05-31-12, 10:52 PM
|
#4 |
| | 
لأثنين بالفرصه وتحديدا بالساحه قاعدين تحت الدرج حور ووصايف وساره ومها وفايزه ومنيره رفيجه حور ويسلفوون ويضحكوون
مرت عندهم ناديه << اللي جكته الأبله مع الصبيان تذكرونها هههههه المصخره هههه
ناديه ومعاها رفيجاتها غدير وزينب : بنات سمعتوا اخر خبر
غدير وزينب : لا
ناديه : يقولج في وحده عبالها ماردونا مشتركه مع فريق الكره وهههههه وطردوها هههههههه
غدير : لا وانتي الصاجه اول ماتبي تشترك قالولها ممنوع تدرون ليش
ناديه وزينب : ليش
غدير : لان جسمها مو رياضي ومعصقله (( يعني ضعيفه )) هههههههه
زينب : هههههههههههههههههه وي وي وي حرام مسكينه بس منو اهي؟؟
غدير : أي صج ماعرفتنيا عليها ؟؟
ناديه : امممم تبون تعرفونها سهله دوره اغث واملق واخيس بنات عم تعرفينهم هههههههه
غدير وزينب : ههههههههههههههههههههه أي عرفناهم
طبعا قصدهم عن ساره والحين بتبتدى الدراما شوفو
وصايف : انتي هيه هيه جنج تتكلمين عنا
ناديه : لا وانتي الصاجه انا اتكلم عن ساره وبعدين انتي
مها : لا والله وتقولينها بعظمه لسانج انتي اذا قلتي ساره حطي ايدج فوق راسج
غدير : واهي ليش ماتتكلم
حور : ههههههههههههه حنا وساره واحد
مها : على الاقل حنا احسن من غيرنا اللي كل يوم مفصووول
ساره : بنات حنا ليش نتكلم ونعور حلوجنا حور وصايف مها
وصايف : سميي
حور : امريني
مها : سمي يابعدهم
ساره : هوووشه
حور : هوشه
مها : ابشري
وصايف : عند وجهج
ناديه : طاع طاع جنهم شباب مو بنات
فايزه : وانتي شلي حارج
غدير : افا يافايزه ضدي انا انا غدوره انا حبيبتج
فايزه : انجبي انتي وياها تخسين انتي حبيبتي انا ماعندي غير رفيجاتي
غدير : انتي ام وجهين
منيره : وانتو حثاله
حور : لا وانتي الصاجه حديقه حيوان
زينب : احترمي نفسج
وصايف : انتو الللي احترمو نفسكم واعرفو من تكلموون
قربت وصايف بوجه ناديه : وانتي انتي يالمايعه ياللي ريحتج وسمعتج على كل لسان تعرفين تعرفين تتكلمين عن ساره اللي اشرف منج ومن اللي جابوج
ساره : صوووفي انتي من صجج تكلمينها هذي مايتفاهم معاها الا جذي
ودزت ساره ناديه وطاحت ناديه على الأرض وبدت المعركه بين البنات وطبعا ناديه انذبحت من الطق وبجت اكيد تتهاوش مع حور ووصايف وساره ومها وبالقصب تفاككو البنات وبالبيت
وصايف : حور حور يلا ريحه الكيكه تجنن
حور : زين زين كاني الحين بخلص بطفي الفرن
وصايف : ازين شنو بتحطين فوقها
حور : توفي
وصايف : الله ريحتها تبط الراس كانتي كانتيوو
حور : ياحرام ياهل الكانتي ياكثر ماتزفينها
وصايف : تستاهل ماتجي بسرعه
حور : والله انتي اللي مجننتها والا البنت ياحليلها
وصايف : اكرمينا بسكوتج
حور : تجعميني ماكو كيكيه
وصايف : لا واللي يعافيج كلش ولا هذي
حور : وصايف انتي جسمج يجنن لو مها تاكلين ماتمتنين ماشالله
حور : اهب ياوجهج لاتعطيني عين مالت
كانتي : نعم
وصايف: تو الناس وين الصحون البيض
كانتي : فوق
وصايف : طلعيهم وغسليهم ووديهم بالحديقه
حور :بنقعد بالحديقه
وصايف :يب والكل هناك حتى اااه حبيب القلب شوي حور بقول انا اللي مسويه الكيكه يمكن اعجبه
حور: لا والله املج .. قولي انج انتي مسويه القهوه
وصايف :أي صح يمكن مايحب كيك
حور: وصايف
وصايف واهي تطلع الفناجيل : نعـــــــــــم
