05-31-12, 10:54 PM
|
#5 |
| | 
الصبح الساعه6أو عشر بالحديقه ساره ومها قاعدين ينطرون السايق للي راح يشتري خبز وجريده وتأخر ومشاري كان واقف عند سيارته يحررها ويسمع كلامهم
ساره : اووووه ياربي وينه هذا تأخر بروحي خايفه من الأمتحان ناقصين تأخير حنا
مها: راح يشتري خيز انطري شوي اوووف من وصايف متى تنزل
حور : بنجووووور على الكل شخبار الدراسه وياكم
ساره : زفت
حور: أي قولي جذي وانتي ام قلبين طفي العيون
ساره : اهب ياوجهج قولي ماشالله
حور: ماشالله الا وين وصايف
مها: مدري عنها تأخرت
وصايف وعينها على الكتاب واهي تمشي
جاسم : شوي شوي أكلتي الكتاب
وصايف: جاسم !!
جاسم : ههههه شفيج منصدمه شلون الدارسه شكلج بتاخذين 100%
طبعا وصايف مو مستوعبه الوضع جاسم نفسه حلوه اليوم شنو السالفه العاده كلا يزفني اخاف في شي أكيد حرارته عاليه هههههههه بس خليني استقل الموقف واطيع الميانه ههههههههه
وصايف: هههههههه الله يسمع منك واخذ 100%
جاسم : وصايف فيج شي تعبانه ؟؟
وصايف : (( لا لا معقوله انا بحلم ولا بعلم جاسم يأل عني لايكون حور قالت له اني احبه لا لا ما اتوقع امبببببببببببببببببببببببببيه حدي مستانسه ونااسه خلاص خلاص ماراح انساه احبببببه )) .. هلا لا مافيني شي ليش
جاسم : مدري وجهج اصفر وعيونج فيها سواد
وصايف(( الله مدقق بوجهي ياهنيي )) أي من الدراسه مو راح اخذ100%
جاسم : قولي ان شالله
وصايف: ان شالله يلا انا بروح الحين تلقى البنات زهقوو من النطره
جاسم : الله يوفقكم
وصايف : اجمعين
بالحديقه
وصايف تبووس مها : يسعد صباحوو اللي يدرس .... شلونكم بنات
ساره : بسم الله اللي يشوفج مايقوول عليها امتحان انجليزي
مها : وصباحج ياحلو شفيج شكلج مستانسه
ساره : لا انا اعرف وصايف زين اكيد ظاربه فيوزاتها انتي هيه يابنت وين وصايف وين وديتيها ؟
وصايف: ووجع انا صوفي
حور: هههههههههههههههههه لا هذي مو وصايف اكيد جنيتها
وصايف بدلع : لاااااااااء انا صوفي ..اهئ اهئ اهئ ... مهاوي شوفيهم
مها : عاد كلش ولا صووفي هذي عين السيح
وصايف: يابعدي يامها والله انج الوحيد اللي فاهمتني
حور: كفوج
ساره : انتو ازعاج انا بروح اوقف عند الرصيف على مايجي السايق بنتبه اوووف
حور: هي وين رايحه
ساره واهي تمشي : اززعجتوني بروح اراجع بعيد عنكم
مها: لاشفتي السايف نادينا
ساره وقفت عند الرصيف وتراجع ومشاري كان يرد سيارته الى ورا ساره واهي تطالع السما وتدعي
ساره : يارب يارب انجح بالأمتحان(( وطالعت مشاري اللي كان سرحان بشكلها واهي تدري ))
انتبه مشاري ان ساره تطالعه وحرك سيارته ولما وقف عندها بطل الجام وقال: الله يوفقج ..
ساره حاله صدمه اول شي تقول يازيننه هذا منو ظابط شلون يتجرأ امبيه لايكون احد شافني أي صح تذكرته هذاا اللي شفته بالدوانيه بس شنو اسمه ااا مشعل خالد ياربي نسيت بروح أسأل مها
حور : سويره السايق صارله ساعه واقف وانتي مانديتيني
ساره : وينه ؟
حور : لا والله كاهو واقف عند الجبرا ... ساره شفيج
ساره : مزيون مزيون ياحور شفته يجنن كلمني قالي الله يوفقج
حور: ساره شفيج .. شنو منو اهو ؟؟
ساره اسكتت بعدين ردت : ههههههههه لا ماكو شي كنت بسويلج مقلب بس كسرتي خاطري ههههه
حور: والله عبالي عندج سالفه كل هذا عشان امتحان الانجليزي
مها: انتو للحين هني يالله وصايف ركبت السياره
وصايف بصوت عاليه : يالله يابنات ترا والله احرك واخليكم
حور: وصايف ووجع قصري صوتج حنا بالشارع
ساره: يالله امشوا
بعد الامتحان
مها: وناسه الامتحان سهل
وصايف: أي باين والدليل الغش اللي غششتج اياه حتى الابله زفتني
مها: عااااااااااااااااااااادي المهم ماسحبت الورقه منج
حور: انا سمعت صوت ابله تزف بس ما انتبهت انها ترفج
وصايف : حرتني تدرين شنو تقول (تقلد صوت الابله ) شوفي ياوصايف هذي اخر مره ولا ترا اسحب الاورقه
مها: هههههههههههههه عاد انا سويت نفسي عادي عشان ماتبلشني احطها بوصايف ههههههه
وصايف: لاوالله هذا جزاي هين والله ما اغششج بمتحان التاريخ
ساره : مزيون مزيون ياحور شفته يجنن كلمني قالي الله يوفقج
حور: ساره شفيج .. شنو منو اهو ؟؟
ساره اسكتت بعدين ردت : ههههههههه لا ماكو شي كنت بسويلج مقلب بس كسرتي خاطري ههههه
حور: والله عبالي عندج سالفه كل هذا عشان امتحان الانجليزي
مها: انتو للحين هني يالله وصايف ركبت السياره
وصايف بصوت عاليه : يالله يابنات ترا والله احرك واخليكم
حور: وصايف ووجع قصري صوتج حنا بالشارع
ساره: يالله امشوا
بعد الامتحان
مها: وناسه الامتحان سهل
وصايف: أي باين والدليل الغش اللي غششتج اياه حتى الابله زفتني
مها: عااااااااااااااااااااادي المهم ماسحبت الورقه منج
حور: انا سمعت صوت ابله تزف بس ما انتبهت انها ترفج
وصايف : حرتني تدرين شنو تقول (تقلد صوت الابله ) شوفي ياوصايف هذي اخر مره ولا ترا اسحب الاورقه
