السلام عليكم ورحمة الله
مساكم الله بالخير
اعذروني على التاخير
لاني مشغول شويه هذي اليومين
العفو
يقول
اقبلت انا لما فداهم دعاني
وقال يابوالليل تراك معزوم
جيت احمل بكفي حرف ومعاني
لجلك فداهم بكتب الشعر منظوم
صحت لسانك والقلم والبناني
ويالله عسى مايلحقك ضيق وهموم
شاعر ولي في الشعر سطوه وشاني
يوحي لي الهاجوس ماني بموهوم
مسعود ياضاوي صحيح اللساني
يشهد لك التاريخ بالشعر زيزوم
وحدك ولا شاركك في الشعر ثاني
مثل القمر والكل من حولك نجوم
قافك يهدي خاطري والمحاني
متعلي.ن.دايم على جوك تحوم
والقارظ العنزي به الشعر زاني
يفز حسي لا لفت منه علووم
ابيوت شعره عاليات المباني
ترسل من زلال التفاكير بسهوم
وللعابره غنيت يادان داني
واقفت على لحن المسا ام كلثوم
احلام شعرك اشهد انه سباني
تستاهلي بالشعر اختام ووسوم
الهاجس الليله لصوبك خذاني
بكيفى اخترتك ولاني بمرغوم
الحب كم دمر قلوب ومحاني
كم فيه بين الحب انسان مظلوم
خلى قلوب اهل المحبه تعاني
كم يافؤاد امسى من الحب مظيوم
وانا من الي من حميمه سقاني
وصرت ناحل كني بالموت محكوم
ياخوي لاتشكي هموم الزماني
لان الزمن ياخوي ماهو بمتهوم
الناس ماتمشي على الراي ساني
كل شخص تلقى عنده اخبار وعلوم
وسلامتكم