خلي عنك الحب أبي منك حلول
دام انك حبيبتي أبيك لي بالحلال
أشر بعينك ما يحتاج إنك تقول
لأن الحكي بالعيون أحلى مقال
كل هذا السكوت يالترف الخجول
والله ان الخجل فيك زادك جمال
من كثر حبك صرت أحب العذول
لين فاقت محبتك كل حدود الخيال
من يقدر يوصلك يالغزال الجفول
من يحاول بيتعب لانك شيٍ ما يطال
أقسم إني أحبك ولا يصيبك ذهول
أنا ما أنسى حبك ولو تزول الجبال
اقربي يا ساعة الوصل ودنا بالوصول
كان لي أي خاطر بس عطني مجال
يا ليت كل ما قلت ليت ألقاني أنول
حلم عمري آصلك يا صعب المنال