مها: هههههههههههههه عاد انا سويت نفسي عادي عشان ماتبلشني احطها بوصايف ههههههه
وصايف: لاوالله هذا جزاي هين والله ما اغششج بمتحان التاريخ
حور: سارونه شفيج ليش سرحانه ؟؟
وصايف : تلقينها تفكر بالمتحان اكيد مزفته
مها: لا ساره ام قلبين ماتزفت بالانجليزي
حور: قولي ماشالله
مها: يبا والله عيوني بارده ماشالله
حور: امبيه ساره شفيج تكلمي
ساره: ها... شنو معاكم
وصايف: أي واضح انج معانا بابو مر المطعم
ساره: خليه يمر الجمعيه بشتريلي اكل
مها: وانا بعد بشتري
حور: بابو مر الجمعيه
وصايف: انا ابي المطعم
حور: أي عادي اطلبي من المطعم الهندي اللي عند الجمعيه
وصايف : انزين شنو تبون
حور: اطلبلي جباتي وسمبوسه جبن ما احب الخضرا
مها : انا ابي صمونه فلافل بطاط قوليله يكثر الطحينه
وصايف : سارونه شنو تبين
ساره : ولا شي يالله مها بتنزلين وياي
مهاه : يس
نزلو مها وساره الجمعيه وحور وصايف بالسياره
حور: وصايف ساره شنو فيها اليوم؟
وصايف: مدري والله الظاهر من الامتحان إلا صج ماقلتلج شنو صار معاي الصبح
حور: شنو ؟؟
وصايف: اليوم الصبح سولفت يا جاسم لا واهو اللي كلمني وناسه تخيلي نفسيته حلوه
غريبه
حور: هههههههه لان اليوم خطبته
وصايف طقت ايدها على صدرها: شنووو خطبته ؟؟ منو قال وليش ؟؟ وشلون ؟؟
حور: بسم الله شفيج البيت كله يدري بعدين انتي شكو ( حطت ايدها على كتف وصايف وصوتها خفيف ) مو قلنا نسيناه .
وصايف: بس ..بس انا مانسيته انا للحين ... أأأأأأأه
حور: وصايف من صجج وصايف انتي مجنونه حنا مواتفقنه انج تنسين جاسم مايصلح لج
وصايف بعصبيه : حور رجاءً اسكتي مالي خلق لج
حور: وصايف انيه
وصايف بصراخ : حوووور خلاص مالج شغل فيني انسيه انسيه انسيه انا شلون انساه بعدين انتي تقدرين تنسين فارس
حور: لاتصارخين الناس يسمعونا وفارس يحبني وانا احبه وانتي غير جاسم مايدري عنج واصلا ..أأأ جاسم .. جاسم مايحبج
وصايف: مايحبج انتي شكو بعدين حتى لو مايحبني انا احبه وراح اخليه يحبني
حور: اوووه منج انتي
ودخلت ساره : قولو منو لقينا بالجمعيه
مها: انا اقول صقر واحمد قاعدين يرقموون وحده هههههههههه احرجناهم
ساره: هههههههههههههههههه سوينا نفسنا ان احنا رفيجاتهم وانحاشت البنت
مها: انا رفيجه احمد وساره رفيجت صقر هههههههههه
حور: ههههههههه وشنو قالوو
مها: ههههههه طبعا زفونا ليش وخرنا عنهم البنت بس الكلام مو هني الكلام بالبيت ههههههه
ساره : صووفي جبتلج برد لولو الي تحبينه هاج
ساره: صوفي شفيج اخذي
وصايف: مش..كوره..
مها : شفيه الحلو زعلان
حور: تهاوشت وياها الخبله
ساره : افا عاد كلش ولا صوفي هذي عين السيح
حور: خبله اقولها امتحانا باجر تاريخ معاصر تقول لا فرنسي
مها: حمدالله صج شطار
ساره : هههههههههههههههههههه عبالي عندكم سالفه اكلو اكلو جباتيكم قبل لا يبرد
بالبيت
الساعه 7اونص المغرب وصايف توها قاعده من النوم طبعا بجت لما قالت بس وردت نامت
وصايف: يوبا وين راايح
فهد ابو وصايف واهو يتبخر : هههههه رايح الدوانيه اليوم خطبت جاسم
وصايف بقهر : يوبا لاتروح انا ابيك
فهد : لا اروح ههه لازم ياابوج الله يهداج بس ...... ليش بابا فيج شي ؟
وصايف: أي يبا ابيك ابي اطلع مليت من جور الدراسه
فهد : هانت باجر اخر امتحان ادرسي وان شالله اذا خلصتي اوديج المكان اللي تبينه زين بابا
وصايف واهي تبجي : لاااااااء ..... مابي .....اقعد اقعد عندي
فهد : هدي هدي يابوج كل هذا دلع روحي دارج وادرسي ترا مايحتاج كل هالدلع
بالداونيه بعد ماردو من الخطبه
ابو جاسم محمد : افا افا والله ماهقيناها منك يا أبو ناصر ترخص فيني وانا جايك وتقول لي ماعندي بنت للزواج
بندر ابو ساره : يابو جاسم وسع صدرك وانا اخوك وابو ناصر هو الخسران ولا جاسم ماينعاب وألف وحده تتمناه والكل يتمنى قربك .. وبنتي سااره هذي هي عندك خذها من كشتها تراهي حلال لولدك بس انت لاتكدر خاطرك
محمد : يابو فارس انا اللي مزعلني انه ليه يرفض قبل مانسمع شور البنت واذا على ساره انت تدري ان متكلمين فيها غيري انا ابي بنت الرجال هذا (( يأشر على ابو وصايف))
فهد : بنتي.... غالي والطلب رخيص في احد يعوف جاسم وانت تدري ان البنت لولد عمها
جاسم (( لايحوشك وصايف )) : يبا خلاص انا ماني متزوج ما ابي
محمد: شنهو لابتتزوج وبتاخذ وصايف هذا اللي ناقص ترد كلام ابوك وعمك
فهد : خله يابو فهد الولد حر
محد : لا ماهو حر يرد وصايف انت حاصلك
جاسم : يبا وصايف على راسي بس انا جربت حظي وخطبت الظاهر ان محدن يبيني
بندر: ماهو العشم فيك يابو محمد تقول على نفسك جذي انت رجال والكل يحترمك بس بو ناصر مهو كفو
محمد : بتاخذ وصايف بتاخذها
جاسم : يبا مهو بغصيبه(( وطلع ))
محمد : اذلف ذلفك الله .. الله ياخذك و..