حور : امممم أأأأأ احم احم
وصايف : لا مو هناك ارتاحي
حور :هههههههههه وشدراج اني بقول عنه
وصايف : ادري عارفه ((ووصايف بميوعه )) وصايف فارس هناك هذا سوالج دايم
حور : هههه ياحيوانه احرجتيني .. الا صج قلتي لمج موضوع الهوشه
وصايف : لايامعوده اسكتي ترااهي متحلفه فيني بروح علاماتي زفت
حور : أي والله انتي نازل معدلج شدي حيلج
وصايف: اوووف بدينا محاظرات خلاص الكيكه احترقت
بالحديقه
ساره ومها وفاطمه وعهود ام ساره ودلال ام وصايف ونوره ام مها وفاطمه جاسم ورغد اخت وصايف والجده دخلت حور ومعاها الكيكه ووصايف معاها القهوه
حور ووصايف : السلام عليكم
الكل : وعليكم السلام
مها : ماصارت كيكه ما احترقت
حور :هههههه لاخلصت
فاطمه : الله يالريحه
عهود :ماشالله عليج ياحور شكل الكيكه يجنن
وصايف: منو يبي قهوه ؟
الجده : صبي لجاسم من مساع يقول وين قهوتكم
وصايف بقلبها مستانسه ومن برا منحرجه وجهها احمر
وصايف : تفضل
جاسم : دام فضلج
الجده : وانا مالي
وصايف : اوه نسيت انتي الدله كلها لج
الجده : ياحلوج حور عطيني من كيكتج
حور : ان شالله
مها : الله تجنن تسلم ايدج يارورو
حور: وايديج
وصايف: عوافي على قلبج
مها : يعافيج
نوره : وصايف عطيني قهوه
وصايف : ابشري << وصايف صايره مره جدام جاسم عشان تكبر بعينه بس اهو موملاحظ
رغد : ماما ماما بررووح
دلال : مافي يماما الصايق مو هني
الجده : علامها رغد ليش تبجي
دلال : ياخاله تبي تروح الجمعيه والسايق مو هني
الجده : اها انزين خلي فهد يوديها
دلال : فهد مو هني واحمد وصقر رايحين عندهم مباره
حور : يما متى يجب السايق انا بعد بشتريلي اغراض من المكتبه
وصايف : وانا بصور لي اروراق
مها : وانا بسويلي وسيله
الجده : يما منكم ماتجمعت حاجاتكم الا لما السايق مو هني
مها :وبعد شنو نسوي الا صج وصايف ماقلتي لمج عن الهوشه
وصايف غمزه حق مها وحور قالت اووش
عهود : هااا شفتج ليش غمزتيلها لايكون بنتي وياكم
حور :بنتج اهي ساس الهوشه
وصايف: لا ماكو شي
دلال : يحووول شنو مغبره بعد متهاوشين ويا منو
مها : ههههههههه جني فتنت
وصايف: يما منج يالبريئه
ساره : انا اقول تهاوشنا ويا بنات بالمدرسه
مها :بس مارحنا للناظره
عهود : انتو ماترتاحون الا لما يفصلونكم بس خلاص بسكم هواش
جاسم : هههههههههه ياحليلكم تتهاوشون مو جنكم بنات
فاطمه : الا والله حمدالله والشكر
ساره : طاعو منو يتكلم عدال يالي تهاوشت ويا الابله وطقتها
نور : شنووووووووو ويا الابله هذا متى
جاسم : ههههههههههههههه
وصايف ياحلو ضحكتك
فاطمه : لا يما هذا قبل لما قالت لي ليش ماحليتي الواجب قلت عندنا عرس وتجذبني عاد انا كلش ولا احد يجذبني قمت وكفختها كف
وصايف : هههههههههههه وودوها للناظره وفصل 3 ايام ههههههههه
حور: وقالت لكم انها مريضه ههههههههههههه
فاطمه : صج انكم فتانات يماا منكم لاتخلوني اطلع فضايحكم
وصايف : لا يامعوده مو ناقصين نصايح ومحاظرات
مها : أي عاد مانخلص نقعد الا الصبح هههههههههه
دلال : خلاص يارغوده مافي
رغد : ابي ارووووح أأأأأأأأأأأأأأأأأأأأأأأأأأأأأأأأأأأأأه أأأأأأأأأأأأأأأأأأأأأأأااااه ابي اروح ابي اروح (( الصغار اذا بجو مايخلصون ))
جاسم : خلاص تعالي انا اوديج
رغد : صج
جاسم : أي صج
