 |  | |  |
| حبيبتك .. بين الثريا . وسهيل مرتزه
والشمس من حسنها ياخوك مقهوره
الكواكب .. والنجوم .. غدت في هزه
والقمر . . من نورها . . اختفى نوره
يابو الليل . . اسألك بالله تحبه وتعزه
ظبي اليمن .. لعب في حسبتك كوره
الصراحه .. اقولها .. في هذي الحزه
انت لك جمهورك . . وهو له جمهوره
ان كان . . وصفك صحيح . . انها مزه
ارسل لي .. على الخاص . لها صوره
اشوف .... اللي قلبك .... خزه وطزه
هي بالضم . . ولا بالكسر أو مجروره | |
 | |  |
كانك بغيت تشوف حلفت مادزه
ارجوك يانجم خلي الصوره مستوره
لن صورته في داخل القلب معتزه
اسف ترى ابوالليل ابدالك عذوره
نوره تجول وسط الشراين وتنزه
نوره ولا غيرها بين البشر نوره
اليا لفت تجيني بخافقي فزه
واذا دبرت وي كأن الروح مقبوره
كل شي حلو من بعد روحها قزه
واقز حتى سنين العمر وشهوره
من بعدها لفت بين الحشا خزه
والنار تظرم وثارت داخلي ثوره
هذي الحكاوي يانجم وانت متشزه
ارفق بروحي تراها الروح مقهوره