بندر: محمد انت صاحي تدعي على ولدك
محمد: الولد اللي مايسمع كلام ابوه أي بالله بدعي عليه
فهد : اقوول تعوذ من بليس واترك الشيطان عنك ولاتغصب الولد ترا بنتي غاليه (( وطلع ابو وصايف ))
وصايف بغرفتها قاعده على السرير وفاتحه الكتاب تبجي وتدرس
ام وصايف دلال : وصايف شفيج ليش تبجين فيج شي
وصايف تعدلت قعدتها : هاا.... لا ولا شي بس الامتحان صعب ....(( وبجت بحضن امها ))
دلال : اسم الله عليج يابنيتي ماعليج انتي لاتخافين وان شالله سهلات وانا الحين بقعد عندج وادرسج
ساره بغرفته حور: حور
حور:هلا
ساره : أأ.. أأأأأ حور
حور: ساره شفيج بتقولين شي تكلمي
ساره : أي
حور : شنوو
ساره :تدرين شلون بقولج بس مو الحين بعد الامحانات اوكي
حور: يعني باجر
ساره : لا عقبه لما اتاكد اقولج
حور: انتي وراج شي بس شنو
ساره : بعدين تعرفين.... الحين انا بروح فوق
حور: وين
ساره : بروح غرفتي بنام
حور: تو الناس الساعه 10
ساره : والله تعبانه
حور: ثلامتج على قولتج
ساره : الله يثلمج على قولتي ههههه باي
حور: بايات
ساره بغرفتها
ساره : أي جذي زين الغرفه صارت بارده (( وراحت تسكر الدريشه )) اح شنو هذا
كتاب ؟؟؟
.
.
.
مها:: رفضووه ليش
صقر : وانا شدراني يقولون ان مايبي يزوج بناته شكله مايبي جاسم
فاطمه : استح على وجهك بعدين جاسم ابرك منه ومن بناته انزين وين جاسم الحين
صقر: مدري راح زعل وطلع من الدوانيه
ام جاسم نوره تبجي : يويلي عليك ياوليدي ياقرد حضك فاطمه يما دقي عليه
فاطمه : شنو ادق عليه تلقينه الحين قاعد بروحه خليه خليه يما
مها: انا بدق عليه
فاطمه : مالج شغل خلي الولد بروحه تلقينه متضايق
مها: كيفي اخوي وكيفي
وراحت مها غرفتها ودقت على جاسم 3 مرات مارد بس المره 4 رد مها وجاسم حيل ويا بعض ومها تعرف بقصه جاسم ويا سحر تدري انه يحبها وانه حلف مايتزوج غيرها بس لما ابوه عصب وحلف انه يتزوج صام 3 ايام وراح خطب والقراده ان ابو الخطيبه مايبي جاسم لان جاسم ملتي ومدين واهو يبي واحد
((فري ))لبناته
جاسم : الوو
مها: مابغيت وترد
جاسم : شنو تبين
مها: ابي اكلمك ..... جسووم لاتضايق نفسك اهو مايستاهل لاتفكر واجد
جاسم : بس اللي قاهرني انه يقول جدامي طول دشداشتك وحلق لحيتك بعدين اعطيك وحده من بناتي
مها: لأنه حقير ويستاهل تكفخ على راسه الله ياخذه ان شالله
جاسم : هههه استغفري لاتدعين على الرجال
مها: ماني بمستغفره
جاسم : عاد تدرين اليوم الصبح كنت مستانس جني رايح اخطب سحر مدري ليش حسيت بفرح وقمت اكلم كل الناس وودي اقوولهم ان اليوم خطبتي بس يافرحه ماتمت
مها: .......
