريه
الشافع المشفوع . من النار ولظاها


وسلامتك وسلامة السامعين ...

اخوك .. نجم ضاوي ..