هلابك مليون يا الوصابي الشريف طلبت ردي وها هو جاك الرد ...
صح لسانك قصيده من الوزن الثقيل والقافيه صعبه ولا كل شاعر ...
يقدر يجيبها وانا راح احاول وان شاء الله اني اتوفق في الرد ...
وارجو المعذره اذا كان في الرد قصور فما انا الا نقطه في بحركم الهادر ...

صح لسانك وسلم نبض قلمك وبنانك شاعر وما فيك حيله ...
بيض الله وجهك وفالك البيرق وتستاهل الخمسه نجوم وختم الابداع ...


طلبت ردي .. واخاف .. الرد يجحف
ابشر بردي . . واغلفه لك .. بغلاف

الحبيبه على الحبيب المفروض تعطف
ولا يدخل بينهم .. اي عتب . وخلاف

ياوصابي . . راح اكون بالرد منصف
ما به ظلم لك .. ولا به لك .. اجحاف

لحن الغرام .. على باب القلب يعزف
وانت نوبه شجاع .. ونوبه منه تخاف

الحب بركان لا ثار في القلب يعصف
وانته عصف بك .. حب زين الاوصاف

طائر الحب لاغدى على غصنك يرفرف
ما باليد حيله . . دامه .. حولكم طاف

يا بلبل الاشواق . . بالله لحن واعزف
واطربني نغم .. ترى خاطري .. عاف

يا كاتب الابيات .. بالقصد لا بد تعرف
انك شريف .. وانا احترامي للاشراف