جاسم : مها شفيج ليش ساكته؟؟تكلمي ؟؟
مها: ترا وصايف زينه وتستاهل ان الواحد ياخذها
جاسم : مها لاتجنني وصايف لأ والله لو ساره مو مخطوبه جان اخذتها ابرك من وصايف الدلوعه المغروره
مها: من قال انها دلوعه ومغروره وصايف طيبه ومافي احسن منها بس اهي مدلله بس والله ياجاسم ان البنت عسل والله ماراح تندم وبعدين ساره تكرهك هههههه من عقب هذاك الموقف هههههههههه
جاسم : ههههههههه ياحليلها لا سويره مثل اختي ما اعتبرها زوجه لي اما وصايف ماادنيها ما ادانيها يا مها
مها:انزين ليش انت شايف عليها شي شمعنه وصايف
جاسم : مدري احس انها دلوعه مغروره واذا تهاوشت معاها بأي شي تبجي وتروح تقول لبوها وانتي شفتي لبسها انا ابي وحده غيرر غير يامها
مها: اول شي وصايف مو دلوعه ولاهي مغروره ومو مثل ما انت متصور ولبسها شفيه عادي نفسي مرات تلبس بدل واغلب المرات عبايه بعدين لاتقعد تحط اعذار انت توكل على الله واخطبها اصلا زين منها اذا وافقت عليك
جاسم : يصير خير والله انتي يامها اللي بياخذج ياهنيه صج انج غثيثه وكسلانه وتحبين النوم هههههه بس مره وعقلج اكبر من عمرج ماشالله عليج
مها: بما ان كلامك في سب بسوي نفسي ماسمعت وبسامحك ومشكور على المدح ههههه ها تبي شي فكر عدل ولاتتهور وطيع شوري وماراح تندم
جاسم : يصير خير
الساعه 2 الفجر جاسم رد البيت ولقى ابوه ناطره
محمد : تو الناس جان نمت برا
جاسم : السلام عليكم
محمد : جاسم انت تبي تذبحني تبيني امووت قبل لا اشوف عيالك ابي افهم انت ليش ماتبي تتزوج ليش ها علمني
جاسم : يبا انا ماأبي اختارو لي وحده غير وصايف
محمد: جب ولا كلمه ترفض وصايف ليش شفيها احسن بنات عمك واعقلهم وامك وخواتك دايم يمدحونها
جاسم : بس ياببا وصايف مدلعه ومدري احسها ماتلوق لي
محمد :شوف انا عطيت الرجال كلمه وانت ياجاسم كبير وفاهم وتقدر تغيرها ومثل ما انت تبي وصدقني ماراح تندم ولا والله لنت ولدي ولا انا اعرفك وانا عطيت عمك كلمه وماراح اغيرها فاهم
بغرفت جاسم : استغفر الله انا شنو اسوي الحين
فاطمه : وافق وماراح تخسر شي
جاسم : شنو اووافق مابي وصصايف ما ابيها
فاطمه : مالت عليك زين طيعني لو مره وحده بحياتك ترا وصايف افي احسن منها والله
صقر: تدري ان عمي فهد زعلان عليك
جاسم : احلف
مها: والله وطلع من وقال ترا بنتي غاليه ولاتغصب الولد
جاسم : ياررربي عاد كلش ولا زعل عمي فهد
فاطمه : ايوااا ماتبيه يزعل عشان وصايف
جاسم : قومي زين من زينها
صقر: تدرون شلون زوجوني انا وصايف مزيون ودلوعه من قدي ههههههههه
مها:هههههههههههههه والله اخذها عاد تجيب لك عيال مزاين
جاسم : جب انتي وياه ..... انا بروح اقول لبوي اني موافق
فاطمه : والله
صقر : صج
مها: هياااااااااااااااا
جاسم : أي صج والله
الكل :هيااااااااااااااااااااااااا
راح جاسم وقال لبوه وراح لجناح عمه فهد لقاه توه طالع بيروح الصلاه
جاسم : السلام عليكم
فهد بنفس : هلا .. وعليكم السلام
جاسم : ها يالله الاذان اذن
فهد : ..............
بعد الصلاه
جاسم : عمي انا اسف اذا غلطت بحقك وحق وصايف بس والله كنت معصب من سالفه بو ناصر .... ولا انا وين القى احسن من وصايف واحسن منك نسيب
فهد : ...............
جاسم حب راس فهد : عمي لاتزعل وانا اسف وحقك علي والله اني شاريكم والله ياعمي تكفا لاتكدر خاطرك ........ ها شقلت
فهد: ..... والله مدري شقولك انا عطيت ابوك كلمه والحين الراي راي وصايف بس ان وافقت ما اوصك عليها
جاسم : والله ان وافقت لحطها بعيوني
فهد : هههه سالمه عيونك
شنو تتوقعون داخل الكتاب اللي لقته ساره ؟؟؟ وشنو رد وصايف بتوافق ولا لا ؟؟
مها: وووووووووووووووووويه مابغيت اخلص من الامتحانات
حور : الله يعين النتيجه
مها: النتيجه معروفه الكل ناجح وانا الاولى عليكم
وصايف بنفس: لا ياشيخه واثقه من نفسج
حور: هههههههههههه حرام عليج
مها: اكيد واثقه دام اغش منج اكيد بنجح
حور: قولي ان شالله
مها: الله يستر
ساره: ماتسكتون تراكم ازعجتوني
حور: شفيج قاعد نسوالف
وصايف: وهي صاجه حتى انا ازعجتوني
حور: والله عاد اذا ماتبون سكرو اذونكم
ساره : لا انتو اسكتو
مها: حور لاتكلمينهم هذوال مدري شفيهم صايرين نفسيه
حور: أي وراهم شي بس هين
ساره : اوووه شفيج انتي تراج ماسكه علي هالكلمه وارج شي وراج شي مافيني شي ولا وراي شي ززين (( وطلعت من السياره وراحت غرفتها ))
ساره بغرفتها تبجي جتها وصايف : سويره شفيج ليش تبجين
ساره : ....... مافيني شي وصايف خليني بروحي
وصايف: تطرديني مراح اطلع بعدين شلون مافيج شي موجن غرفتج حر
(وراحت بتبطل الدريشه )
ساره : لاتبطلين الدريشه
وصايف: ليش حر
ساره وقفت قبال وصايف :: وقفي لحظه
وصايف : ساره شفيج ببطلها حر
ساره ضمت وصايف وقعدت تبجي : أأأأأأأأأأأأأأأاااااااه أأأأأه ..... أأأأه ياوصايف انا ...ليش يصير فيني جذي
وصايف: اسم الله عليج شفيج
حور : شفيكم سارونه ليش تبجين
ساهر زادت بجي : أأأأأأأأأأأأأأأأأأأأأأأأأأأأه ....
مها: كل هذا عشان تكلمنا لا خلاص والله لنطرم بس اسكتي وصايف شفيج تبجين ؟
وصايف : أأأأأأأأأأأأأأأأأأأأأاه
حور: يممااا قلبتوها عزا شفيكم
مها : لا انتو تحتاجون اجتماع يالله يالله الغرفه
حور: هذووا مو يبون اجتماع الا اجتماعات دقي على فاطمه وناديها قولي عندنا اجتماع وانتو يالله مسحو دموعكم وامشوا الغرفه
طبعا الكل يسأل شنو اجتماع الاجتماع اهو ان البنات يتجمعون ويسون دائره وكل وحده تفضفض بالي عندها يعني اذا وحده زعلانه وحده تبجي متضايقه
وحده محتاره وحده متهاوشه مع الثانيه ....إلخ يجتمعون ويفضفضون ويحلون مشاكلهم .
