قصيدة رائعة عن الاستغفار :-
الحزن لامنه تمركز بالاضلاع
لا تنزعج وتضيق واستغفر الله
ترا العمر أيامه أفراح وأوجاع
لا تغرك الايام واستغفر الله
ومن الزمن والحظ أياك ترتاع
خلك قوي الباس واستغفر الله
وابليس لامنه غدا فيك طماع
تعوذ من أبليس واستغفر الله
والنفس لا تشرى ولا هيب تنباع
النفس ماتنسام واستغفر الله
ودرب الهوى راعيه ضايع وملتاع
أياك تمشي فيه واستغفر الله
واللي خطى لاتردلّـه صاع بالصاع
خلك وسيع الصدر واستغفر الله
بشاشتك للناس سنه بالاجماع
خلك بشوش الوجه واستغفر الله
هذي ثمان أبيات من عرض الابداع
اقراهم بتدقيق واستغفر الله
استغفر الله وأتوب اليه
دربكم خضر