02-02-18, 05:19 AM
|
#4 |
| | 
هلا وغلا وميه حلا صح
حياتي اللي عمرها 15 سنة يعني قمر مكتمل معانا ماشيه عدل
أحلى عمر عمرج ،،حلو الإنسانة الواثقة من عمرها والأحلىوالأجمل والأروع أنها ثقة ثقة مب غرور يعني
زين أول شي تحبين تلفتين الأنظار شيء حلو وميزة روعة إذا أنتِ متميزة ليش لأ هالصفة صفة إنستنة قيادية ما تحب تنقاد حلو
وايد وايد حلو استغليه في الشي الصح واللي يحقق لج مردود يرضي نفسج يا قلبي أنتِ
استغليه في دراستج تفوقج نقاشج ،،كل ذي بيحقق مبتغاج بس بطريقة صح وسليمة
ترتجفين لما المعلمة تهزئج ؟؟زين أول شي ليش هزئتج ،،وأنا الحين بالعكس بصف معاج ضدها
خل أعتقد أنها هي غلطانة ،، وهي ما لها حق
ترى ردت فعلچ يا حبيبتي شي جدا جدا عادي والله يا حياتي عادية جدا
أنتِ في سن الأعتداد بالنفس السن اللي فيه الوحدة ما تحب حد يهاوشها تحب تبرز نفسها
فشي طبيعي لما ينعكس الموضوع ترتجفين
حبيبتي الجميلة ذات 15 ربيع
مب عيب لحظات الضعف فينا بالعكس أنا أخشى من اللي ما تخاف
أخشى من البنت اللي تحس قوتها بزيادة وقوة العين شي طبيعي
لا يا حياتي أنتِ صح لازم نضعف عشان نحس معنى القوة الصح
لازم نبكي أحيانا عشان نعرف معنى السعادة والضحك
السعادة والقوة كلها نعم من رب العالمين ما نحس بها إلا إذا جربنا الجانب العكسي تماما الحزن الضعف ...الخ
بعدين باين عليج فيچ شقاوة حلوة صح
حياتي الجميلة لا تخلين الثقة تتحول لغرور ينفر الاخرين منج بالعكس القوة والثقة خليهم دافع للتعامل مع مدرساتج زميلاتج حتى العاملات في المدرسة
حبيبتي أنا من يوم توظفت مسكت مرحلة المتوسطة وبعدها الثانوي
ما مسكت ابتدائي لكن أعرف بنات الابتدائي شقاوة طفولة
أما اللي قلتيه كله كله هو عمرچ ومب بس أنتِ كل اللي في مرحلتج
حبيتي الغالية
مب كل الأصابع متساية وإلا كان عاملنا البشر بمنهجية وحدة
ممكن مدرستج غلطت لأن بنت حبوبة بعمرج تعامل معاملة الصديقة والأخت
لهذا خل نلتمس لها العذر خل نقول شويه شقاوة زايدة عن اللازم صدرت منچ يمكن
وأحب أقولچ يا غاليتي معلومة راح تلاقين بمرحلتج نفسيتج بسرعة تتبدل يوم أسود يوم أبيض حسب المواقف
وبتمر الأيام وبتكبرين خل نقول 7 او 8 سنوات والله بتضحكين على المواقف وبتصير ذكرى حلوة مثلج
حبيبتي غاليتي أختي الصغيرة
هذي مشكلة صغيرة والحين ويك أند
استمتعي بالإجازة مع العايلة وفرحي يا بعد عمري
فديت الزعلانين أنا بس
ما فيچ إلا العافية
تصدقين عاد حتى الاخصائية مالها داعي
وإذا معزمة كلش كلش
طرقي بابها وأكلي معاها حبة شوكليت وفضفضي لها
وبتقولج نفس الكلام صدقيني
الله على هالعمر الحلو وحسب تقديري أنت بأول ثانوي واحتمال ثالث أعدادي يعني بين التاسع والعاشر
الحين في ذمتج الرجفة اللي تحسينها مضايقتچ عادي
وعلى فكرة لمحت من ضمن الثقة فتاة بها مقومات الخجل وما أروع هالصفة في الإنسان بشكل عام
كان سيدنا عثمان (رضي الله عنه ) أكثر الناس حياء لذا كانت حتى الملائكة تستحي منه
شفتي عاد الخجل الغير مبالغ محمود بل هو شعبة من شعب الإيمان
قولي لها الأبلة في المنتدى ما ترضى تهاوشيني حياتي اللي مهاوشينها بس
أقول أرجعي لأجواء السعادة اليوم الجمعة وبكرة السبت
مرت من هنا
الجادل |
|
|
|