بغرفه البنات
حور: مها سكري الليتات (( الأضاءه)) وجيبي شموع عشان يكمل الجو ههههه
مها: ههههههه ونكت ورد مجفف على الارض الله يصير فلم ههههههههه
فاطمه : الله من زمان ماسوينا اجمتاع وخصوصاً ان في ناس كل وحده سرها عند الثانيه
ساره : يالله نبدي
وصايف : نبدي منو اول
حور: اممممممم فاطمه اهي الكبيره
فاطمه : لا والله انتي اول
حور: لا مالي شغل انتي الكبيره
مها: لحظه خلونا نتفاهم شرايكم نلف البطل واللي يوقف عليه يتكلم اوكي
حور: يالله لفيه
ووقف عند فاطمه حور: شفتي الكبير اول هههههههههههههه
فاطمه : بايخه يالله انا بتكلم وانتو اسمعو اول شي احم احم ..... انا انا انا اكلم فهد
الكل شهق : شنوووووو
مها: ياحيوانه ياويلج من امي
فاطمه : جب
ساره : ومن وين جبتي رقمه
فاطمه : شفته مره بالسوق وو...ووو ... عطاني اياه
وصايف: متى
فاطمه : لما كنا بشرق شافني وعطاني اياه وانا مادقيت عليه بس دزيت مسج شعر واهو رد علي وبعد اسبوع دز اهو مزج بعدين رديت عليه بعدين دق علي اول شي مارديت لما دق مره ثانيه رديت يااي لوتسمعوون صوته يجننن
مها: وامي تدري
فاطمه : طبعا لا وماراح اقولها حتى اهو قال لاتقلين لاحد وقام كل يوم يدق علي
وصايف: واكيد قال بشوفج
فاطمه : تصدقين لا قال ودي اشوفج وانتي عروس وبس وحتى لو قال انا ماراح اوافق
ساره: وللحين تكلمينه
فاطمه : انا ما ادق بس اهو اللي ديق انا بس ادز مسجات
وصايف: ههههههههههههههههههه ياحظج
حور: بس غلط شنو بيقول عنج بعدين
ساره : رور شفيج هذي زوجته مورفيجته
مها: وبعد شنو عندج
فاطمه : بس هذا اللي خبيته عنكم
وصايف : يالله لفي البطل
فاطمه : على حور يالله تكلمي
حور: ههههههههه شقول ماعندي شي ..... امممممم انا.. انا اكلم فارس بس بالماسنجر وصايف تدري
ساره: نعممم وليش ماقلتيلي بالله
وصايف : الاخت تستحي ماعندها سالفه
حور: موعن بس استحي بس ادري ان ساره رافضه مبدأ ان الوحده تكلم زوجها قبل العرس واكيد بتزفيني وماراح تخليني اكلمه بعدين انا ماأكلمه واجد بس جم مره بالاسبوع اما الباقي لاشوف وجها لوجه هههههههههه
ساره كفخت حور على راسها: ياحيوووووووووووانه وبعد ماتعلمين والله لاوريك يافويرس
مها: الاخت مسويه غراميات مع حبيبها السحت
حور: رجاءاً عن الغلط
وصايف: أؤأؤأؤ ماترضى عليه
فاطمه : ومن الحب ماقتل
مها: يلا بلف البطل ....اوه علي ههههههههه عاد ماعندي سوالف
وصايف: يلا طلعي اللي بقلبج
مها: اممممممم ولاشي
ساره : جذابه قوليلهم سالفه اللي بالجمعيه
فاطمه : اللي بالجمعيه أي سالفه
وصايف شهقت : ايييييييييييييييييييييييييييييييييييي من واري يا مهاوي تواعدين ها قولي بسرعه منو هذا وشنو اصله وليش ماجا خطبج مني
حور: هههههههههههههههه شوفي لازم يشتريلج بيت ومهرج 40الف ووو هههههه لازم يجيب لج شبكه ب55 الف فاهمه
مها: ههههههههههههههههه لا وبقوله يجب لي خدامه هههههههه ياعمي سالفه مالها معنى واحد بالجمعيه دعمني واصبعي دخل بالعربانه مالته وانجرحت وبس تدروون عباله رغد بنتي عاد وجهي وجه ام هههههههههه بس عطره امبيه مو صج يجنن
وصايف: مزيون
مها:يخبل يجنن خشف
وصايف: هذا البلا
فاطمه : ههههههههههههههههههههه يلا الحين دورج سويره وقوليلي ليش مساع كنتي تبجين
ساره : يووووو لاتذكروني
مها: انتي شفيج ودي اعرف ؟
حور: يلا تكلمي
ساره : زين بس اسمعوني من الاول اوكيك
الكل : اوكي
ساره : امس لما كنت واقفه انطر السايق برا بالشارع كنت قاعده ادرس وفجأه وقفت لي سياره ولد مزيون لابس لبس الجيش او الضباط بطل الجام ( أي الدريشه ) جان يقول لي الله يوفقج انا اهني نصدمت انصدمت من زينه من جرأته من شكله من الامتحان
مها: أي وبعدين شنو صار
ساره : راح
حور: ومنو هذا
ساره : انطرو انزين وبعدين طول الوقت بألامتحان ضليت افكر فيه حتى اتذكر اني خبصت (( يعني خربطت )) في الامتحان ..... انزين ولما رديت البيت عادي نسيت السالفه بليل وانا رايحه غرفتي رحت بسكر الدريشه لقيت كتاب عن دريشتي تحت مقطوط (( طايح ))بالارض لما تدرون شنو داخل الكتاب
الكل : شنو
ساره : شووفو (( بسم الله الرحمن الرحيم : ساره ادري انج مستغربه من الكتاب وشنو اللي جايبه اهني ومنو انا وشنو ابي انا بجاوب لج عن كل الاسئله :
انا مشاري جاركم وجارج بالتحديد قبال دريشتج عمري 25 ظابط سيارتي رنج بيضه اكيد عرفتيني أي انا اللي قلت لج الله يوفقج انا كل يوم اسمعج وانتي تسولفين اونتي تغنين وانتي تسمعين اغاني وانتي تدرسين بس للأمانه ماشفتج الا مره وحد وحبيتج حبيتج من كل قلبي ولما عرفت انج انخطبتي بالصدفه لما امج كلمتج بالموضوع تضايقت وتمنيت اكون انا خطيبج وانتي زوجتي ساره انا ادري انج مو مستوعبه الموضوع ومنصدمه بس انا ابيج انتي انا مااعرف اتكلم مع بنات او عمري ماتكلمت مع بنت عشان جذي كتب كل الللي بقلبي بهالكتاب وحذفته داخل غرفتج واتمنى انج تفكرين بالموضوع انا ياساره مو قاعد ألعب ويمكن تفكرين ان قصتي غريبه او طريقتي غريبه بس اانا والله ثم والله اني اتكلم من كل قلبي واتمنى انج تشغلين تفكريج لو بس دقايق فيني وتصدقين كلامي وتحبيني ادري انه صعب بس فكري وهذا رقمي ................... اتمنى انج تدقين على وتعطيني موافقتج وانا من باجر جاي اخطبج :
ابي عشق تحسب له كل نظرات العيون حساب..وابي قلب على قلبي وابي دين على ديني..
