السلام عليكم و رحمة الله وبركاته
وعليكم السلام ورحمة الله وبركاته

كل ممنوع مرغوب، ايش رغبتك؟
مدري بس بغيت اكون رئيسة دولة
مع ولا ضد الشخص يكذب عليك عشان لا يخسرك؟
ضد لاني تعرضت لهذا الشي وتوجعت كثير
جملة قيلت لك لن تنساها ؟..
سويت كل شي عشانك
كيف تبني المستقبل و تعيش الحاضر في آنٍ واحد ؟
استفيد من الحاضر عشان ابني مستقبلي
لو اعطيك طفل عمره 3 شهور واقولك اعتني فيه 4 أو 5 ساعات تقدر تعتني فيه؟
اكيد اقدر اعتني فيه وفي كل الاعمار صغار وكبار عادي جداً بنسبة لي
كم لنا بالحياة من فُرصه؟
كلها فرص واعظمها فرصة القرب من الله للوصول للجنة
لو كانت لك كافة الصلاحيات إنك ترمي شي واحد برا البيت وش ممكن ترمي ؟!
كل شي بالبيت عزيز عندي مابرمي شي
ســـنكون اجمل لو تركـ.ـنا(.. المقارنات ..)
آكثرر حركه تسويها لـآآ شعورياا (.امسح جبيني وارفع شعري من جبيني .)
كـلمة لشئ ما يزعجك ..!
الصبر جميل
عبّر عن ماضيك بكلمة !
شقاء و تعب، الله يعوضنا ان شاء الله
آججمل قلب بالدنياا قلب..طفل بريئ..#
كل شي يهون الا ...اهمال الصحة.... #
إيش أكثر حاجه إنت مُبدع فيها؟ -
الخبز والعجن
جمـال يومك مرتبط ب.؟. شبع النوم
كُره عظِيم لـِ ..الكسل والتسويف
يعتمدون عليك فالبيت؟
ايوا كثيير مثل سندريلا ههههههه جيبي هذا وين هذا سوي كذا ساعديني ماعرف وين اروح تعالي معي انا مريضه خليك معي سوي لي كذا كلمي فلانه اشتري لي كذا وكذا يبووووي هههههه
ايش السبب اللي يخليك تحط لجوالك رمز؟
ماحط له رمز لان هذا كان جوال اخوي هو عنده اثنين جوالات وهو عطاني هذا اتسلئ فيه واذا احتاجه ياخذه
واذا خلص منه يرجع يعطيني ياه
تأثر فيك كلمة "طيب عشاني"؟
ايوا تاثر بي كثييير خاصه مع النظرة وحركة العينين والحاجب يبوووي قلبي رهيف هههه
شخص يقدر يقنعك ب ثواني ؟.
ابوي واختي الاصغر مني ماشاء الله عندهم قدرة عجيبة
اذا حبيت تكون لوحدك وين تروح؟
بالمطبخ
لو بيدك التغيير وش تغيّر ؟
اغير حركة وسياسة الدول
الحين لو مثلاً يعني الله لا يقولها بس مثال بجيب لك هدية وش ودك اجيب لك مثلا و الله ما تجيك بس مثلا؟
500الف مليون دولار
نص مشاكلك وش سببها ؟
نقص المادة والفلوس
كم نسبة حبك للاطفال من ١٠؟🙃
10/10
مصيبه سويتها بأهلك و أنت صغير؟
كنت صغيرة وحساسه كثير ومازلت للحين
الحاصل انهم جابو خروف للعيد واسمعهم يقولون خلوه ياكل ويسمن اكثر عشان بنذبحه وناكله وانا اشوفه يلعب وينط اجي ابكي واضمه واقول له لاتخاف بخليك تهرب
وانتظرتهم ينامو باليل وانزل بالحوش وفتحت للخروف واخليه يهرب عاد مابعرف ايش صار يمكن احد اخذه او هو ضاع وراح عليهم وضيعت فلوس اهلي وخربت عيدهم وماكان عندهم فلوس يشترون خروف ثاني هههههه سامحني ياربي كنت خبله
إذا الشخص تغير عليك تعاتبه او ماتبين له؟
اعاتبه مره او مرتين وبعدها اتجاهل واسكت
وش تسوي ٥ ايام بدون نت ؟
اسوي ترتيبات بالبيت او اشوف تلفزيون
او اروح البحر ومنتزهات
شيّ ؛ فقدته تتمنى يرجع لك ؟
الي افقده ما اتمنئ يرجع لان اضيع وقتي بالتمني
لكني انتظر الاقي احسن من الشي الي فقدته
سؤال عمرك ما كنت صادق باجابته؟
السؤال هو محتاجه شي؟!! دايم اكذب
واقول لا وانا بالحقيقه كلي احتياجات
اللهم لك الحمد لاحاجة الا و قضاها رب العالين

كيف تهدأ اذا عصبت ؟
اهبد بالاكل او انام
أكثر حاجة تشتريها؟
اغراض المطبخ مثل مناشف و مسكات افران ارفف وعلب بهارات اشيا استهلاكية
وكمان ملابس خاصه للطبخ
علشان ماتضايقني بالشغل وابدلها يوميا
من اكتشافاتك:
من اكتشافاتي ان المراوح بالبيت
تدور عكس اتجاه عقارب الساعه هههههه
من النوع الي تستشير ولا تسوي الي براسك؛
احيانا استشير وافكر اذا راي افضل مني
اخذ به واذا كنت محتاره اخذ براي الاكثر
اول طبخه سويتها ؟
مرقة دجاج
عمرك ورطت أحد بمصيبة ؟
لا الحمد لله اني مساله وخوافه هههه



لكل من يقرأ : أتمنى أن يحدث لك شيء جميل يغرق قلبك بالسعادة .'
وانتي اكثر يا طيبة القلب