رغد الكل يحبها لانها مؤدبه ومزيونه جنها وصايف بس وصايف احلى
مها : وحنا اخذنا وياك والله لازم اجيب الوسيله
نوره: اخذهم خلي يخلصون شغلهم
جاسم : يالله انا انطركم بالسياره
البنات : هيااااااااااااااااااااا ههههههههههههههه
الكل لبس عبايه عاديه وراحو جاسم جدام بالسياره وجنبه مها وورا حور ووصايف ورغد ساره ماراحت
بالجمعيه
حور :لو سمحت بجم هذا ؟
الهندي : هذا بنص
وصايف : شدعوه بنص لا ربع دينار ماكو غيره
الهندي : بس ماما
وصايف : لاتبسبس ربع ماكو غيره
الهندي : خلاص ربع
جاسم قاعد يطالع وصايف والله خبله هالبنت
مها : رغد شوفي الكورن فلكس مال فله تبين تشتريه
رغد : لا ابي مال همتارو
مها : مافي في فله... وووو.. ابو اسد ....ووو.... اح أي ايدي (( دعمه واحد ))
.... : اسف اختي
مها : وعما ماتشوف عورت ايدي
......... : اسف اسف حقج علي مانتبهت
مها : خلاص حصل خير
............ : ايدج فيها شي
مها : لا بس تعورني
............: اسف مره ثاني وعلى فكره (( وقرب عندها ريحه عطره تدوخ )) ترا بنتج راحت
مها تدور : رغد
جاسم : رغد وين مها
رغد : مدري دعمت و
مها : رغد وينج
جاسم : انتي مجنونه هادتها بروحها بالله ضاعت
مها : مدري اهي راحت
وصايف : ماعليه حصل خير
جاسم : يالله خلصتو
حور : أي انا خلصت
مها : وانا بعد
وصايف : انا ماصورت اوراقي بروح اصور
حور : تعالي التصوير مو هني حطوه برا عند المصبغه
وصايف : وليه الحين شنو اسوي امشي مها وياي
مها : انا رجلي تعورني خلي حور
حور: يا ما ابي هناك كلا رياجيل (( قاصدتها ))
وصايف : لا والله
جاسم : امشي انا اوديكم
مها : خلاص روحي انتي وجاسم
جاسم على باله انه يروح اهو وحور ووصايف مو اهو وصايف
حور : يالله ننطركم بالسياره
وصايف : بس
وراحو
جاسم ماحب يحرج وصايف ويقول ماراح اروح : يالله صايف بتصورين
وصايف : أي
بمركز التصوير
جاسم : انتي انطري هني انا اروح اصورهم شنو تبين اصور
وصايف : ليش اانا اصور وبعدين اهمـ..
جاسم عصب شوي : خلاص قلت اقعدي ماتشوفين شباب داخل
وصايف: انزين ليش تعصب خلاص ماانتبهت ابيك تصور لي هذول الاوراق
جاسم بقلبه مو كفو الواحد يصور لها قليله ادب : عطيني
وصايف ياشينه صج عصبي ونفسيه وانا احبه مالت علي غثييييييييييث
جاسم : هاج هذول بس ولا في بعد
وصايف: لابس هذول مشكورر
جاسم : العفو .. تدلين السياره
وصايف: لا ليش
جاسم : لاني بروح اصلي العشا بالمسجد
وصايف: بس انا ما ادل السياره بعيده
جاسم : وليييه
وصايف : انت ليش معصب على انا سويت لك شي
جاسم : استغفر الله يابنت انا مو معصب يعني وين اخذج وياي
وصايف : أي انا بروح اصلي عند مصلى الحريم
جاسم : اووووف انزين امشي
(( جاسم كان يحب وحده اسمها سحر ويموت فيها بس سحر تزوجت بالغصب من ولد عمها وجاسم حاول بأخوانها بس اهم مارضو وقالو بنت العم لولد العم ومن يومها وجاسم مات احساس الحب من داخله وكره شي اسمه بنات وقرر انه مايتزوج وراح العمره ودين وامه كل يوم تحن عليه ترا بخطب لك بس اهو مايبي مايبي يتزوج ))
وصايف : الله يهديك
جاسم بحلق عيونه هذي تقولي انا المدين الله يهديك : ليش شايفتني مجنون
وصايف حقرته وراحت لمصلى النساء و جاسم استغرب اول مره وحده تتكلم وياه جذي متعود الكل يحترمه
خلص صلاته وطلع بنطرها برا واهي خلصت صلاتها وراحت له