وابي نظرة عطا توفي ولا تخلف بدون اسباب..وابي منك قبل لا انتي تصديني توديني..
وابي درب على العذال صعب متعب غلاب...وابي نفس الطريق الصعب يبعدهم ويدنيني..
ترى لو للقلوب عيون ولدموع العيون اهداب...حشا ما تنزل الدمعه لغيرك لو تركتيني...
انا اول من عرف قدرك وانا توي صغير وشاب...وابي منك دام انك عرفتيني تحبيني...
مادام اني لقيتك في طريق اسمه غرام احباب...دخيل الله وبعد الله دخيلك لا تخليني...
مادام ان كل من يحيى على وجه التراب تراب..عسى تنساني الدنيا مادام انك ذكرتيني...
مها: الله ياحلو كلامه
وصايف: انا ذبت وبس ماكتب شي ثاني
ساره اتنهد: آه .. لا بس
حور: بس شلون يحط رقمه وشلون يشوفج
فاطمه : انزين منو اهو
مها: ياالخبله هذا مشاري اللي لقيناه بالدوانيه اللي كنت ويا جاسم وكلمه
ساره : ادري ...الحين شنو الحل شنو اسوي
فاطمه : ماعليج منه جذاب
وصايف: أي مكن يكون صاج ويحبها
حور: يمكن بس شنو نسوي الحين
مها: انا اقول تكتبين له رساله وتقولين انج مو من البنات اللي ياخذون ارقام وماتحبين هالسوالف واذا تبيني تعال من الباب مو من الدريشه وسكري الدريشه ولاتبطلينها مره ثانيه
وصايف: صح حلوه فكرتها
حور: زين بس حرام يمكن يكوون حليو
فاطمه : لا فكرت مها حلوه
ساره : بس مدري شلون احبه اهو صج مزيون وضابط والمهم سيارته رنج بس انا ماراح اتزوج سيارته ويمكن تكون اخلاقه زفت يعني مدري مو لازم احبه لانه كتب لي هالكلام ولان مزيون صح
حور: صح انتي مو مجبوره انزين هذا للي خاطبج شنو شهادته زين ولا لا
ساره: امي تقول زين امه زينه واهو بالحرس الوطني بس اخته عوبه انا مالي شغل بأخته والله مدري مدري
مها: ياووو الحرس
فاطمه : وش فيهم اللي بالحرس مو تارسين عينج
مها: لازينين .... يوو نسيت الحبيب بالحرس اها عشان جذي عصبتي
ساره : يالله قولولي شنو اكتب
وصايف: اكتبي الكلام بالكتاب وحذفيه عليه
مها: اخذي ورقته
ساره : لا بخليها بالكتاب
فاطمه : صح خليها بعدين اذا اخذتها عباله انج ميته عليه
الخميس الساعه 8او ربع بليل بغرفه ساره
حور : يلا احذفي
مها: نيشنيها عدل
ساره : اخاف احد يشوفها غيره
فاطمه : لا ماعليج الغرفه ظلمه واثق الاخ مبطل الدريشه يدري انج بتقطين الورقه
وصايف: سااره احذفيها عدل لاتطيح تحت
ساره : والله ااني خايفه .... بسم الله ............. يما الحمدالله وين طاحت
مها: لحظه ما اشوف .... امممم تحت يالله امشو قبل لا يجي
فاطمه : سكري الدريشه
ساره : اووكي
عهود : ساره بطلي الباب
ساره : امبيه امي سو انكم تسولفون .... ان شالله يما لحظه
عهود : سلام ليش قافلين الباب ؟
ساره : بعد حور تستحي من فارس تخاف يشوفها قفلنا الباب
حور: انا الله ياخذج
عهود : هههههههههههههههه لا لاتخافين فارس طالع عنده مباره ... صوفي يما امج تقول تعالي تبيج بموضوع
وصايف: انزين باي بنات اليوم السهره تحت
فاطمه : أي
حور: وصايف جيبي المجلات اللي عندج ابي الجديده
وصايف: ماعندي الا مجله المختلف اخر عدد
حور: ماعليه جيبي
وصايف: اوكي
فاطمه : انا بروح اخذ لي شور واجيكم تحت اوكي
ساره : اوكي انا وحور ومها ننطرج تحت
وصايف: يماااااااااااااااااا يمااااااااااا ممااااام مذررر ناديتيني
دلال: هلا يماا أي ناديتج
وصايف: خير في شي
دلال : تعالي معاي
بغرفه ام وصايف دلال : اقعدي
وصايف: اوكي يما شفيج خرعتيني في شي
دلال : شوفي وصايف انتي تدرين ان الزواج قسمه ونصيب وان كل بنت لازم تتزوج وانا وابوج ماراح ندوم لج وانتي بنت ماشالله مزيونه وشاطره والكل يبيج
وصايف: انزين
دلال: والله مدري شقول ما أعرف
وصايف: يما شفيج قولي
دلال : وصايف في واحد خطبج
وصايف: شنو وبقلبها (( انا اتزوج غير جاسم لا لا شلون مستحيل بعدين انا توني صغيره ما أبي لا لا لا)) بس يما انا ما ابي اتزوج انا توني صغيره بالثانويه
دلال : ادري يا يما انج توج بس العريس مايتفوت وانتي الحين تملجين بعد ماتخلصين الثانويه يعني السنه الجايه عرسج والله يابنتي ان المعرس مافي احسن منه ومنج وفيج
وصايف: يما ماابي مابي ولو انا توني صغيره مابي (( واهي تبي تطلع ))
