بقلمي
الشاعر ابوالليل الشريف
ياطير يلي في سما الجو رفرف
احسدك لما تعبر الجو رفراف
عقلي بعد فرقك يازين هفهف
حتى عيوني صابها عقبك هفاف
الروح ياعالم بضيقه تلهفف
صارت سنيني ياعرب كلها عجاف
ارجوك ياسيد المواليف خفف
خفف على هالقلب يازين الاوصاف
تعال شوف الحال ياخل شف شف
لو يوم جيني لو على حالك كلاف
الدمع من كثر المغوبه تشفشف
والنفس هي هي والعنا فوقها لحاف
العين عن شوفة سواكم تعفعف
كل شي غيرك ياهوى البال ينعاف
صارت همومي وسط جوفي تصفصف
ياليت جوفي يالمخاليق شفاف
عشان تشوفو كيف الالام تعصف
فيني وكيف الحزن يقسمني انصاف
وين الذي يرثى لحالي وينصف
دلوني وين القى الذي عنده انصاف
يانجم خبرني اذا كنت تعرف
لنك بمافي القلب يانجم عراف
وسلامة الجميع