كان الله بعونك
الطفل العنيد متعب ، تحتاجين تكوني صبوره أكثر و حازمه معه

أنا عندي طفل حالته مثل حالة طفلك
يعاني من فرط حركة و كنت مثل ما قالوا الأخوان أطلعه الجبل و البر و أخليه يركض و يركض حتى يتعب
اللعب في الرمل مفيد جداً على فكرة للطفل الحركي

أما العناد و العبث هذا التغلب عليه صعب

كنت مضطره أخلي عيني عليه في كل لحظة و كل مكان
لازم أعرف وين راح و أي غرفة دخل عشان أتلاحق الأمر قبل لا يعفس لي حاجة

الحمد لله طفلي كبر شوي الان و صار أكثر هدوء و أقل عناد بكثير
حتى لما يبغى يعبث و انهيه عن العبث صار يستمع لي بسرعه مو مثل قبل يعاند

يبغى لك صبر و زيادة جهد و إن شاء الله تزين أمورة
و إذا شايفه إنك محتاجة لمعين يساعدك عليه خذيه لأخصائية تحسين سلوك
يمكن ينفع معه

و على فكرة بالنسبة لعدم الاحترام

انتبهي لسلوكك معه و سلوك أخوانه أو اهله
أعني ممكن يكون السبب في تعاملكم معه و يعاملكم بالمثل
يعني لا تضربونه عشان لا يتعلم يمد إيده على احد
تعاملوا معه بحزم لكن بدون ضرب و لا تعنيف لفظي

الله يساعدك و يصبرك و يوفقك في تربية طفلك
و يحفظه و يجعله قرة عين لك