دلال : يما وصايف انطري انزين ماتبين تعرفين منو هذا
وصايف: لا ما ابي اعرف وماراح اوفق
دلال : انزين اعرفي منو هو وبعدين قرري
وصايف: يحووول يالله منو هذا عريس الغفله
دلال: جاسم ولد عمج محمد
وصايف بصدمه : شنو جاسم شلون جاسم خاطب شلون يخلي خطيبته عشاني انا من قال مايصير
دلال: ههههههههههه أي جاسم كان خاطب ومايبيها وبعدين انتي شفيج الف واحد يتمناج وليش مايصير جاسم رجال والكل يمدحه وابوج يموت فيه ومصلي ومسمي وماشالله بياخذ الماجستير وعمرنا ماسمعنا عنه شي شين
وصايف: بس بس يما جاسم مغرور ونفسه خايسه
دلال : لا مو مغرور عادي يقعد معانا واذا نفسه خايسه ترا الرجال مع زوجته غير 180 درجه وشوفيني انا ابوج الكل مدحه صج اهو ولد خالتي ومرات كنت اشوفه دايم يعصب ومايعطينا حنا البنات وجه بس والله لما عاشرته الكل مدحه وصايف حبيبتي انا ما أغصبج علىه بس انتي فكري واستخيري ربج وان شالله خير
وصايف : ان شالله يما انا بروح غرفتي
دخلت غرفتها وجنها اول مره تدخلها حست نفسها وحده جديده بنت ثانيه مو واصيف المدلله الللي ابوها مايرفض لها طلب مو وصايف المهاوشجيه الشيطانه الصغيره
وصايف: الله لهدرجه انا كبرت وصرت مره عشان يخطبوني صج اني مستانسه الا فرحانه وطايره من الفرح جاسم بياخذني يعني يحبني لا مو شرط بس انا انا بتزوج واخيرا اللي تمنيته صار الله وناسه بس لا جاسم والله مدري
وظلت طول الوقت على هذي الاسئله لما صلت ونامت
فهد : وصايف وصايف حبيبتي قومي للحين نايمه
وصايف: يبا خلني فيني نووووم
فهد : ماصارت الساعه 11 الظهر قومي صلي قبل لايأذن الظهر
وصايف: يبا والله بنام انا صليت الفجر خلني
فهد: انزين انا بروح صلاه الجمعه وبرد ابي اكلمج بموضوع
وصايف: ان شالله يبا
قعدت بدلت وراحت عند امها بالصاله
وصايف: صباح الخير ياأحلى ام بالدنيا
دلال : صباح النور اوووه اليوم نفسيتج عال العال شنو السالفه كل هذا من الموضوع اللي كلمتج فيه امس
وصايف : ههههههه يمكن ههههههههههه يما شنو الغدا
دلال: قبل الغدا فكرتي بالموضع وصليتي استخاره
وصايف: ...... أي فكرت وصلت امس والحين احس اني مستانسه بس ماما شنو الغدا
دلال: صج وبعد شنو
وصايف: ولا شي شنو الغدا
دلال: حارصه على بطنج الغدا تحت عند جدتج سمج زبيدي وربيان
وصايف: صج الله ونااااااااااااااااسه زبيدي
دلال ظك أي بدلي وانزلي تحت ترا كلنا بنتغدى مع بعض
وصايف: ووو خالتي نوره بتغدى معانا
دلال: ههههه أي ليش مستحيه
وصايف: فشله لا ماأبي جيبولي غدا فوق
دلال: ليش عادي ههههههه خالتي نوره اول مره تشوفينها
وصايف : مدري مابي مابي ( وراحت غرفتها ) جيبولي غدا فوق وكثرو من الربيان
بعد الغدا البنات صعدوا فوق لوصايف
فاطمه : طق طق طق
وصايف: ادخلو
حور: شدارج انا حنا
وصايف: اعرفكم
مها: شلونج مرت اخوي
ساره : البنت ماوافقت عشان تصير مرت اخوج
فاطمه: لا بأذن الله بتوافق على جاسم
ساره : وووووووووويع جويسم ما ادانيه بس مدام وصايف بتاخذه يالله عادي يمكن تعدله راح اتقبله
حور:ههههههههههههههه
مها: يلا انتي وياها تضحكوون على ابوي من زينكم عاد اصلا اخوي مزيون
حور: اهو من ناحيه مزيون أي يفضخ القلب بس مايعطينا وجه
ساره : لا والله والله لعلم فارس تغازلين واحد غيراخوي
حور: هههههههههههههههه شكو انا اقول الحق
مها: لا والله مو مايعطي وجه اخوي ثقيل بس يعطي زوجته وجه
ساره: أي باين ياقرد وصايف
فاطمه: بس اسكتي انتي وياها بشوف شنو راي وصايف
وصايف: ......... والله .... والله مدري للحين افكر
فاطمه : ماصليتي
وصايف : صليت بس للحين مو متأكده
حور: عاد اليوم بالغدا مالهم سالفه غير وصايف وجاسم
ساره: أي والله تدرين منو بيجينا اليوم
وصايف: منو
ساره : احم احم ام مشاري
وصايف: بذمتج ليش
حور: مدري دقت على جدتي وقالت انها بتجينا العصر
مها: يمكن تجي تخطبج
ساره: يارررررررررررررب
الكل طالع ساره مها: لا والله وين اللي امس تقول يخسي ادق عليه ومن هالكلام
ساره : انا قلت يخسي ادق عليه بس مو يخسي يخطبني واتزوجه امبيه تعالو شنو بتقول اخاف تقوول اني كتبت له ورقه امبيه لا بعدين اخوي يذبحني
