05-28-12, 01:22 PM
|
#1 |
| ~ إداريه قديره سابقاً ~ | 
فيني حزن دقة عبادي على العود
عذراً فديتك ما بقى لـ العذر فود
ميّت عليك و عزّتي ما رحمتني
كُفَّي يدينك عن مظاليلك السود
ما اقسى من الدمعه سوى حمل متني
هدّتني الفرقى و تطلبني الزود
وشلون ابعطي عالـم ٍ مآ عطتنـي
مدري متى ارتاح من كثرة الجود
حتى ظلوعي بـ العطى ما مْنعتني
حظي مقفَّي والخطاوي بها قيود
دربك طويل وحاجتي متعبتني
حلمي سحابه ساقها هبّة النود
هتّانها يمطر ثرا اللـي نستني
انسان وأعشق واتدّله مع الخود
لكن بقايآ حضرتك حارمتني
فيني حزن دقة عبادي على العود
يزورني كلْ ما جروحك كوتني
لقيت آهات الوله ما لها حدود
ليه اتمادى بـ اعترف اخدعتني
هزّت رياح إفراقنا كل عنقود
وطاحت دموعي بسَّ ما طيحتني
صح اني احتاج الوصَل منّك يعود
لكن طعونك يـ الغلا علمتني
خالص أحترامي:خجولة: |
|
|
|