وصايف: تقبل الله
جاسم : منا ومنج يلا امشي مها اذبحتني تدق على
وصايف : ياحلومهااووي
جاسم : الا حنه
وصايف :هههههههههههههههههههه
وراحو طبعا مها وحنتها ليش طولتو اما حور تبي تعرف شنو صار ووصايف تأكدت ان جاسم مهو فارس احلامها غير عن اللي تبيه بس تحبه وصايف من النوع اذا حبت حبت وضلت طول اللي تفكر فيه طبعا قالت لحور الي صار وحور طبعا ضلت تقول لوصايف انسيه ومن هالسوالف بس وصايف قالت لا الا اخليه يحبني
الصبح بالمدرسه وبطابور الصباح
الرجاء من الطالبات التاليه أسمائهن التوجه للغرفه الناظره حالاَ وللضروره :
مها محمد وصايف فهد ساره بندر حور مشاري
مها : اوف ياويلنا ويلاه دجينا
وصايف: تهقين شنو يبون فينا
ساره : بعد شنو اكيد سالفه الهوشه اللي امس يلا امشو
وصايف : وحور
مها : انا بروح اناديها خلونا نروح كلنا ويا بعض
حور : بنات شيلوو الكبب اللي على راسكم
مها: يو نسيت
وصايف : لحضه بروح ابدل الجوتي (( تكرمون ))
ساره : يلا بسرعه تأخرنا
البنات : السلام عليكم
الناظره : وعليكم السلام
حور: امري ابله ناديتينا
الناظره : انا نادينكم اليوم ابيكم تفهموني شنو اللي صار امس
ساره: أأأ.. أأأ ابله
وصايف: أبله انا بقولج على اللي صار كله وقالت لها الموقف
الناظره : بس مو من حقكم انكم تتهجمون وتطقونها تدرون وين ناديه الحين ناديه كلها جروح ولا بالمستشفى بعد انتو مو شباب هذي مدرسه بنات مو مدرسه شباب وانتو جاين اهني تدرسون مو تتهاشون
حور: بس ابله
الناظره : لابس ولا شي انا راح اكتب فيكم فصل واستدعاء ولي امر
مها: ابله لا انا ماسوينا شي وقلنالج الموقف واذا على ناديه ترا اهي اللي بدت وانتي تعرفين انها مو اول مره تتهاوش معانا وموبس معانا مع الكل
الناظره : ماراح اسمع أي حجي باجر ماتجون المدرسه إلا معاكم ولي أمركم فاهمين
البنات : ان شالله
طبعا جا ابو وصايف وحل الموضوع وماخذو فصل
ومرت الايام وملجت حور وبدت امتحانات الفاينل للكورس الأول وحور تكلم فارس بس بالماسنجربدون علم احد بس وصايف تدري وتعلقت فيه اكثر ووصايف اه ياوصايف كل يوم تشوف جاسم وقلبها يحترق بس حاولت تنساه لانها مو قده وفكرت بكلام حور لما قالت انتي مجنونه تقطين نفسج مع واحد معقد ووصايف قامت تقضي وقتها كله بالدراسه ومحد قام يشوفها
بغرفه ساره ساره معليه على المسجل اغنيه نانسي ياطبطب يادلع وترقص وجت ام ساره
عهود : سويره صارلي ساعه اناديج ماتردين
ساره : ماسمعتج
عهود : بدال لاترقصين قومي ادرسي شوفي حور ووصايف ماشالله عليهم دايم مجابلين كتبهم الا انتي
ساره : يما كل يوم على هالموال خلاص والله بدرس
عهود : وليش مبطله الدريشه
ساره : يما انتو مسكرين التكيف وحر
عهود : اكيد انسكره احنا بشتا مو بالصيف برا برد
ساره : خلاص يما والله بسكر الدريشه
مشاري اللي توه جاي من الدوام تعبان ويبي ينام بس مايقدر من ازعاج ساره اول شي الاغاني بعدين حنتها اهي وامها أي أي اشوه سكرت الدريشه
أي مشاري تذكرتوه الضابط اللي قالت عنه يازينه طلع مقابل دريشه ساره ياامحاسن الصدف طبعا مشاري كل يوم يسمع ساره ومره شافها بالغلط ولان مو متعود على البنات انبهر فيها والصراحه ساره تجذب بالكلام اكثر من الشوف وظل كل يوم يسمع سوالفها ويراقب تحركاتها
|
|
|
|