فاطمه: أي والله بس لا مااعتقد تدرون انا اول مره اعرف ان نوف وخووله عندهم اخو اسمه مشاري لا وظابط عبالي بس اهم خوات
مها: لا عندهم عجل شلون نقول لها ام مشاري
حور: أي والله عاد تدرين ما انتبهت عبالي مشاري جاهل صغير ماتوقعته ماشالله كبير
وصايف: بنات شرايكم نروح على يوم بيت نوف وبالمره نشوف حبيب القلب
ساره : لا لا لا حتى لو رحتو روحي بروحكم
حور: هههههههههههههههههههههههههه اكيد ماتبين نروح وبالمره نسال عنه ياغبيه اعرفي عن زوج المستقبل
ساره : طاع هاذي أي زوج واللي يعافيج اهو خطبني
مها: تعالووو اليوم النتايج
ساره: يووووووووووووو نسيت حلو حلو الله يعيني على حنه امي
وصايف: وانا مثلج ياهي بتزفني عاد انا مبدعه انزين الساعه جم تطلع ؟؟
حور: الساعه 3ونص نروح نشوفها
فاطمه: وانا بروح معاكم
حور: واذا نجحنا تعزمينا على حسابج بالمطعم
وصايف: أي ونسوي حفله تحت
فاطمه : ابشروووووووووووووو من عيوني
النتايج
حور: 95%
وصايف: 92%
ساره:90%
مها:77%
حور: هياااااااااااااااااااااا وناسه الحمدالله الحمدالله
ساره : يووووووووووووووووو ياويلي من امي نزل معدلي
وصايف: حتى انا امبيه لا
مها: الله 77 ززين
فاطمه : اوووه كشخه اختي 77
مها: واخيرا مابغيت تعديت الستين هذا كله من مرت اخوي الله يخليها لي
طبعا وصايف وساره متضايقين لانهم مو متعودين على هالنسبه الله يعينهم على الحنه والمحاظرات هههههههههههههههه
دلال: شنو 92 ليش
فهد: افا ياوصايف 92 من 96 الى 92والله ماهقيتها منج
دلال: هذا كله من الاب توب السوالف والطلعات شوفي الكورس الثاني اذا ماعدلتي معدلج والله ياويلج
وصايف تبجي : يما شسوي مو بأيدي الامتحانات كانت صعبه
دلال: لا مو من الامتحانات قلبج وينه مو يم الامتحانات يم السوالف والهواش مع البنات
فهد: دلال خلاص بس على الاقل متفوقه بس بابا لاتبجين
دلال: موهذا اللي ذابحها دلعك لها
وصايف: اااااااااااااااااااااااااااااااااااااااااااااااااا ااااااااااااااااااااه((وراحت غرفتها ))
مها: يماا باركيلي نجحت
نوره : كلووووووووووووووووش وجم جبتي
فاطمه : 77% ههههههههههههههههه
جاسم : اوووه كشخه غريبه شلتي الستين ورا ضهرج
مها: البركه بزوجتك
محمد : وصايف
مها: أي لولاها جان انا بمكاني
جاسم ومسوي نفسه مومهتم : أي ... و .. جم جابت ؟
فاطمه : ايوواا تبي تعرف
جاسم : انتي اسكتي
فاطمه : يابا شوفه
محمد: احترمي اخوج
نوره : اخلصي جم جابت
مها: 92%
محمد: ماشالله والله شاطره مونفس اللي عندي
فاطمه : يبا حدد انا بعد قبل كنت جايبه 94%
محمد: انا قصدي عن الللي جنبج
مها: يووووه بدينا بعدين وصايف نازل معدلها كان 96% الله يعينها على الحنه
نوره : انزين وحور وساره جم
فاطمه :حور 95 وساره هم نازل بس نزل واجد 90
صقر : اووف سويره 90 مو قبل 95
فاطمه: أي حرام وطول الطريج تبجي
محمد: الله يوفقكم كلكم ومبررروك
_____________________
حور: صوووفي شفيج ليش تبجين
الجده : يما اسم الله عليج يابنيتي شفيج
وصايف طاحت بحضن الجده: يماااا ابوي زفني اهو وامي ومعدلي نزل ااااااااااااااااااااه
الجده تمسح على راس وصايف: ماعليه يابنيتي الكورس الجاي شدي حيلج
حور: هاج ماي خلاص لاتبجين وانتي مو اول ولا اخر وحده ينزل معدلها وشدي حيلج الكوس الثاني خلاص
وصايف: بس يما انا نزلت واجد
حور: مو اكثر من ساره الله يعينها
الجده: ليه
وصايف: نزل معدلها اكثر مني يعني باقي لها علامه وتاخذ جيد جدا
الجده: حور يما دقي على ساره وقولي لها تنزل الحين تلقينهم يهاوشونها
حور: ان شالله
وصايف: عاد عمي بندر عصبي حراام
الجده : ياويلي عليها
حور: الووو
فارس: هلا والله هلا وغلا
حور: .... هلا فيك فارس سارونه عندك
فارس: أي قاعده تنزف مبرووك على النتيجه
حور: الله يبارك بحياتك قولها جدتي تبيها الحين ظروري ظروري اوكي
فارس: ان شالله وماتبيني
حور: ههههه لا بس هي
فارس: افاا عاد انا كنت بجي ااشوفج
حور بدلع : فااااااااااارس
فارس: عيون فارس
حور: باي
فارس: بايات دير بالج على نفسج ومبروك مره ثانيه
حور: لاتوصي الله يبارك فيك |
|
|
|